先見之明

hiking在11日的文章提出斬倉朝一觸即發,現在看起來中鬼左,事實上早兩日的神七式的反彈的確令人有暴風雨已然過去的感覺,如果有人在此時用孖展也不會奇怪

指數曾經站在17000點以上,腦充血的人是不會認為股市會跌返千幾點的,如果他們受到書本或其他渠道鼓動而借貸投資,今次一定跣鑊金,一口氣跌左2000點,穿左15000,結果2000點的安全邊際就好似國產的套一樣,而孖展有2000點的保障(唔係保障你,係保障銀行)已經好難得

匯豐在這段時間,由114跌至106,區區幾%,而所謂借貸去投資的人,似乎唔會有幾多個借左錢會去買匯豐,這就是只有鄧小閑一個可以安心訓覺的原因

如果有人借錢買左地產股或其他大起大落的股份,他們應該要承認他們是投機,因為他們的目的是股價的上漲,而不是因為股息比利息多好多,而且冇本事放心坐艇

1175福記食品一日跌左40%,睇到眼都突埋,有時大戶持有一些冷門股票,成交少,如果比人斬倉,會因為冇乜人買而乾跌,跌到阿媽都唔認得,建滔創科都類似咁,其實唔一定次次都話大戶作怪,上市公司大股東有時都會用自己d股份做抵押借錢,銀行現家要錢唔要命,收柴特別爽手,夠膽將身家性命交托比銀行控制的人,本人一定相當了不起

我不反對借錢投資,但反對人鼓吹借錢投資,及以借錢投資為名行借錢投機之實