大限將至

味丹571蚊的股息支票入手,過兩日兌左佢,比較遺憾的是,這似乎接近全年派息了,如果下半年再有200蚊,我會相當驚喜

出面股市風高浪急,大口銀行剛剛穿左100,居然連揸兜銀行都果頭近,實在值得紀念

恆指去到13xxx實在始料不及,表現出來的造型就係我乾坤一擲的部分都可以衰十幾二十%,如果按六四果陣跌的比例,恆指都係跌到15000左右,如果1929的比例...是跌到4500點,當然也不用睇得太淡,經濟同股市係兩碼子的事,經濟肯定簫條的情況下,也不代表股市一定表現差

在30000點的時候,股市同樣大起大落,現在14000點,股市再次大起大落,這現象是否相同呢?

在14000點時,"買入者"供應愈來愈少,以前每個價位都有千人布陣,因此大戶可以在不影響市價的情況下沽貨,但現事可能要隔幾個價位先有d百人陣,如果大戶立心要錢唔要貨(因為錢是客戶的,沽起來一d都唔心痛),必然出現連續的百人斬,而股價自然會一級一級的跳,這不是和30000點的"賣出者"不足一模一樣呢?

看見如此碧波蕩漾的股市?我相信暴風雨正開始消散,當然離落風球仲有一段長時間

市況統計已經不能再做了,因為cashmain個網short左,統計資料冇曬