等待黎明

無論香港又好,外國又好,好多上市公司都出現虧損,我多次強調現時虧損好處多多,精明的管理層自然會多加利用,但對於成日同借貸打交道的公司可不是咁講,成身債的實業公司虧損,實比銀行追到褲都甩,成身債的銀行虧損,又會比政府隊到褲都穿,於是選擇虧損的公司和只能虧損的公司,將來自然各自上天落地,命運大不相同

可以輕鬆發現,指數成份股當中存在虧損企業,以美國為例,金融股,汽車股,航空股,金屬股等等都出現虧損,這代表甚麼?代表指數下跌,美國稅收減少,財赤增加,美元下跌,福利縮水,股市自然很長的一段時間冇運行,但對個股來說,並非不幸,原因在於一個字--稅

係人都知,美國係個高稅國家,例如炒股增值稅同股息稅廿幾三十%,而企業利得稅35%(現家好似係30%),而炒股增值稅同股息稅仲係雙重抽稅添,抽左35%利得稅再抽增值稅同股息稅....香港股民真幸運,因為政府唔肯派生果金,所以低稅.話說回頭,如果一間公司虧損,自然唔駛交稅,仲有扣稅額添,好似美林咁經典,一次嚴重虧損就可以搞到以後幾十年唔駛交稅,連帶收購美林的美銀都可以n年唔交稅,以35%的稅計,在之後的一段日子,盈利會平白多35%,,對於多35%的增長率,很天真很傻的市場先生會很黃很暴力的買入,到時又一場投機風潮

虧損企業的將來,唔係生就係死,死左扣稅額自然用唔著,但殘存者可以使用扣稅額之餘,又食埋其他摺左d公司嘅市場,雙重得益

智慧型投資人看到未來,自然快人一步,雖然不一定買虧損企業,也必定知道令指數回升的力量將會由它們帶動,其他股票亦水漲船高,現在即使好似猩猩一樣的選股,亦多數會成功,趁現家從容買入,總好過第日餓狗搶屎