集資一般分為供股同配股兩種,供股係打現有股東主意,而配股係打潛在股東主意,新股以大折讓發行,明顯係讓利,選擇供股對現有股東是最公平的,賤賣比股東好過賤賣比外人的意思
91供30的意味,是因為有一些小股東會以股代息,因此有少量碎股,同一d齊頭的股東比起來,前者應該比後者更有持有的決心,因此多出的零頭反而方便了以股代息的股東(例如原有150股加3股以股代息,咁91供30就岩岩係50股,又例如原有100股加3股以股代息,咁91供30就係135股,如果渣打股價在60左右,一年之後以股代息合計150股),而後者供左股就齊頭變零頭,即變相鼓勵長揸的意思,由於渣打冇打算減派息,因此供股的資金有一部分是用於派返比供股人的,完成供股後,總股數會多3成,於是派息總金額亦會永久增加3成,如果盈利冇増加,派息比率會近6成,咁代表兩個可能:a-渣打的保留盈利下降影響長期増長力.b-渣打打算一口氣完成額外30%的增長
如果渣打真係打算購物,多數會買AIG或者萬國寶通d遺產,但係匯豐唔同佢爭,佢都買唔起,如果真係同佢爭,更加買唔起
燃燒吧,渣打的小宇宙!現在正是發揮第七感的時候!
股東前路只有英雄式的凱旋同埋落水狗的沉淪兩條,冇錢供股的唯有朋友先試做一下落水狗的滋味了
淡馬錫似乎有意供股,咁渣打就成為不折不扣的新加坡銀行,由於渣打發行的銀紙只有26億,有買趁手
沒有留言:
張貼留言