2008年11月4日 星期二

11月4日

出糧入貨,成功以2.6買入逆市大跌的惠理基金2000股,但買入神威藥業失敗,明天再接再厲

持股中的德昌發出盈警,話收買爛銅爛鐵的部門炒燶左,蝕左2900萬美元,今時d回收站蝕到阿媽都唔認得,連廢紙都唔收,可想而知,如果早時收買左,現家賣唔出肯定發臭,收買部門屬於德昌04年建立的貿易部門,原意係代理一些自己冇生產的產品同有色金屬,希望客戶黎問德昌買野時唔會話"我地無得賣喎"咁,比較遺憾,該部門由成立到現家冇一年賺錢,現家入左貨賣唔出或者爛五金跌價,執左佢都幾公道,不過肯定打擊左德昌將來重建該部門的動力,剔除這一問題,德昌核心業務利潤7500萬美元,而上年同期8500萬,有一定的倒退,今年純利下跌,亦不過是回到06年水平,但股價卻過度反映,由3.xx跌到1.xx,並沒有考慮到德昌世界第一的地位強化了的事實

第二件事係鰻魚cut左份美元利率掉期,最近衍生工具搞到滿城風雨,手持衍生工具的鰻魚同鐵罐自然成為市場開刀的對象,不過要留意的是鰻魚同鐵罐的衍生工具係美元同人民幣掛鉤的,因此變化都係有限,唔同某公司的澳元美元掛鉤;鰻魚係出口公司,做匯率對沖無可厚非(但鐵罐係內銷公司,冇必要之餘,又玩大左),訂果份野果時人民幣升緊值,公司自然係賭美元下跌,不過今年呢....損失並不清楚,但數量有限,肯定能夠承受,經此一役,外資銀行的信任可謂破產,以後再推銷乜野都冇人買,亦令手持大量現金的公司邪念少左,可喜可賀

先後三隻持股放出壞消息,好彩皆無損公司的競爭力

沒有留言:

張貼留言