我特登去試用不完全數據進行分析,係想說明一個觀點:
如果僅僅要區分"好"同"壞",應該是可以簡單分辨出來的
一名好中醫要識望聞問切,有人精於昅野,有人專長揩油,如果你腎虧,甲醫師只需昅渾你全身,乙醫師剩係由頭摸到腳,兩人都可以知你腎虧,唔一定要同你做全餐先話比你知"你個腎虧左72.43%喎",有咁嘅需要咩?
如果一樣野有明顯的缺點,你可以有好多方法睇到,"明顯"的程度因自己的辨別力而異;"肥仔一定好重"唔駛磅都知,"幾重"是要測量的,需要工具同知識,但僅僅想知佢重還是輕,簡單睇一眼就可以
我選股一d都唔叻,好失禮地,我現家一個仙都賺唔到,不過以全持股的同咁嘅市況下情況下,只有15%內的虧損已經恨死好多人了
我選股的核心要求是--有明顯缺陷的不要
一間公司有明顯缺陷,無論你用資產負債表定係現金流表都應該可以睇到,由於有兩個表,其中一個有問題就out,咁你的安全性就起碼有兩倍,當你搜唔到佢有問題的情況下持有佢,你的信心就會同你講"點解仲要賣";尤其係經歷了阜豐慘痛的教訓之後,我對股票的缺點要求嚴格得多,第一次比唔知係老千比佢昆左係自己唔好彩,第二次明知係老千都隊埋去就係自己老襯,再重演歷史我就不能自認怪人了,而要改稱為普通人
冇大缺點先可以再慢慢選,自己d血汗錢黎架
沒有留言:
張貼留言