中國人點解咁爛賭?因為想不勞而獲囉
國之將亡必有妖孽,咁多人黎賭錢國家應該一早亡左先係,但中國國力依然強盛事實上中國的發展一直不錯,內部問題雖多,但快速成長的經濟可以蓋過其他不良影響,雖然只是蓋過而不是消除,但中國始終會成為世界的中心,即係一大鍋粥有幾粒老鼠屎食唔死人,煲粥係料理人精心製作的,味道好,忽起黎食大部分人都係食到冇老鼠屎的部分,個個食到直豎拇指,雖然有唔少人後來肚痛,但係粥是好味的始終是事實,我卻食果碗都係老鼠屎,因為所有老鼠屎都雲集在澳門
無論係邊度,人(錢)流雲集的地方總是治安不靖,廣州火車站係咁,海關關口係咁,賭場都係一樣,日日都見住個心就會對具中國特色的人仕有偏見我自己都是地道的中國人,只是不具中國特色,其他就算係外國人,如果有中國特色我都一樣白眼相待(工作總是違心的,此時唯有祭出職業道德來應付),偏見是不好的我明白,但卻難以改變
我即使在賭場度做野,但我本人是希望禁賭的,即使會失業,我同同事咁講佢地都話我矛盾,我話軍人的工作係打仗,佢地的唔可以比任何人都討厭戰爭?
我工作的地方係開放式賭場,入面有幾十隻走地雞自出自入,都由幾個雞頭控制,找換處又有一些有組織唱錢黨,間中又有一d小偷入黎博懞,賭檯成日都係爛腳多過客,如果保安隊長係歐家泉就好,但係保安部卻因為人工較低而人手不足
間中我會擔心會中招---籌碼上面沾滿花柳梅毒,又唔清洗,仲污漕過銀紙,銀行職員都有人因為接觸銀紙而染病
"賭場是公共地方定係私人地方?差佬可唔可以入黎罰d隨地吐痰600蚊?"我隨意問上司,佢都唔識答;成日都有人吐痰,挖鼻屎,除鞋放隻腳去其他櫈度,卷起件衫突個肚腩出黎散熱,開口埋口都係他人的老母,旁若無人,因此我有如此的偏見實在正常
中國人唔係個個都咁嘅. 但係衰嘅都黎曬澳門,因為唔衰唔發達
賭場開的目的不是為娛樂大眾,而是為了賺錢
賭客黎賭的目的不是為了娛樂,,而是為了賺錢
兩方都想賺錢,但只有其中一方能夠賺到,因為金錢守恆定理
沒有留言:
張貼留言