新股老千回顧

牛市由現在來看確實成了過去式,暫時都唔會再有人會上市了,簡單回顧一下06年07年的新股,會突然發覺有好多公司減肥仲快過欣宜宜,由於我們本來的目的是養肥豬豬,因此無論如何都應避開一些吹氣公司

不過講就容易,由於上市前公司的數字只需提交最近果3年,時間短,人為操縱的可行性更大而且更方便,因此完全唔抽係一個很好的選擇

即使如此,研究一下鑑定方法都有實用價值嘅,我研究到個方法,雖然唔準而且無根據,不過作為排除條件都未嘗不可

由先要講下老千的原理.老千無非係係盈利度做手腳,抬高或者壓低盈利數字而操縱股價,壓低股價(例如維他奶)一般唔會出現新上市公司(除左政府公司私有化例如領匯),所以現在只講前者;做手腳有兩個途徑,一個係用想像力,另一個係重新安排現有數字;老吹的公司我唔知點講,一句講曬--自己隨機應變,而做數就或者可以看到一些蛛絲馬跡

如果我自己要做數要點做呢?做生意要買貨比錢,賣貨收錢,中間差價就係毛利,但係公司唔一定係即時現金交收,一般都會賒數,出現一個應收賬款同應找賬款,由於唔知錢幾時入手,所以毛利唔可以即時確定;利用呢個漏洞,我可以決定幾時先入數而操縱毛利數字,例如我可以將應收賬款全部當賺左即時入數,而應找賬款就推落另一年;果年毛利數字就會大升,相對的兩倍應找賬款果年毛利數字就會下降,如果第時應收賬款有部份收唔返,之後果年就要係毛利度嘔返條數出黎;由於公司只需最近3年的數字,如果佢有本事將應找賬款推曬3年前計,將3年前d應收賬款笠曬過黎,咁就可以做出阜豐級的效果

那麼逆向思考,用應收賬款黎做消耗品,咁毛利上升的同時應收賬就會惡化,因此發現佢上市前的應收賬好核突就可以認為佢出術,看應收賬大概的可以用流動比率黎睇,具體要有幾核突呢?各有各好難講,總之越低越老襯,不過任何公司流動比率低過1就肯定有問題--唔講其他,至少定價肯定過高先

即係話一間公司本體如果上市前後營運冇極大的變化,流動比率奇低的公司的盈利數字會好似欣宜宜咁走樣;如果公司之後果年快速成長或者可以填數唔怕穿煲,如果公司本身都營運不善,雙重打擊下就會出盈警.....

反例雖然有好多,但肯定的例子還是有的(區區定價過高就費事講,請看現金流):

546阜豐,528 金達,2006錦江,1389民安,1886匯源,3938三林,1155星辰,3331維達,656復星,826天工,3800保利協鑫,368中外運,3808重汽

(以上都是廢話,睇過就算,讀者沒有相信的必要,)