價值投資者不擅沽貨

有讀者問我科技股點睇,例如網龍好似好有錢途又有派息,幾年升到pe70都唔出奇...咁話,我梗係唔識答啦

首先我機乎唔會考慮軟件股(軟件設計為我帶來幾年的痛苦),如果你用緊軟件a,有日出左軟件b的功能比佢好,你大慨會立即轉用軟件b吧,即使係window,如果佢要係大陸全面收費,中國民間的科技力倒退10年都似,window可以保持優勢只係Linux的兼容性太唔似樣,而唔係用戶忠心;同樣的,一個game可以玩幾年?收費的仙境同免費的金庸有何分別?公司同外國公司比未必有優勢,冇人會因為公司名而去玩個game(光榮koei除外),而且今年的公司和後年的公司可以是完全不同的公司,因為主力產品(game)已經更換了;還有,台灣同大陸網game在用戶的態度上都被認為是gap水的垃圾,一邊罵一邊玩,玩一排就算

如果一定要選科技股,我會選硬件股,但即使Intel,AMD,Asus,LG,Philips之流也不會考慮,因為我老本行就係電腦,我深知電腦行業係殺價競爭的行業,產品只能在新出時賺一段時間錢,所以要買可能只買具有壟斷性質的公司例如瑞士的羅技同新加坡的創新或者是向生產商提供服務的公司例如台灣的台積電

因此網龍又好百度又好,我一開始就不會考慮的

如果只係齋睇佢升到pe70我一點也不會後悔(或者多少有些d唔抵得),即使我一開始持有,也不可能揸到pe70

價值投資者手上不會有pe70的股票,因為佢一早就買走了,可能是25,可能係45,但決不會係70

我或者可以持有一隻股票去到pe30,但我的想像力不可能說服我揸到佢再升一倍至pe60,與其不安地持有不如將佢換成另一隻pe10的股票,要說服我由pe10揸到pe20會比30至60容易得多,而且可以安安心心的同時,效果亦一樣

要我繼續持有到幾十pe,除非沒有任何更好的換股選擇,如果有更好的換股選擇,未到pe20就換走左都唔出奇,不過要我作出真正意義上的"賣出",代價一定唔可以少

對於可以升30倍的股票,有人可以在一隻股票上賺30倍時,也會有人在3隻股票上各賺10倍,效果一樣,但後者就會背上不擅沽貨的名聲,前者卻成為股神