我由2007年婦女節前開始買入,當時的第一注買入價係0.57,之後七度增持至現在110000股,現家先發現我增持的次數和持有時間比我想像中少得多
07年是牛市的顛峰期,好難先有一d平價目標,當時股價比資產淨值低的好公司全市場只有展鴻一間,退而求其次,發現了第一天然同中國消防都係又平又有前途,點都估唔到08年可以去到成街都係展鴻咁平,對我呢d股壇新仔黎講真係一個好好的體驗
當時(僅講"當時"的分析,現在頭腦進步了,比"當時"看到更多)我留意到中國消防每股現金2毫資產淨值4毫幾,營業額8億,無負債,公司的純利大幅下降至每股4仙左右,上年佢賺7仙,由於果7仙唔係特殊收益,係之前數年的努力成果,所以足應為"7仙"係中國消防的"正常盈利能力",以7仙10倍市盈率計算為7毫,比起當時5亳7有23%水位
之後刨其歷年年報同招股書,發現佢的業務分為生產,工程安裝,貿易,維修保養四部分,我立即就發現了佢的維修業務的特殊性,於是我掦除了中國消防一切核心業務僅保留維修業務一項時的價值有多少?一計之下,余大喜,即入
05年中國消防生產部門營業額3.8億,毛利7300萬,工程安裝3.6億,毛利1.1億,維修營業額5400萬,毛利4300萬,貿易忽略不計
維修部門係佢最細細的部門,佔的盈利很少,只算是副業
但係佢有一個特性,係年報甚至所有資料都冇提過的,卻只存在於常識當中
我們聯想一下,電腦公司的維修業務有乜特徵?買電腦的人好多都係電腦白痴,又或者係一些機構部門,佢地買的必然係廠機,所謂廠機,都係一d包裝到好靘,有所謂原廠保養的爛機,係人都知廠機性能差,但係電腦白痴貪佢有保養,機構部門貪佢有發票同3c認証而買佢地,而廠機的特性係你一旦嘗試自行修理,就唔同你保養,於是廠機有問題,或者係中毒,最於都會送返去賣方度維修,而且一般都唔會免費(借d倚話壤乜壞物,換過要錢,連裝過window都要錢)
而中國消防又有乜分別?佢同人安裝左d消防喉,如果要維修,會搵五金佬定係搵佢?
佢同人裝一粒自動灑水或者只可以賺1毫,但係佢可以同人返修果陣收5毫人工....
因為佢每年都有安裝工程,佢每增加一個工程,就為維修部新增一個潛在客戶,如果佢一年做300單安裝生意,二十年後就有6000個潛在客戶搵佢維修,如果佢一年只安裝5億的營業額,二十年後就有100億,如果到時每年僅3%要定期保養都有3億
係人都知大陸d消防設備係裝飾黎,裝左又唔用,又唔維修,但係二十年後會黠樣?至少北京上海都會追到香港現家掛,如果佢地養成定期保養嘅習慣,就係一筆大生意,我就係賭大陸幾十年後的將來的消防政策會比現家好,僅此而已
至於中國消防的其他主業,我當佢地係贈品....
我當時買入的分析就係咁
沒有留言:
張貼留言