中國消防車市場與8201的關係

消防設備可以分為三類:民用        商用       軍用

民用指滅火筒,氧氣罩,麻繩,煙霧探測器等

商用指灑水器,大水喉,特種滅火筒,指示燈,防煙門,煙霧探測器等

軍用指消防車,消防船,消防炮,消防飛機,消防坦克,蛤乸衣,面具,傢伙,氣袋,生命探測器,毒氣探測器等

現在中國的消防公司,除了前國企外,一般冇能力生產軍用品,就算有都冇人買

其中一個原因係大陸消防隊非常極之超級嚴重窮困,一黎有人貪污,經費不到消防局;二黎有解放軍,消防員經常被無視;三係中國人缺乏防災意識,消防設備用開用憤都係中古貨,所以消防隊局買野例牌拖數,消防公司不得不預留大量現金應付周轉

以消防車為例,06年中國全國地級消防局指示要配備8734部消防車,但實際上只有6839部,少左的21%去左邊冇人知

用人口密度比較,香港每部消防車服侍10870人,而大陸每部消防車要服侍55556人,香港的消防已經不算是世界級的,巴黎每部8772人

以北京為例,成個省城得193部消防車,而香港有596部

 

消防車的結構由底盤同上裝組成,底盤即係柯柏文,上裝就係上面果箱野

現家國貨的最大問題係柯柏文來來去去都係解放牌,東風牌,五十鈴果類,上裝做得幾好都冇用,因為現在的柯柏文係一般的量產型,本身設計並唔係比特種車用的,由於冇人生產專用柯柏文,所以唯有降低上裝要求來遷就,而且對量產型來說,上裝的同步率本身都是個問題,唔係求其進口個上裝就一定岩用,所以05年中央開始進口消防車的3c認証,(困擾左8201三年)

全中國有23000部消防車,款式舊,品種又唔齊,成日得水桶車冇雲梯車,水桶車占左70%,實在離譜,救化工廠之類要用泡沫車乾粉車之類的特殊車型,但實際只有區區10%,而且係中古車,所以一有果d火災就一發不可收拾,次次處理都係話"等佢自然燒完啦"

上年中國買左3000部新車,8201佔左400部,上海電氣都係咁上下,比較難得的係8201同上海電氣生產的都係貴價貨高檔貨,因為奧運年,所以先咁多,之後大概每年全國新增2000部

係中國,有20幾間消防車生產商,但只有不到10%的消防車生產商有能力生產1000部,一半的年產量不足100部

8201正在現在建造的廠房完成後,產能係1500部,在價格方面,進口車一般都在300萬以上,而8201自己生產的賣60-80萬左右,已經算係全國最貴的,以後仲有廣闊的加價空間,相比大部分生產消防車的民企例如明光,佢地只生產10萬蚊的下價車,市場面向不同,可能仲要減價,而且60-80萬的價錢出口到新興市場是比較好賣的,因為其他人賣300萬,最重要的是8201有能力生產其他用途的消防車,而唔止齋射咁簡單