奧普業績

今次似乎唔搞網上發布會咁,盈利跌兩成冇面見人?

買奧普(477),最重要的派息並沒有因此下降,1.5股的4仙即是原先1股的6仙,現在終於發現拆股同派紅股的分別了,拆股後以往的每股財務數字要按比例調整,而派紅股則不用調整以往的數字,對其核數師來說是很親切的處理手法,但對我們分析時就不很方便,至少報紙會因此不求甚解地說派息減少

奧普的財政情況同上年相比,基本無大變化,固定資產沒有增加,並沒有額外擴充的打算,類似咸魚的心電圖一樣,對100%派息比較的公司來說,呢點冇乜好責難的

銷售方面,似乎一潭死水,銷量全面下跌,雖然話地產經紀都冇啖好食,但如此全面的衰退實在少有,本以為奧普網上咁好賣,天氣又咁凍,業績一定好,現在交出如此業績實在令人失望無比,就好似據說玉樹林風勝潘安的網友的真人登場時,卻是玉樹林風成奎安一樣,可能味皇期望值太高了

子公司免稅期在2010年滿左,所以稅率變高

盈利跌得較多,但營業額基本持平,如果裝修市道真係咁差,現在的銷售情況應是可接受的,毛利率沒有點下降呢點好關鍵,公司並沒有著急

今次奧普都自認自己的產品單一,缺乏增長點,以前味皇曾問佢會唔會收購TOTO呢類公司,佢答要自力更生喎,短時間內都應該唔會有大改善,就算是環保灶,都唔會係地產經紀冇啖好食的時候特別好賣

但樓市好轉時可能雙倍獲利,等侉打反擊囉,不過最近味皇持股業績3串1全部死曬,燈到冇人有,我的分析不要盡信

另外味皇發現浴霸設計的一個重大缺陷,遲下寄封e-mai提下佢先,順便問埋其他野

特別留意到,奧普繼上次買成都的地皮外,今次又攞左1500萬搞基金,說明生意淡薄,不如賭博,本業搞唔好就搞副業,有錢就身痕,其實蒙牛牛根生都成日咁做,但人地係老闆私人名義做,而奧普卻以上市公司名義做,呢點極不尋常,絕不是一般中國人的做法

比如味皇自己是上市公司主席,當味皇找到一個投資機會時,都會以私人名義投資,肥水點解要流別人田?而奧普以上市公司名義投資,可能有呢個諗法--好野人人都有份,咁對所有人都最公平

如果方杰真係咁諗嘅話,佢有可能係繼余慕蓮後中國第二個道德聖人,以中國的營商環境,道德聖人可能生存賺大錢嗎?雖然奧普的派息政策一直都冇得彈,而方杰又係半個鬼佬,但我還是不太相信中國會有咁好康的人物

以前有人訪問佢http://money.163.com/10/1202/02/6MS6BFM300253B0H.html,據稱佢由清潔工做起,7年爬到上經理,會有這樣的怪物?文中說的人不是卡耐基嗎?如果此文內容屬實,方杰不是LV99的能力神人,就是史上最強的欺詐師