中國動向業績

盈利多0.x%,雞到冇人有,原先判斷佢增長15-25%的,因此股價多數會跌,結果今日真係跌到冇朋友

大便味的咖哩同咖哩味的大便比你揀,你會揀邊樣?大便味的咖哩雖然是大便味,但理性會告訴你即使是大便味,始終是咖哩,但遞到埋口你又會掙扎說咖哩味的大便可能更好,之後理性會告訴你即使是咖哩味,始終是大便,然後就自尋苦惱

現家有份疑似大便的咖哩擺係你面前,你肯食嗎?

今次的動向(3818),派息算高,至少唔係大便味,股價大跌下比人踩到爛屎咁樣,不過是咖哩的可能性還是較高的

以前說過,動向的零售點有可能需要清理上市時的存貨,由於批發方的損失就是零售方的得益,當零售點清理存貨時,動向就一定會減少出貨,個人認為15-25%的銷售增長是全行業共通的,至少同業人人都做到,數字比較可靠,因此在動向銷售停止增長時,零售點的存貨就會減少15-25%,動向營業額42.6億,毛利率59.7%,即是批發比零售點的金額是13.3億,因此零售點的存貨減少了2-3.3億,只要恢復供貨,增長就會重新回來

安踏1存貨對應營業額16.4蚊上下,存貨周轉率16.3,匹克就12.6蚊左右,存貨周轉率12.7,當動向的零售點存貨全年入貨共16億,存貨周轉率假設為13,零售點現在的存貨就是1.2億,kappa賣咁貴,應該比安踏賺得多,幾多就唔知了,現在入股零售點,雖然不會在資產負債表顯現,都叫有益,會否加d財技另行利用就唔知了

關鍵是毛利率沒有點跌,如果零售點係冇增長賣唔出,毛利率是不可能維持的,所以雖然是爛屎咁樣,其實都係咖哩,而且唔係大便味

分店數量增加7%,完全提不起勁,廣告費比例提高,可能是為了新引入的牌子宣傳,新牌子"Robe  Di  Kappa"應該是單純的休閒服而已,毛利率可能會較低,不過有d市場

現金仲係冇用過,幾十億港幣呀,任得佢貶值,起碼換成人民幣丫,真想打佢一身,新聘來的ceo應該會用了,點解請新ceo?估計是為左第時萬一收購成效不好時揹鑊用的,如果收購成效好班友仔就會改為出黎認屎認屁,唔知點解,管理層會比我咁嘅感覺

日本的營業額4億佔總額1/10,現在業務仍是不賺錢的,因此下年也無可能賺錢,不過4億的公司只是很小的規模,形成的損失不會太大

同一些同業不同,動向稅率增至22%,由於大陸稅率上限是25%,因此往後稅率不會再點樣大升

派息港幣0.11左右,我地唔駛抽10%稅,因為派之前公司已經比人抽左5%,我個人會收左5000蚊左右,原先買入時,是希望由6厘股成長為8厘股,現在卻是通過股價下跌而變成8厘股,事前是完全估唔到的,"股票會波動"就是呢種回事,現在顯得買入價太高,現在味皇在水下33米深潛