2011年3月24日 星期四

再加碼

今日以0.67賣出味丹非實股的部分,換入2.53的動向,人地難得大跌,唔可以詐唔知
味丹是以10厘股的心態持有的,雖然現在達不到10厘,佢係冇乜增長,但股價亦長期低落低,是"買入"的好目標,相應地不是"賣出"的好目標,正因為呢種單向的特性,買味丹時往往會只進不出
而動向現在的息率亦很高,已比得上味丹的預期息率,另外又兼顧了長期的增長率,現在是非常適合"買入"的操作,而且股價將來變化會很大,會有"賣出"的可能,算是雙向並行的路線
兩者相比之下,優劣明顯,因此進行了換馬,現在手上仲有旭日同聯亞,根據兩者之後的業績同股價之間的差距,還可能有進一步的換馬行動,呢部分就是味皇今次準備的最後手段
換馬本應在昨日進行的,但返工的關係交易唔到,遲左一日反而賺左,味丹不是有乜問題,係人地比佢更好而已,另外早前味丹是打算提倉的,但由於動向同集優大跌的關係,如果將味丹提倉,戶口金額就會少於50萬而罰錢,於是停左係度,算是因果關係吧
日本的情況有點改善,至少避免了東京樓價下跌,如果東京樓價大跌的話,實大劑過雷曼破產,到時銀行又要集資了,話雖如此,銀行業的潛在損失會很大,資金互相拆借的情況下,大家都唔可以甩身,現在是減少債務的較佳時機,可以考慮下趁現在樓價較高,將部分非自住樓套現減債,至於套現多餘部分的歸宿,長江基建或者港燈都好
至於味皇由於仲要罰息,加上租客加租續約,今年年中都唔會考慮賣住
日本d人咁悽涼,班賭鬼仲咁好心情黎賭錢,令味皇每日都想拿著電鋸返工

沒有留言:

張貼留言