尋日以1.67買入8000股錦江,世博前好彩用2.61賣曬,過左1年又買返,好耐冇買過低息股了
係來來度買左兩包時興隆的魷魚波,1包16克1.8蚊,同樣時興隆筒裝魷魚波14蚊90克,前者差唔多1蚊1克,而後者反而蝕水得多,一般產品大包裝必會比細包裝性價比高,因此明顯是定價錯誤,因此有點腦漿的人都會買細包
消費唔格價,阿媽買你怕
買股票有咁簡單就好,好似之前漢登同堡獅龍性質相同,價性比卻差好遠,呢種就好似魷魚波咁易判斷,但是錦江同自動系統比又如何?
就好似4.5蚊的460毫升的維他檸檬茶同3.7蚊340毫升的寶礦力比咁,變左由其他因素決定,口味...之類掛,但是買4.5蚊的460毫升的維他檸檬茶而唔買3.5蚊490毫升的冰紅茶就肯定是口味問題了
原本唔知想入邊隻好,最後買入錦江,決定的主因是自動系統業績差,個人口味都有
沒有留言:
張貼留言