日本沉沒

災難片之中,"日本沉沒"同埋"明日之後"都好收得,而實際上卻沒有太多人在意會否真係發生災難,看完片後的危機感有效期往往不足半小時

實際發生起黎,同做戲一樣咁誇張,睇到心都實埋,開始有點理解日本人點解要侵略其他國家,正如屋企長期漏水都會諗搬屋,早前港澳被評為世界上最適宜人類居住的地方也有其道理一黎又少天災,供水供電比上面仲有保證,巴菲得所說的幸運的投胎,如果投胎係孟加拉就做鬼都唔靈,不過果個統計中,窮人好像歸類為非人類咁,人窮起黎,港澳定係孟加拉都冇分別

由於大亞灣就在旁邊,維持最適宜都要概率

人地第一時間諗到保險要賠,而味皇第一時間諗到日本的米產量,日本的東北地區就如同大陸的華北平原咁係大糧倉,咁樣浸一浸佢地就不能自給,壽司都改用泰國米,連帶我地都要食貴米,第二時間諗到的是銀行會非常大劑,死左的人一件事,就算未死的人之中大概都冇人會還按揭了,爛屋唔還,在廢墟中的完整屋亦不會有人肯還,況且佢地連的工作地點都冇了,假設每人揹200萬按揭,1萬人唔還就200億,乜銀行都會資本不足

股市未見特別恐慌,味皇自然不會有發災難財的口實,當初味皇特別喜愛中國消防就是想維護世界和平,不過後來發現,滿嘴仁義道德的往往都是老千

天災雖然慘,不過人禍仲可惡,未比幅射變X-MAN之前,我地剩係飲奶粉食雞蛋都變科學怪人了