行了狗屎運

行了狗屎運,而且仲係爛屎果種

話說筆者在中銀和永亨都有貨,因為中銀收費奇貴(相當於匯豐之於香港),點貴法?拥金130同75之比,而且提倉收費多一倍,服務又冇乜分別,個網一樣經常死(短炒果d人死硬),而且收倉費的日子將至,筆者一直都想搵日將d貨全部轉曬去永亨方便管理(先前已轉了一批鐵罐過去)

5月6日,中國消防大奇蹟日次日,陰雨綿綿

9:00  我一早起身打算賣走中銀果d貨-80000股消防車,25000股鰻魚,提清錢去永亨買返,一開市,消防車報0.73,賣!點知----個網死左

對上一次有咁嘅相同散戶經驗的時候係阜豐出業績的次日,我恐慌性買出的日子,開市前1.85我預左水位set1.8賣,點知個網死左,之後好返我要用1.52排隊放到,一年後的今日仲歷歷在目.....

9:50  咳咳.....死網就算(筆者唔識點樣電話落盤),改變行情,去出糧銀行提款,提款比家用,仲有月供匯豐同買股票池的資金,很順利提完,立即去永亨存左佢先,,滔滔江水,連綿不絕......的人龍,價錢平就要付出代價,呢d叫等價交換

10:30 回到家中,個網好返,消防車報0.69,立即賣左,同時鰻魚都係0.86清左.好!立即出發把錢轉去永亨先,打算快快手搞掂就係永亨度用同價買返

10.50 去到中銀,,更長的一條龍,今次仲要同d師奶搶身位,師奶經過的一陣風,我像因沙基的一樣吹倒....

11:15 櫃台大姐:先生有何貴幹?

          味皇:提款哉,全額何乎?

          櫃台大姐:6xxx是也

          味皇:......

          櫃台大姐:.......

          味皇:6xxx乎?當真?

          櫃台大姐:當真

          味皇:果然?

          櫃台大姐:果然

          味皇:股票方清,其金安在?

          (櫃台大姐向另一櫃台小姐支吾一番)

          櫃台大姐:T+2是也

          味皇:即後日方能入手?

          櫃台大姐:然       (設計對白)

再講只是浪費口水,回家也罷

結果果日狂睇報價(超過20次,平時收市睇1次就夠-雖然20次對一般人來說不算什麼)

5月7日收市,消防車收市報0.6,鰻魚報0.85,結果非常意外的做了一次成功的淡倉,明天我就買返佢地返黎,然後買麥樂雞還神,仲有味丹...

如無意外,消防車的平均成本會由0.53降到0.47左右