8月31日

今日出糧,以1.39買入1手奧普,股數達成8000的倍數,算了左件心事

持股以陸續除淨,月中就可收到,租客就快入伙,到時可以收到租金同按金,吹水派的6000蚊仲未收到,應該係月中左右,不過等到頸長的現金都好過不存在的燈膽券

比較煩惱的是應用買甚麼,業績出曬,撞啱近排2,3線股大跌,可以睇定黎食,現金有限,只能擇肥而噬,食一口成不了肥仔,不過業績出左大勢也能預料,就可以進行優劣評估,將手上的持股換馬,暫時考慮緊有冇需要將震雄或部分集優換成聯亞,將新昌換成味丹等,不過工作關係,下週先有交易日

最近美國發生了甚麼事嗎,咁多基金續回嘅?通常基金套現會由2,3線股開始

青頭咁都唔死得,一早成佛就最好,市場由無視風險變成風險過敏,說明市場學精左,另外逼到洪良肯回水,說明證監有骨氣左,仲有最近的垃圾新股都少左用垃圾保薦人,說明把關嚴格左,從來良好的管理都是大棒加羅白,祭支浪牙捧出黎,別人睇見都薩隆巴斯,如果港府又肯祭支浪牙捧出黎,立法會上有人舉標語就告佢扇動,有人掟蕉就告佢反革命,講粗口就告佢涉露國家機密,世界就會變得更清淨更美好吧