睇直播

剛以輕鬆的心情看完愛隊打的英超揭幕戰,觀乎整場賽事,就是風暴般的進攻同不斷的指尖,間直同打機一樣,對方門將拿10分,如果味皇打機時出現咁既情況,相信會在扑電腦之前使出SL大法

偉大的金手指萬歲

主隊完全有能力拿下比賽,連倒掛都唔入,唔知應該說腳太臭定手太香,有能力贏,應該贏,但最後贏唔到,咁既事成日都有,意料之外的事避不了,受得起就得,我係講味丹

味丹的污染罰款第二波千幾萬美元,唔係賠比政府,係賠比居民,作為政府,肯作出如此有骨氣的處理的確抵讚,幾時到大陸肯咁樣處罰紫金,中華民族就有救了

姑且處罰的對象是味皇的公司,實在不是興奮的適當時候,味丹半年可賺1千萬計,罰一罰就見紅了,股息也咪駛旨意,公司連續在這些時候被抽走資金,對長期競爭力難免會有不良影響,但瘦死的駱駝比馬大,味丹的行業地位還是較強的,其強大的現金流成5-6千萬,夠罰有突,實際上佢9成9會唔派息,所以今次的淨流出500萬而已,可能事先預料會罰一鑊金,味丹得別留有4000萬現金,多於以往水平,因此安全性無虞

罰8000萬,市值就跌1億幾,未免反應過度,事實上除左罰款外味丹無任何經營問題,產能亦恢復了,股價因意外下跌,股東當然可視之為風險,金融海嘯時,味皇就是被這些非系統風險嚇怕了,所以現在組合才咁分散,萬一真係出現個別問題,味皇自問受得起,何況現在不是問題

味丹是好股,即使最近踎兜,但有賺錢能力的話,長期功效自然會在錢包上反映出黎,就好似球隊季初脫腳,但最終排名都會回到能反映大致能力的水平

難得今次澳門台拿到3年的轉播權,味皇以後大把機會睇免費波,唔駛學你地受K寶氣,黎妬忌我啦