2345上海集優

在講上海集優之前,我想先講一個科學知識--寄生,共生

寄生同共生都是指寄生物依附在寄主體內或附著於體外以維持生存或者得到保護的行為,不同之處是寄生在寄生物受益的同時寄主會受損,而共生則是兩者利益都無損時至少其中一方有得益甚至兩方都得益

在上市公司中,也有同樣的情況

例如錦江酒店寄生在錦江國際上,好多時想賤價注入母公司的資產,又例如華人置業寄生在金匡至祥上,成日借後者集資當成小金庫用,又例如越南控股寄生在金源米業上,蝕曬後者d錢,又例如永隆寄生在招商上,拖低後者的資本率同抽水能力

而好似中銀香港同中行共生,中銀香港可以用阿爺之名進行政治收購,又好似比亞迪同巴郡共生,比亞迪可以用巴菲特慨念集資,又好似味丹國際同味丹企業共生,只要味丹企業有生意,原料一定向味丹國際採購,又好似首創置業同首創集團共生,首創置業可以利用母公司人事關係買地同借錢,又好似上海電氣同寶鋼集團共生,兩公司的地址接近採購運輸方便

如果是共生企業,可能其中一間係市場的大明星,而另一間就冇人知,可以代用嘅話,自然買冇人知果間

而上海集優則同葛洲壩,中國南車及上海電氣等共生

以前我提過,中國起碼會出一間通用電氣,就算冇,阿爺都會扶一個出黎,邊間公司咁有幸?除左上海電氣仲有邊個

上海電氣在上海寶山區,寶鋼就係廠房隔離,有利採購,上海係乜乜物物中心,有利人材,上海鐵路通全國,有利內銷,上海係大港,有利出口,上海係主要城市,有利宣傳

上海電氣係無質倫比的公司,但是貴得離譜,點解仲要堅持買上電?因此改買佢指定供應商,而上海電氣的半成品材料由上海集優生產,自然有同等著數

上海集優的產品有4種:

1.扇葉-->華能,葛洲壩,中航科工

2.啤鈴-->南車時代

3.鑽頭,鋸齒-->創科

4.五金-->上海電氣,德昌

 

扇葉業務:

                           08              07            06

營業額(億)     8.0           6.4            5.8

出口額             1.2           1.0             ?

毛利                  2.3           2.2             ?

純利                  1.4           1.5            1.4

折舊                0.52         0.35           0.28

增加投資        1.8           1.9             1.3

毛利率29-34%,純利率17-24%,出口的毛利率如果比國內高就會狂出口,現在似乎說明國內需求仲算唔錯,沒有固定資產數字,就假設折舊8%,推出固定資產08年6.5億,07年4.4億,生產效率很高,廠房之後因收地的問題,得到3億的土地補償,証明僅是器材的價值在3.5億以上,上海集優的扇葉業務設備主要是指94年買的18000噸壓力的千斤頂,仲有一部更舊的6300噸壓力的千斤頂,所有盈利皆由這舊機器而來,即使機器舊,還是中國第一,年壓幾十萬塊毛利率廿幾三十%的扇葉,而且占大陸的大扇葉市場的7成

公司今年用集資的錢重金向西門子買了一部新的35500噸壓力的千斤頂,價錢2.8億,算係世界第一,94年的機器毛利率都有廿幾三十%,咁新機器肯定在此之上,況且產品會係全新系列,國策會要求電廠更新,而且新機器可以整飛機引擎,收入多一瓣,另外舊時1部機的產能是1的話,兩部機就係2,營業額起碼多一倍

電廠呢幾年窮死,設備唔更新,又舊幾年啦,好似車咁,人人忍幾年舊車唔劏,需求自然會積埋

由於收地要搬廠,新舊機器都會搬去更大的新廠,下年中就搬好曬,舊廠建區面積11.2萬平方,政府用3億收回,而新廠區22.6萬平方,只需用2.2億建設,官方自稱新廠投產後營業額會有20億

如果營業額真係有20億,而毛利率35%,毛利7億,純利率25%,純利5億,即期的話,投資增加量同上年一樣,新機器又未投產,咁樣毛利都係多0.1-0.2億左右

 

啤鈴業務:

                           08              07           06 

營業額(億)     4.3           3.9           2.5

鐵路用             2.4           2.0           1.4

出口額           0.54         0.72              ?

毛利                  1.2           0.9              ?

純利                  0.4         0.55           0.3

折舊                0.13         0.09         0.06

增加投資      0.36         0.67          0.20

40000億國策的主要政策係搞鐵路,南車直接受益,同樣南車的供應商也會受益,集優係其中之一

集優的啤鈴除左火車用之外,仲有汽車用,船用,電梯用,電機用,軍用,個別類型易磨損或易淘汰,多更新就多生意

毛利率23%,純利率9-14%,出口下降可以理解為國內需求增加,產能不足,出口轉內銷,啤鈴有一半賣比南車呢類公司,純利下降是因為有0.3億的撥備,所以純利實際係0.7億,純利率14-16%,同樣用8%折舊率計,固定資產1.6億,實際效率也是很高,投資增加有限,固定資產加0.36億為2億,毛利應該增至1.5億左右,純利有1億

似乎未有發展大計,集優似乎傾向收購上海電氣的子公司

 

鑽頭業務:

                           08              07             06

營業額(億)     4.7           4.5            3.6

出口額             0.7           0.8              ?

毛利                  1.1           1.0              ?

純利                  0.6           0.6            0.7

折舊                0.21         0.17           0.15

增加投資      0.17           1.0           0.09

有說"鑽頭是男人的浪漫",的確,神隼人是浪漫的男人,牙醫鑽你的時候也會很浪漫

鑽頭業務公司稱之為刀具業務,這點比例難以想象,刀的造型應該係疤面拔刀男咁,不過事實電鋸男同電鑽男都具有同樣的分屍功能

無論係鋸定鑽,都容易磨損,係消耗品,理論上需求係無限的,尤其中國係世界工廠,全世界的鋸同鑽都會係中國度用爛,即是說中國的需求就是全世界的需求,當然,毛利率有限

毛利率23-25%,純利率13%,出口持平,同樣用8%折舊率計,固定資產2.6億,實際效率也是很高,今年投資增加先得0.17,業績應該持平

 

五金業務:

                           08              07           06 

營業額(億)   15.5         14.2         12.7

出口額           13.9         12.7           ?  

毛利                  1.6           1.1           ?   

純利                  0.7           0.6          0.7

折舊                0.20         0.14         0.11

增加投資      0.32           1.6         0.23

就是螺絲釘,帽,鐵圈,夾等五金,邊度有工業就,邊度有需求,而且用量很大,生金秀呀,擰爛呀又要換過,同樣,中國係世界工廠,無邊度比中國更大需求,而且最近佢係邊個要用五金?上海電氣也

五金的好處是,100年前生產五金的機器即使到現在也能用,因為英制,公制等標準從來沒有改過,五金不用改良,100年後人類還是用同樣標準的五金,設備可以一直用

由於產品異常白痴,人人也能做出一模一樣的,因此決勝在於成本,相信冇幾多間公司的運輸成本會低得過鋼鐵廠旁邊的集優

毛利率8-10%,純利率4%,純利率低很正常,因為產品白痴嘛,大半出口,唯一理由係出口比內銷好賺,公司完全可以以5%毛利率內銷或自用,所以產能增加就一定能賺錢,影響毛利率的只是出口量的極限,同樣用8%折舊率計,固定資產2.5億,實際效率也是很高,今年投資增加0.3億2,如果出口順利,毛利應該1.8億左右,純利0.7億,但萬一加強反傾銷,全轉內銷,純利可能低至0.3億

集優最重要的業務係扇葉,不過我個人卻認為集優最優秀的業務是五金

 

大煲粥裡的老鼠屎--董事陳振X

陳振X係利來同位元堂的董事,大叫一聲老千千千千千~~中之霸,陳振X最近成一都見,一提就會想起小聰子,事實佢係唔係有成村親戚?陳振X以复存在,以陳振X命名的上市公司董事至少超過4人

我不認為陳振X會係上海集優度搞事,至少不認為佢地有搞國務院直轄國企的本事,,根據小聰子的人脈,陳振X可能係用於監察上海電氣的春江鴨