大檸賓

見到大檸賓門前失機,由最初的驚嘆,逐漸習以為常,每每看見他射飛機的角度越來越高,也再不當作一回事了

球迷是善忘的,即使作惡多端,還是有人捧場

 

話說大檸賓當年係用1800萬鎊由查爾頓買來的,由一開始就知道他不值這個價錢,偏偏有人愛做水魚,現在想原價退貨?

不好意思,過了試用期

 

不過前鋒選擇少,加上比左咁多錢,唔想用都要用,心理上都會認為佢會想一下自己的身價,出場打爭氣波

但是,做不到的事勉強唔黎,冇前鋒有冇前鋒的打法

 

雖然對大檸賓場場都隱形,球迷對他沒有期待,但有時看見他同JJ係重要賽事入波,好似對曼聯果場咁,毒瘤往往在沈默中爆發

可惜,更多是虐待魚腩先發威,有需要時就潛水,況且最後勝利應更重要

 

大檸賓雖則唔值1800萬鎊,但係佢有英人慨念,又係國腳,又後生,話唔定仲有潛力,留住至少保值都得掛?

問題係大檸賓既時間值係負,而且日常支出又大,唔適合長揸

 

新特蘭布力般好似想買,但出價先1000萬鎊,不如睇定d,話唔定月尾會有水魚,到時搲返1800萬鎊

唔該,人地目標唔止一個,邊有咁多水魚呀,你睇新特蘭用600萬買左費沙柑,大檸賓冇人要啦

 

大檸賓唔係太差啫,入球率唔低,又係首席射手,賣1000萬太少

曼城前鋒比大檸差咩,好似波真懦夫咁勁都賣唔到1000萬,邊個買大檸?

 

1000萬賣比人,咁咪蝕800萬,我唔想比球迷笑水魚?

你既然係收回佣為生嘅,快快手成交有你著數,橫掂點都要比球迷笑,水魚就是你

 

又唔想蝕,又唔想做水魚,可以點做?

立即用1000萬鎊賣比新特蘭,再用500萬鎊買入沙維奧拿,馬田柏杜夫或者化芬是但一個,用1000萬鎊賣大檸賓係蝕,但用大檸賓換三人是但一個仲有500萬鎊剩係有賺,成盤數就可以見人了,而且對球隊實力有好處,買入價只是歷史,不是包袱,賣出價只是記錄,不是結果

 

JJ公認勁過大檸,應該唔算毒瘤,可以不賣?

正選只有11個,JJ出場就代表赫度史東同奧哈拉出唔到場,假如赫度史東同奧哈拉比JJ有前景,留JJ就是佔用資源,為之毒瘤,赫度史東同奧哈拉亦因此難以升值,基於優化組合,JJ最好賣左佢,上場的11人當場要最精英果班