7月20日

賣出了新華文軒4000股,作價2.83,仲有取回3000澳元定期,加埋大約3萬蚊,又係籌錢先迫住沽貨,股神面對的是錢太多的問題,而我還是停留在錢太少的程度上,要到幾時我先可以感受到股神的煩惱呢?

股市已經如所有人的要求大跌了一次了,之後財演們可以挺起胸膛大咁唱好了

律師樓向我的報價係4萬幾,而相同的服務,香港的律師樓收費不過6000,再一次感受到澳門是與別不同的,收費貴6,7倍左右,就好似CTM的網費咁,都係貴香港咁上下倍數,中信豆腐有上市,唔知幾時有澳門律師樓上市啦

我們賭場開始將員工踢來踢去,又炒左一大班人,之後又立即開招聘會請人,為上市集資鋪路,對於做黃賭毒三行的商人,道德只是阻礙賺錢的累贅,道德心一旦拋開了,就再不會變回正人君子,不用期待他們負社會責任,如果他們任何時候待人接物時是有道德心的,就會善待任何人,包括員工同客戶(仲有股東),剝削員工同客戶看似會令公司獲益,但不要忘記,只有管理層是正人君子時,小股東才能公平地獲益,而不會被一同剝削

我相信澳門人是純樸善良的,可惜澳門卻是是藏污納垢的地方

賭場的生意開始回復到海嘯之前,至少是我親眼所見的,其他場好似生蠔天地,米高霉,浦京就唔知啦,我地賭場的住戶數目肯定多過上年年中的3倍以上,不過好多係香港人,到底係受失業率上升定經濟好轉影響呢?

不過煙頭的長度就普遍短左,可能同加煙稅有關,而煙的品種以中華牌多,紅雙喜同紅塔山少,賭場有中華牌買,但冇紅雙喜同紅塔山買,食紅雙喜同紅塔山係剛入賭場的人先有得食,咁即係話係賭場打墩的人多,流動人口少,代表多左人寧願係賭場磨都唔想返去面對現實,大陸經濟真係咁好嘅話,應該會多閒人黎賭兩手,而唔係成場都係賭兩百手的人,仲有,食熊貓牌的人數還是比以前少

大陸的保8政策結果都是肥水不落別人田,統計數字難以相信

又到選議員的時候,金仔又要開工同議員們籌集競選經費了,股市好轉,集資都容易得多,到時又有人派月餅派代金券了,派現金500今年應該唔得,我上兩次冇攞,但我有親人去白食,真係多得班股東唔少

打風打唔成,香港掛9號波時,澳門只掛3號,香港上年有"李氏力牆"製造史上最強的3號波,今年到澳門的"何氏力牆"了,今次打3號風死左果條友只好自認倒楣了

*"李氏力牆"的典故http://evchk.wikia.com/wiki/%E6%9D%8E%E6%B0%8F%E5%8A%9B%E5%A0%B4  http://evchk.wikia.com/wiki/File:Leeka1.jpg  http://evchk.wikia.com/wiki/File:Leeka2.jpg