我有一個夢

這是每次大選候選人都要發表的習題,只有想成為人物的人先有必要交的家課

套用猩爺的名句:"人唔發夢,同條咸魚有乜分別!"

大口仔同湯才都交了家課了,公開發表了自己發夢的內容,那麼他們將來多數能成為大人物,就好似有希特勒公開說自己可以征服世界,咁佢真係好有機會可以征服到世界,呢d叫自我實現,能夠發下夢,先叫人上人

味皇我只係個毒男電車男,但是身份並會不妨礎發夢的自由,倒是年齡會妨礎發夢,趁年輕就要成日發白日夢,費事將來變左中坑想發都冇得發

唔係我自誇,我自認係發明家,科學家,設計師,文學家,漫畫家,農家,美食家,釣魚佬,電子競技人,資本家,雖然全部都要附上"空想"兩字,冇邊樣真係搞得成,但由發白日夢我的確得到很多絕世好橋,例如免摩打的機械手,溫差發電機,太陽能儲蓄系統,勝獅酒店,科學農莊,科學魚場,生物保育方法,非洲肥沃計劃,排斥反應的根治方法,新型漢堡的製造,金字塔控股公司等,全都是得個慨念,將來能否實現就另一件事

將夢實現需要時間同力量,早在小學時我就明白一個道理,如果夢想係成為超人,咁我就要成為科學家,一般人都會咁認為,但我知道想成為超人不用自己成為科學家,用錢請科學家就可以了,錢可以買到時間同力量,科學家的知識通用性唔高,而錢卻是萬能的

賺錢唔係最終目的,實現夢想要用錢,賺錢只是實現夢想的過程,就係咁簡單

我又要賺大錢,同時又要有自由,又要唔出名,我發現股票市場係實現夢想的唯一方法,於是我想拥有上市公司

只要拥有上市公司,就可以搞實業,用財技搞無限金錢,再做大個生意,再用財技,再做大,得閒攻打老千公司,以戰養戰之餘又為民除害,自己不打算做假業績,市場都會亂估價,遇到股災就全力回購,遇到大牛市就強力抽水,公司錢多就不斷用子公司收購其他公司51%,由上市殼公司用金字塔結構控制三四層實業公司,勢力坐大後又能左右政府,又可以斷唔順眼的城中富豪的米路(到時我咪變左獨裁者?)

我是上市公司的話,我將會以現有股東(不包括潛在股東)的最大利益出發,兼恢復地球的生態環境,同時盡保護世界和平同飽肚的責任

當然我希望係暗中進行,唔駛出面可以扮隱形富豪,而自己就可以係屋企隨便洗錢,宅飽佢都冇人會話你,寫下就快江朗才盡的博客,順便玩埋真人版足球經理

不過發左一場好夢後,醒了發現自己手中冇蚊係幾痛苦的