匯豐保險潛力和優勢

例如人人說中壽潛力大,因為大陸有13億人,大多數都冇買保險,但13億人當中大部份不是不買,而是無錢買,如果個個都咁有米,那些缺乏職業道德的經紀總會騙到一些保單,一些長年期的保買有時當個經紀死左,炒左或者過了檔,份保單就冇人理,即所謂孤兒單,有時仲冇得賠添,保險公司又冇分行,一賴帳就將責任推晒比個經紀,搵唔到個經紀就連斬人都冇目標

而匯豐有幾億客戶,而且大都有錢買些少保險,而且大部分都未同匯豐買保險,最近匯豐吸收了不少存戶,令銷售目標再擴大,好似我們如果被銀行認為是水魚,就成日會有廣告連同月結單一齊寄黎,有時銀行有乜小恩小惠想派糖,第一個就搵你,如果你用開某銀行的服務,順便買埋該行的保險亦方便管理,撗掂平時都要去銀行,而已銀行的理賠率較高,因為重視聲譽的銀行賴帳會連平時生意都冇埋,亦唔會因為人事變動冇人跟,正確的講是從來冇人理果張單,一向都是個客自己去處理,連佣金都慳返,去到邊果櫃台就邊個搞,當銀行去到匯豐咁梗有一間係左近,有問題時放天拿水都方便

而且強如aia都因次按問題搞到缺水,以後機構買大型保險會重新考慮受保公司的財力,只要不出於保護主義的考慮,匯豐以後能分到更大件的蛋糕