1883業績

業績同派息都在味皇一年前的預期之內,而預測失敗的部份係IDD同短訊,味皇以為賭場冇左電話投注IDD就會大跌,點知疫情夾硬拉起左呢忽業績,另一樣係數據漫遊,疫情演變成封關結果漫游電話卡賣唔出,味皇估唔到漫游佔CTM盈利咁大比例

漫游對CTM的盈利來說原來非常重大,IDD同外賣短訊增加都再多都補唔返,今期能夠保盈利,全靠新開的數據中心

總體來說CTM的盈利今年叫持平,疫情一直維持的話,IDD會維持在現在這種不正常的高位,同時會漫游一直冇錢賺,但是疫情一收歛,IDD就會跌回正常水平並持續下降,而漫游卻一開始會維持在低位,之後回升得比較慢,鑑於CTM的盈利有增速快的數據中心頂住,但此味皇預測下年CTM的業績只會微量上升,而再下一年可能微量下降

佢有個非即期貸款56億,上年59億,今期還左3億,這個貸款是N年前佢仲叫中信一仆一碌時,蛇吞象借左唔就得100定80億黎收購CTM產生的,而現在剩56億,這貸款的借出條件好似是這貸款存在時必須限制派息比率,這有排還,因此味皇估計10年內CTM的派息比率唔會提到好高,唔可以學數碼通果D咁,不過這應該是比例性的,多少的債限制多少的盈利,少D債自由現金就多D,派8億,固定資產增加3億,還債3億,現金冇少到,算係咁

上年預測今年派20-22仙,再下年派27仙,今年姑且中左,但疫情關係下年應該要下修,漫游下年都未好得返,今次估24仙啦

另一邊廂,新意網固定資產增加13%,營業額增加13%,現金流增加17%,而這一邊CTM的固定資產增加11%

"這是替身攻勢!",政府背後靈越來越明顯,無形之爪越來越強大,偷渡城牆冇以前咁易,CTM作為城牆衛兵的作用會越來越高,新意網如果不跪的話,會被限制帶貨,但跪的話,貨主又可能走,而CTM就冇呢個問題

數據中心唔知佢做乜咁鬼祟提都唔提,單項列出黎有幾難?總之佢連網費的總額係11.2億,照以往慣例,數據中心營業額味皇推算是6億,比上年多8000萬倒

CTM固定資產增3億營業額多8000萬,新意網固定資產增加17億營業額多1.5億,2年前新意網固定資產63億營業額14億,3年前固定資產46億營業額11億,而現家固定資產144億營業額17億,如果不是質地改變,就是進入了一個低效率的燒錢階段,味皇估計新意網近期的錢去了搞地產而不是買主機,而CTM短期仲有樓面可以用,所以高效率還可以稍為維持一陣子,近期澳門的商業樓宇丟空左好多樓面,其中不少係政府的,如果有需要時轉租比CTM是很有可能的

短期CTM的增長還是要靠數據中心,幾年後的增長還要視乎澳門的填海狀況

CTM業績

重溫下舊文內容:

2015/2/17

服務器業務非常看好，奇貨可居，同樣的定位，ctm可以碾壓新意網－只要是大陸客的話，好似google果d唔服軟的先會用新意網，正常屈服於邪眼淫威的公司會優先採用ctm的服務器，因為ctm同時也是長城城門正式的管理人，在城門在兵大哥監視下交點過路錢就可以正常出入，而穿牆偷渡的則會被官府打壓，用ctm最多被查水表，唔用ctm水表都沒收你，況且官司之後新意網的政治成份變得唔良好，ctm閉門造車，新意網食閉門羮，當然洋腸的味道ctm是不懂的，雖然騰訊同巴巴都可以做，但ctm是官方的，冇人可以同官府作對
同樣地，雲服務的開展也是必須在邪眼的視線之內，香港做唔到的澳門反而可以做到，大陸乜都貴，就係人最唔值錢，人力上ctm可以半外判咁做，而且冇人願意把資料放心比細公司，因此ctm暫時又是唯一的選擇，簡而言之，大陸呢塊餅有毒，會爆炸，係特定嘅人先可以食

2017/3/23

總體而言除左SREVER一項,其他項目前途都麻麻地,他們的關係,圖解會比較易明

其他業務,縮到極限最多係0,而SERVER的擴張極限則是無限,現時息率也有5厘,PB又低,等疙瘩兄弟成長也等得起

2018/3/6

其他業務先唔講,直接SERVER部分,味皇舊文曾經推算過佢2016年SERVER業務的營業額5000萬內,2017年為1.9億,而今年則推算為2.9億,新意網營業額11.4億,CTM的機房同樣標準計就會值30億,但味皇認為新意網不值現在這個價錢,最多值95億,因此CTM的SERVER現時值24億

另外一塊發酵緊的大餅係企業業務,例如強國手機的後門監控係當地會直接上京,係海外的話應該會全部經CTM呢個門番搜身之後先可以出入萬里長城,其他好似雲服務,VPN,GOOGLE之類的,全都會在索倫的視線之中,比香港公司做可能會打格仔,只有紅色的CTM先可以著左衫都好似冇著衫咁,咁好駛好用的"境外"公司,只有澳門先可以做到

主要係呢兩部分將來增長最明確,而且冇上限,現時兩樣加埋營業額35億,已佔半間公司營業額

2018/8/19

粗粗地上年2.9億,半年就1.45億,因此今期SERVER收入在1.75-2.65億之間,差距有點大,平均2.2億好了,全年估計4.4億

有人成日凝住CTM借錢借得多會還唔起咁= =,咁姑且講一講,CTM的半年盈利約5億,另一方面,佢資產負責表包括左16億幾無形資產同97億商譽,這都是虛假的,CTM的資產負責表一文不值!好了,這半年佢攤銷左無形資產同商譽9700萬的減值,咁呢個開支又是否真實呢?按現金流來說,CTM可能有6億的現金流,如果年年派埋果1億豈不是派息超過盈利?梗係收返埋係公司,用真實的錢填虛假的窿,幾咁硬膠:),而利息支出是1.7億,全年是12億同3.4億,派5億6億,應該有錢剩掛,愚公話,水水魚魚,無窮匱也,而債不加增,何苦而不平?

味皇估計CTM今年會派18-19仙,下年唔增長,後年先再增加

好了,味皇認為,以前的推理站得住腳的話,是會經得起時間考驗的

上面果句,派息18-19仙,現家已確定派18仙,下年應該唔會差太遠,唔多得幾多,起飛等多一年就可以

今年營業額多左近3成,但主要係來自賣電話,賣電話是貼錢買花戴,唔好理佢,經常性的部分多12.6%咁話

CTM固定資產冇點增加,無形資產同商譽亦攤銷下降,總之總數是少左的,但係折舊卻提高,加速折舊是也,有兩個可能性:1.推5G而費棄一D中古設備,估計係上一代的路由器.2.人為地縮減盈利數字,減少派息

反正CTM自稱盈利不足10億,但派完6億幾的息,仲可以還到成5億債,就是這樣,中間的差價嘛,剛好同無形資產及商譽攤銷的金額一致

表面上CTM的派息比率係66%,而實際上是57%

還左債的關係,每年可以比少4千萬的利息,差唔多每股盈利的4%,而且佢肯定下年都繼續咁樣還,復利咁樣還債,這在學術上算不算盈利增長就不知道了

除非佢又搵野收購,唔係就唔會再借,況且本身債務看似很多了,非紅色的銀行未必肯借,不過攤銷金額,即係1.7億以內的任何收購,CTM都可以鬼祟地攨到錢出黎,而市場人士發雞盲都不會發現

包括SERVER在內分類的營業額是10.1億,而澳門的上網費有減價,而且又飽和,應該唔會有乜成長才是,本年本分類增長7600萬,應該都係SERVER,按上年推算,當時4.4億,現家就變成5.16億,於是該分類為上網費4.94億,SERVER是5.16億,如果用常識反証,18.7萬戶上網分4.94億,每人每年要交2641蚊,平均月費220蚊,同現實差唔多,所以味皇的計算應該有D說服力?

8008...現家應該叫1686,新意網營業額13.6億,咁CTM呢忽值0.4個新意網,新意網市值138億即係52億?但味皇還是不認為新意網值百幾億,90億就差唔多,因此CTM呢忽市值35億左右

然後CTM有望的事業就剩底牆了,佢企業服務實際要做乜味皇都唔係好清楚,但一定同翻牆出入大陸有關,大陸營業額由5億變6.6億,新加波4.3億變5億,CTM係該地方冇其他可能性,因此都係來自企業服務,增長很快,多得閉關鎖國唔少,呢度已經唔計香港同澳門了,如果GOOGLE都跪低,已經跪低?咁GOOGLE都會投入CTM門下

漢國160都搞SERVER,不過搶的會是新意網的生意,紅訂單邊個都搶唔到,不過市場個餅有冇咁大?可能會影響單價

最後就係搞5G要有幾多支出了,味皇話你知,唔駛錢

CTM一定係租珠海的基站,澳門先有幾大?所以中國鐵塔開大少少功率已經夠,因此CTM唔駛自己出錢係山頂整發射站,唔同香港,另一方面,你係澳門,無論你用華為定蘋果,你都係裸跑,冇分別,因為都係用大陸的基站,所以味皇的電話一早用貼紙封左前置鏡頭,反正味皇冇非士卜又唔自拍

一句話埋就係CTM係支出奇少的電訊公司

今年的盈利增加比較出奇地,來自IDD同短訊的收入反常地增加,原因估計同大陸D實名認證有關,現家係唔係都要收短訊入證証碼,用信用卡買機票都要入短訊證証碼,IDD就唔知了,順便一提,味皇買左12-25號的台灣機票,航空公司官網居然比唔到錢,因為要入證証碼,味皇收到信用卡短訊證証碼,但官網又冇跳轉輸入證証碼的頁面,要形容的話,就好似一邊嗌歡迎光臨,一邊落閘放狗咁,最後要用第三方的攜程黎買,跳過D"保安程序"

味皇覺得這是長久但不是穩定的盈利,下年可能更多,也可能冇咁多,個人會悲觀少少,不過加埋15億幾,變化影響極,對全體都是一成兩成內,相對地VPN同SERVER成30億,其增長應該足以抵銷,原本以為今年佢地繼續縮水,例如得返8億,咁基數細左變成8億比30億咁,再縮都唔駛理佢,現家反而增長左,15比30,咁反而是個不穩定因素

同上年一樣觀點了,今年總體唔會點增長,因為IDD同短訊可能拖後腿,當然打面最好,正常的開始增長會係下一年,動力來自於SERVER的基數大左同成功減債而再提高派息比率,下年可能派20-22仙,再過多年應該可以超過27仙

新創建,長江基建,第一太平比較

最近味皇持有的新創建升得比較多,同長建息差拉近了,所以就寫一篇比較下,當然,還未到需換馬的水平

味皇印象:

長江基建--真正的收息股,保留盈利同派息比例非常有紀律,保留盈利用得其所,被剔出藍籌時估值都唔錯,現家冇乜吸引力

新創建--扮收息股,盈利假的,派息比率假的,名義上派息比率固定在50%,但年年都操作盈利數字,等於隨意派,如排除呢點,體質同長建一樣,係班人有問題

第一太平--欠債很多,也有具壟斷性的子公司,但大多都持份不高,抽稅重,受國際環境影響大,以前貴到冇人有

市值比較:

               PB        息率

長建       1.49      3.88

新創建   1.34      4.53

第1太平 0.58      3.99

表面証供睇,新創建平長建12%左右,如果新創建升到同樣估值,你就要比較兩者邊隻成長率高D,如果估長建成長率高,當然換成長建,如果估新創建高就保留,如果一樣?也是換成長建,因為長建在世場上名氣大D,等於太古A同太古B是一樣的,但市場先生生眼挑針,成日睇太古A都美顏開很大,因此AB估計一樣時揸太古A會更大機會能從市場先生身上拔毛,長建剛入返恆指時升到得返兩厘幾,係市場先生久旱逢甘露咁見到難得的美女的反應,現家市場先生就"YOOOO! YOU竟然是個BOY!"咁反應而唔要,估值跌返落黎...

反過來,如果同估值而新創建成長率高,咁當然留新創建,何況新創建估值較低,當現家咁長建估值高過新創建時,除非長建的成長率比新創建高,可以很快追回那12%,又或者自願為長建美圖秀秀相片付出12%的溢價咁上下,因此主要是比較兩者的成長能力

第1太平的情況唔同,估值低派息看似高,咁代表:1.派息看似高,其實很低 2.估值其實很高,實際資產不如資產淨值

咁換成第1太平需要的動機,對應返就係佢派息提高,或者佢估值會提升返

先去返長建VS新創建

                                 長建           新創建

投資+固定資產       1463               424

現金                          98                  67

債                            350                102

現金流+收股息        181                  76

派息                          58                   28(排除特別息同股代息)

-----------------------------------------------------------

現金流/(投+固)        12%                18%

派息比率                 32%                36%

對上一篇寫大悅城度出左個錯誤,因為有唔少子公司唔係100%,所以顯示現金流唔會按正常水平派足,例如有100的現金流能派80,當在子公司持份51%時現金流顯示依然是100,但能派得出的只有40個半,因此如果公司有很強的現金流而派息低,咁佢一係欠好多債,一係持份低

在派息比率來看,兩者差唔多,唔算低,有可以提升的空間,欠債也不多,投資回報率兩位數,借錢投資定保留盈利投資都有操作空間

投資回報率方面,新創建18%睇落好高,實際上高數字代表佢投資的項目只有極短的有效期,又或者折舊會非常高,折舊率長建7新創建8差唔多,咁新創建的項目有效期9成短,如果新創建的折舊是仁為操作,作GA的話,咁佢可以隨意找一年一次過攤銷大堆折舊,而佢有冇經常咁做呢?~~

總體而言,長建具有穩定性,12%的投資回報率,派1/3,剩2/3的保留盈利起火可以產生8%的增長率,再加埋加價的增長率,另外當佢能借投資+固定資產+現金1/3水平的債,佢可以借多170億,同樣12%能產生額外20億的回報,為現家的11%,當然仲要扣利息,由於投資回報率不低,因此完全不可能主動還錢

新創建你完全想像唔到佢會將錢放落什麼項目,是長期賺小錢的項目?還是短期賺大錢的項目?同樣標準佢可以借多63億,保留盈利部分49億,用12%計分別是7.6同5.9%,如果是短期項目會更高,但新創建沒有很高的穩定性,就算唔整個攤銷比你歎,佢某些時點都會有部份盈利因到有效期而消失

長建VS新創建,長建成長下限高於新創建,但上限低於新創建,新創建會接近上限還是下限是概率事件,但基於估值比長建低12%,新創建比較有概率優勢,另一方面,新創建只要唔突然攤銷的話,即使下限成長,股價增長也不見得比長建低,但如果高過平均水平增長,咁估值可能高於長建,至少在短期之內,突然攤銷的概率,只要在12%以內,估折折讓部分都可以擋一下,至於佢地借錢發展會借到幾盡就唔係味皇能予測得到的,要問蛔蟲

長建VS新創建,新創建勝出,咁之後就係新創建VS第一太平

                                1太           新創建

投資+固定資產        835                424

現金                         175                  67

債                            622                102

現金流+收股息        131                  76

派息                          22                   28(排除特別息同股代息)

-----------------------------------------------------------

現金流/(投+固)        16%                18%

派息比率                 17%                36%

講投資回報率,第一太平是不低的,比長江基建高,期限性或折舊性財產介於長建同新創建之間,但折舊率6%,同新創建有類似情況,但佔比例較低,以前有段時間第一太平回報率同盈利都好高的,某年後就腰斬,固定資產也下降,大概也算是到期的表現,新創建也出現這種情況的機會不是0就是了,如果出現,按12-16%計,現金流降到51-68億就是了,假如出現未到期的機會是33%,就到期33%,到期33%,而且估計也不會1次過到期,跌到16%的機會是16.5%,14%的機會是11%,12%的機會是5.5%,當跌到16%時盈利損失9%,當年的自然增長就可以補回來,因此只有16.5%的機會因項目到期損手,實際上還有有排到未到期的選項,令概率更低,實際情況是前面幾十人笑,後面一個人跳樓的感覺

然後,那有錢你老帽,第一太平欠好多債,佢雖然有理想的投資項目,但唔可能另外再借錢投資,仲要還錢,保留盈利108億對半,當佢一半投資,一半找數,用12%計,增長6.5億佔現金流4.9%,就係咁多了,比夠佢用16%計也不算多,同樣當佢佔債1/3的水準計,要先還銀行285億,先可以提高派息比率,需時5年,之後派息回升到34%,到時就8厘股了,不過也是5年後的事

由於投資固報率16%看來也未算很離譜,因為資產淨值應該是可靠的,賺唔到錢問題出在債務太多呢點上,匯率如果向壞的方面變動會還死佢,非常被動

第一太平VS新創建,以5%成長率的股來看,4厘息還是比較麻麻,如果持有5年,5年後爆升1倍,咁就相當於每年就超過20%了,新創建雖然比佢遜色,但起碼也是雙位數字,5年內吊打第一太平的,在這5年內養著新創建,間中出現一隻幾十%水位的物體,就可以反CUP第一太平,這也是機會成本,5年內應該多少也有些可能性,現家新創建嬴好了

2隻股票比較時,直接A VS B就可以,比較3隻時,是但兩隻對決,剩低的再打一場,比較4隻時,隨意兩邊開淘汰賽,再勝者對決,數目再加上去就如此類推,這樣就可以決定在一堆股中選上合心水的一隻

CTM業績

舊文予測CTMSERVER部分,營業額上一期推算為2.9億

現家呢半年,包含SERVER的互聯網收入由4.7億升到4.9億,由係唔係SERVER營業額只增長2000萬,並不是,因為CTM減左網費,所以SERVER營業額增長是在2000萬以上的,但多幾多則未知

另外長途電話都減左4成半收費,所以座機收入由1.5億減到得1.2億,應該唔會再點減掛,基數細都已經唔形成影響

新聞就咁講: 澳門電訊商務副總裁湛寶儀於記者會上回顧業務時稱，2016年10月互聯網服務減費，平均減幅27%，年收入影響約為1.29億元；同年12月國際、本地專線及互聯網接駁服務減費，平均減幅49%、37%及51%，年收入影響約為9200萬元；去年10月下調內地跨域服務資費，平均減幅46%，年收入影響約為580萬元；同年12月下調IDD服務資費，平均減幅45%，年收入影響約為1600萬元。今年業務發展計劃方面，4月1日下調國際及本地專線服務資費，平均減幅為11%及7%，年收入影響預估約為770萬

同總額相比影響好似有限啫,當1000萬好了,SERVER營業額增長3000萬咁先

另一個方向可以咁睇,CTM的營業額,賣手機,上網,打電話之類的,都係收葡幣,因為本體係澳門,能夠收港幣的業務,只有SERVER等少數業務可以以收港幣,至於同大陸做監控超誠實使用電腦就收三幣都收,估計

因此只看港幣收入的變化,也能若干的估算SERVER收入變化,佢由13.7億增至16.2億,相差2.5億,和諧企業服務一項由13.3增王14.6億,相差1.3億,同港幣收入的2.5億相比差1.2億,因此SERVER收入增長在1.2億之內

粗粗地上年2.9億,半年就1.45億,因此今期SERVER收入在1.75-2.65億之間,差距有點大,平均2.2億好了,全年固計4.4億

賣電話收入增長好高?0.6%同60%毛利率的東西分析不要混在一起,剔除佢,剔除,無視佢,無視

現時CTM的收入分布是咁的,17%手機上網,14%SERVER同網線,24%話費,42%和諧,3%座機

當中手機上網,話費同座機的業務應該悲觀咁睇,呢度佔38%,SERVER同網線就一啖砂糖一啖屎,4.9億中SERVER佔2.2億的話,分別就是6%同8%,悲觀的部分共佔52%,剩下大利好的部分佔48%,悲觀部分的主要係市場飽和,兼有政府逼佢減價的可能,話曬當年澳門上網的收費試過長期係香港同類的12倍以上,賣電話的部分嘛,正常應該要大衰退先啱,不過多數唔影響盈利

假設兩方各自向上向下10%,20%咁,10%時,下年52變47,而48變53,係20%時,下年52變42,而48%變58,總數都係100左右,因此第一年CTM的業績是持平的

但同樣10%同20%: 

                 10%                                  20%              合計

10%      47>42/53>58              42>38/58>64       100/102  

20%      47>37/53>64              42>36/58>70       101/106

即係話CTM係第二年起開始成份逆轉,前景好的比前景差的佔比大,越拉越闊

有人成日凝住CTM借錢借得多會還唔起咁= =,咁姑且講一講,CTM的半年盈利約5億,另一方面,佢資產負責表包括左16億幾無形資產同97億商譽,這都是虛假的,CTM的資產負責表一文不值!好了,這半年佢攤銷左無形資產同商譽9700萬的減值,咁呢個開支又是否真實呢?按現金流來說,CTM可能有6億的現金流,如果年年派埋果1億豈不是派息超過盈利?梗係收返埋係公司,用真實的錢填虛假的窿,幾咁硬膠:),而利息支出是1.7億,全年是12億同3.4億,派5億6億,應該有錢剩掛,愚公話,水水魚魚,無窮匱也,而債不加增,何苦而不平?

味皇估計CTM今年會派18-19仙,下年唔增長,後年先再增加

美蘭機場取消機場征費

脷伸,味皇由2011年持有美蘭至今,持有時間僅次於奧普

早兩日美蘭公告話,大陸忽然話今年要取消機場征費--比機場自己袋的政策,美蘭話包括首都機場等3間上市公司會有影響,美蘭一間,694一間,剩低間估計係白雲機場,佢話"等"機場,咁也有可能包括其他上市非上市機場,甚至全國所有有機場征費的機場,而機場征費佔美蘭營業額18%

味皇不清楚機場征費呢D白收的收入會唔會產生成本,假設最大100%係現兜兜好了,咁直接扣除後美蘭上年純利賺4.8億會扣剩得2.2億

問:2017年美蘭航空收入8.3億,機場征費佔32%,非航空收入6.4億,當中特許服務收入包括免稅店租金佔3.8億,兩者只有收入數字,純利唔知,求航空唔航空的純利數字:]

免稅店係美蘭2011年先開始的業務,咁2011年前呢個數字會係0

2010年航空收入3.2億,機場征費都係佔32%,非航空收入1.6億,當中冇免稅店租金,特許服務收入5500萬,最終當年毛利3億,扣左利息之類後純利2.4億,毛利率63%

2008年航空收入2.9億,機場征費都係佔33%,非航空收入1億,特許服務收入3500萬,最終當年毛利2.4億,扣左利息之類後純利1.9億,毛利率62%

兩年水平相近,如果用此毛利率反向剔除特許服務收入的話,2010美蘭機場唔計特許服務收入,營業額4.25億毛利2.7咁樣

因此2017美蘭機場水平一向的話,佢唔計特許服務收入,營業額11億毛利6.8億,至於純利,近年美蘭欠咁多債還利息所以冇可能有5.5億純利咁,而當年味皇買入時是基本無負債,好了,姑且各自都用62%計,得出航空收入毛利5.1億,非航空收入毛利4億,比例56/44

如果扣左機場征費,航空收入得返毛利2.5億,如果1.2億利息支出中56%歸機場,扣左得返1.8億,味皇覺得機場會冇賺頭,唔想投資建跑道

2010年機場征費佔美蘭收入21%,2008年24%,現家有免稅店後佔18%,要追返2.6億的純利,美蘭的收入要增加5.2億以上,或35%以上,只要機場面積增加35%的話...

2017年首都機場航空收入51億,機場征費佔19%,非航空收入45億,當中特許服務收入包括免稅店租金佔31億,機場征費佔總收入的13%,影響度來說首都機場較低

講返歷史,2009年時美蘭話機場征費2010年尾會停,到2011年美蘭話機場征費又比佢續返到2015年尾先停,至2016年美蘭話機場征費又比佢續返到2020年尾先停,舉例的話,就係過海隧道到期政府話將會收返停止收費,然後轉頭又判返比佢繼續收費,連續向市民反口3次咁樣,假如反口的概率係50%的話,2020年反口又比美蘭話繼續征費有一半機會,不過現家政府又反口話不要2020年了,今年就停,但這不影響今年政府又反口比佢繼續征或變相征的概率仲係50%,不過經常反口也有好處的,反口的人每次反口都有人主動請飲茶食飯叫雞

現在在說,政府收機場費,轉頭磅水比機場,咁樣唔知算唔算叫市場經濟,但政府唔插手,就實係市場經濟,深色社會經濟,功能組別經濟,大拳頭經濟,有相有量經濟,三不管經濟,政府唔會埋機場自己點收費,推行可加可減唔好煩我政策,例如對於收開100蚊機場稅的機場,乘客買1000蚊票比1100蚊,機場稅取消,乘客以後可能只用比1000蚊,也有可能收機場建設費繼續1100蚊,也有可能收機場建設費加服務費1100蚊以上,各自都有1/3機會,但味皇做咁耐人冇乜點見過減價的概率被觸發,非洲人面黑掛

好似起好港珠澳大橋有直通車,以為車冇夜航呢樣野就可以逼夜船取消夜航費廿幾蚊,最後居然係直通車收夜航費加價廿幾蚊黎就船公司,三不管就係咁

能唔能夠老屈乘客,關鍵在於店大欺客還是客大欺店,只要是機場夠本錢老屈,唔用就過主唔志在咁,政府唔插手機場就會自行劏豬,政府插手的話最多咪係維持現狀冇事發生,機場最多都係蝕一D禮品費啫,首都機場同美蘭機場有冇本事叫人唔用就過主就自己諗了

乘客可能因為些少價錢真係過主,例如味皇咁,但貨運就不會了,貴一貴都會照用,反正成本可以轉嫁

講返美蘭機場隻股,佢借大錢的建設,基本已經完工,以後就開始收成皮了,固定資產達到最高,而負債開始下降,2017年比2016年都還左9億,唔發新股唔偷唔搶24億債幾年現金流仲清唔到?兩條天橋的錢啫

題外話,海南西部打算起個規劃面積2.2平方公里的儋州機場,打算1年完工,預算係一條天橋,可以有幾咁豆腐渣呢?

*返睇年報,係基本已經完工,但新機場要2020年先驗收,新機場造價5條天橋,無論美蘭揹一半定揹曬,都相當艱苦,但到2020年前美蘭應該儲了不少錢同增加了比較多的盈利,為左揹數,佢有動機返A股上市度水,因此可能谷17,18,19呢三年的數扮增長率黎博高PE

CTM業績

其他業務先唔講,直接SERVER部分,味皇舊文曾經推算過佢2016年SERVER業務的營業額5000萬內,2017年為1.9億,而今年則推算為2.9億,新意網營業額11.4億,CTM的機房同樣標準計就會值30億,但味皇認為新意網不值現在這個價錢,最多值95億,因此CTM的SERVER現時值24億

CTM上年比政府減網費,今年冇,因此會顯得有返些少增長

另外一塊發酵緊的大餅係企業業務,例如強國手機的後門監控係當地會直接上京,係海外的話應該會全部經CTM呢個門番搜身之後先可以出入萬里長城,其他好似雲服務,VPN,GOOGLE之類的,全都會在索倫的視線之中,比香港公司做可能會打格仔,只有紅色的CTM先可以著左衫都好似冇著衫咁,咁好駛好用的"境外"公司,只有澳門先可以做到

主要係呢兩部分將來增長最明確,而且冇上限,現時兩樣加埋營業額35億,已佔半間公司營業額

現金流20.7億,派5.7億,派28%,按盈利9億計派63%

全年固定資產增加1.8億,現金增加1.8億,有息債少8000萬,上年派4.6億,合計9億,同所謂的盈利差不多,大部分盈利都具穩定性,基本上CTM每年現金都在增加,維持派息加派息冇乜懸念

假設兩大餅增長20%而其他打和,純利率當15%計,下年可以多賺1億,派息可能增至6.4億或每股18仙

以4厘計算,派16仙的CTM值4蚊,18仙時值4.5,平均4.25好了,SUPER

如果用現價5.16的新意網作為對比可能會有人異議,但味皇認為1股CTM的價值起碼相當於1.15-1.28股新意網,現時的CTM只是缺乏名氣

如果說CTM潛在的問題,最多就係發新股併購公司,由於可能包括國家安排的一帶一路任務,而去併購一些一開始冇乜盈利的公司,從而攤薄盈利

美蘭業績

美蘭業績上年冇點寫,但前年有寫,當時予測一年後即2016年的業績,現定睇返,順便又予測下一年的

前年主要就係予計佢賺5-6億,但可能要比1.5億利息,今年3億,下年4.5億

結果今年美蘭的利息支出係1.4億,盈利3.9億,即係還款前賺5.3億,但佢再上年利息都有7000萬,因此代表佢仲有最大3.8-4.5億利息會在將來兩年出現

按新新翼出資72億計,佢今年借多13億,保留盈利幾億,大概出左兩成錢,仲有8成尾數未借

佢新航站大樓10月開始營運,而佢非航空收入增加9.3%,當佢收兩個月租,即1/6年或16.7%,即係話佢成個機場上年都加唔到租,而且蝕左D水腳,不過如過以分類計算,保護費多15.5%,租金多17.6%,咪錶多10.5%,吸煙房多22.4%,係行李打包少左26.8%,咁睇就發現新起的鋪位大致收入都按面積增加,係下欄跌好多,可能同紙皮加價有關?好彩行李佔收入比例低,得果1成幾,再跌都影響唔大,下年比上年多10個月租,即10/12或83.3%,佢加唔到租兼冇新建成的前提下,佢下年的非航空收入推算為差不多9億,由於佢有D鋪位係今年1月尾開舖,因此非航空收入應該會多過9億,當然,一次過加咁多樓面未必即刻咁掂

而本業的航空業務,上年增長17.3%,當今年增長15%,航空業務收入會増至7.8億

永隆數字2012年營業額6.8億,純利加利息3.7億54%,2013年分別是7.6同4.2即55%,而航空業務2014年分別是8.8同5即57%,而2015年分別是10.6同6.6即62%,而2016年分別是12.1同6.7即55%,當55-58%計,2017年營業額17億,未扣利息有9.4-9.9億,由於今年可能要比3.8億利息,減左只能賺5-6億,借多左十幾億起樓,萬一建成,折舊率2.5-2.8%計,折舊多2500萬,最終賺4.7-5.7億,成長應該算快,圍起黎每股賺1.1-1.4,派3毛,非航空收入當佢增長少一半,每股賺0.8-1,派22仙,戴定頭盔先,予測誤差一定大

2018年利息到頂峰,到時賺幾多仲要睇果幾十億有幾多效果,折舊起碼多億幾先,假設到時D固定資產爆珠全效淨味,現金流18億,派2.5億,還息後剩11億,8年先還清

CTM業績

利申,今日2.4買入50000股CTM

味皇係澳門人,所以知道減網費CTM會好大獲,固網減網費10月開始到年尾有3個月,網費減25%的話全年網費會係94%,下年75%,至少味皇由15M轉左50M光纖反而網費低左2成(另外Mtel仲未有網線到味皇住果區),相信大把人會因此放棄電話線,連同電話,實際上也是咁

全年CTM盈利上升6%,營業額當中9.2億歸類為固網兼SERVER,上年8.3億,差距9000萬,先不考慮固網增長的情況下,固網收入少6%但整體收入多9000萬,即係話增長的部分都是來自SERVER,前年CTM未搞SERVER賺7.5億,上年搞左賺8.3億,而當中固網有增長,因此上年CTM的SERVER營業額可能在5000萬以內,當7.8億為固網收入,94%是7.3億,推出今年SERVER收入是1.9億,下年固網收入跌為75%5.9億,暴利的SERVER應該足夠填補,同業的新意網營業額在10億水平,而政治上新意網不可能是CTM的對手

由於中國電信甩左CDMA深似海的原因,同CTM可以形成競爭,最終CTM其他收入都會有減少傾向

總體而言除左SREVER一項,其他項目前途都麻麻地,他們的關係,圖解會比較易明

其他業務,縮到極限最多係0,而SERVER的擴張極限則是無限,現時息率也有5厘,PB又低,等疙瘩兄弟成長也等得起

CTM業績

CTM本身營業額貌似倒退咁主要係賣手機少左,第一點是冇乜新機出,第二點是4G制式不同3G,3間電訊公司買的機都通用的情況多左而唔駛一家要係CTM同和記度買,賣電話賺錢本身就冇乜穩定性,遲下出IP7或者出D更易跌爆MON的機或者可以改善,當然如果澳門有得捉寵,咁就可以大幅增加爆MON數

核心業務暴利的固網上網加價3.1%同多人用左1.2%,而業務整體增長9%,即係SERVER提供剩低果4-5%增多,而SERVER是由上年先由0開始的,即係呢部分狂飆緊,以4.4億的營業額計,SERVER增加左2000萬營業額左右

IDD由於賭場冇左曡碼打的電話投注,賭場又炒咁D賓仔賓妹同尼泊爾,IDD營業額自然會少左,呢個扭轉唔到

政府同增加左的新賭場,都係用CTM,因此商用網絡循例增長,由於今年永利同金沙都有新場,因此增長會維持

財政改善左,雖然盈利同上年差不多,但欠債少了

用1億幾收購歐洲的電訊公司,只賣1億幾的公司肯定只是賣電話的賺不了多少錢,即係好似數碼通果種,CTM收購目的是:1.推出歐盟漫遊服務,2.賣國產手機去歐盟

8.5億收購一棟樓,其中一半3蚊發新股支付,3蚊的話即係PB1.5或4厘息,都唔會點攤薄,如果慳租蝕息的話,當蝕1厘也不過是850萬,收購的目的是為左起SERVER,位於在香港,簡單的講,就是監控中心,同8008不同,佢是100%紅色的,睇怕唔駛搵生意,而是生意自己上門,例如國產手機的用戶資料之類的

1883業績及收購相關

業績升1成,澳門的數據中心上半年起好,下半年會提供收益

7000萬的攤銷,不會影響現金流,但如果總是玩溢價收購的話,攤銷增加會影響盈利數字,CTM唔似新意網咁用現金流黎計派息,盈利"數字"減少會影響派息

CTM現金半年狂吸4億,但81億債務依然好多,有心還都要10年,何況佢冇心還,利息支出1.7億成4厘,其中35億係6.1厘定息債唔駛理,咁就剩下46億浮息,6.1厘35億半年息1.07億,咁剩6300萬係46億的息,即2.7厘,如加息0.25厘影響也不過係幾百萬

6厘債期限係2020年之後,如果CTM唔提早還,咁5年內派息比率都較低

手機業務難估唔理佢,佢有線上網度增長12%,由於有包含到數據中心建成的貢獻,所以CTM的有線上網看來增長唔是特別高,光纖推廣似乎唔算非常順利,將來的成長主要要靠數據中心了

冇左賭場D電話投注同外圍佬之後,IDD狂縮兩成幾,起碼近期都唔會改善

雲服務增長1成,增加的大陸客居多,主因係國安局唔比人紅杏出牆,代理伺服器一旗桿打死曬,所以呢個業務又相當睇好

CTM的員工年頭有人工加,但現家市況公墓員都未必有得加咁CTM之後應該都冇得加

全年或者賺到0.25,PE15為3.75

佢忽然又搞收購,買D看似垃圾的物體,睇黎又產生攤銷

收購價15.6億,買入目標公司的39%,即係唔會合并報表,事實上合并報表的話立即就會拉低盈利,冇人會同意的

估計將來還會收購多一次,等到間野扭到虧啦,就高價收購多12%以上再合黎并報表,然後再高呼皇上聖明咁

CTM債重仙都唔仙下,所以收購以賣屎忽形式進行,用3蚊發行5.2億新股比老母,現家股數為34億,即係用15%CTM股份交換,由於間野唔會有盈利提供先,所以一完成交易就即刻攤薄盈利15%,雖然發行價都叫做溢價有利淨值,最敝收購的公司亦唔見得唔係溢價,原先值3.75一股的縮為值3.2,將來間野或者會好返,但到時先算,味皇本來認為CTM=1.15股新意網,但收購後就變成1兌1了

現家CTM超跌到得返2.44,但同時新意網先得2.29,唔考慮慨念的話揸新意網會好D

美蘭業績

機場收費增加1成,希特拉都阻止唔到佢加價

店面收租增加兩成半,希特拉都阻止唔到佢加租

海南島的客量是增加的,但來自三亞鳳凰機場的貢獻反而下跌左1成,本來海口周圍係乜都冇的,游客首選的自然係近景點的三亞鳳凰機場,但現家海口起到幾個新景點,咁美蘭機場的立場就大為改善了,今期的業績增長大半都係搶鳳凰機場的,客量增加店面自然可以加租,而且今年冇上年咁猛嘅台風

9月新翼用得,到時可出租面積增加一半,估計每個月多1000萬收入,同時停機坪多1成幾,可以容許更多飛機同更快上落,多少能提升機場收費

新翼起好之後立即就起138億的新新翼(美蘭出72億,每年利息支出要成4億),資本支出仲未停得到,還是說變得更離譜,今期由於常規收入多左多而利息支出冇變多而多派息,但下半年開始又變返疑問,當美蘭全年賺5億幾6億,但下年開始要比4億利息的話就有排餓,當然錢係分期比的,唔會話一次過借曬,假設分三期比,初期的利息支出就1.5億上下,第二期3億第三期4.5億咁,或者會強徵旅客機場建設費圍皮,每年1500萬人每人搶10蚊就有1.5億,成本10新翼的工期兩年,咁成本7倍的新新翼的工期起碼唔會少過兩年,新翼佔地125公頃,新新翼佔253公頃,看來3年差唔多

(138億253公頃,平過邊度邊度條跑道)

新翼10億成本,回報15%就會賺多1.5億,即每股0.31人仔,新新翼唔起的話美蘭全年每股賺1.3人仔,而新新翼上馬後,當利息分別是1.5億同4.5億,每股只賺1同0.4人仔,N年後新新翼用得而回報15%就會賺多11億,即每股多賺2.27,理論上,總體計美蘭係值得養的幼齒,幾時先到收成期就一件事

投資十幾廿億係機場外面起商場,臨門撻Q政府唔批,慳返筆資本支出,現家缺水應該唔會上馬住

今年美蘭股價試過9以上可以發A股的,加上鳳凰機場賺少左,正是收購鳳凰機場的好機,不過股市虛火完之後打回原形,阿爺亦禁止公司IPO抽A股水,咁又有排等

美蘭業績

收入之類的增加1成有多，盈利不增加主要係利息支出大升，由於大陸進入減息周期，因此利息到頂，下期盈利應該會增長返
上年旅客增加比較多，官方會說這同大陸毒霧一點關係也沒有，今年大陸空氣相對好左會唔會吸走海南的客就不置可否
利息最高果筆債劵7.8厘，即市盈率12.8，換句話說，美蘭的股價達到11.3或人仔9.1就會觸發a股上市以贖回債劵，如果收購鳳凰機場到時應該會順便做埋，拖得耐盈利增加左觸發價會相應提高
利息保障倍數4倍都冇，不過盈利有成長利息又到頂問題唔大
2月新停機位投入使用，可增加飛機收入，更主要是因此增加了有租收的候機大樓面積，可產生收入，11個停機位，當全是泊空中巴士a320的位置，每個闊45米咁，候機大樓長450米，幾層加埋50個舖位應該會有
機場外的商場仲要起兩年，可能會再借錢，但上面的收入可以抵銷利息支出
前景非常明朗，a股上市對增加盈利無乜幫助，但可以解決高負債，以恢復派息比率
由於一直有新舖面生成，近年的租金將會是增量不增價，加租起碼等4-5年後
股價11.3相當於pe12.8，現家缺水派息得啖笑，如果去到唔駛用錢的時期，都派到近4厘

美蘭機場業績同收購相關

上次舊文是2011年的,今次業績同收購一次過講

3年前佢現金過多,令資產閒置而盈利少,所以估值很平,去到今日,美蘭由9億幾淨現金變為欠銀行18億加8億債券,現金得果2.4億,已超出預期的範圍,這當中可能帶有些政治色彩
利息保障比率3倍幾,由於盈利幾乎肯定會增加,因此安全性不成問題,不過在此負擔下,要佢派高息勉為其難,況且佢仲未肯收手,還打算繼續燒錢

                   10           13          14上半
營業額     4.9          7.6             4.6
盈利         2.4          3.4             1.7
現金流     3.9          5.0               ?
固定資產 9.1         11+11      11+11    (後面是投資)

以2010年的水平計,營業額/固定資產54%,盈利26%,現金流43%,當時美蘭(357)是純正的公用股,後來加入大量其他成份,那麼按這水平,11億固定資產,13年營業額等應為5.9億,2.9億,4.7億,因此收購回來的11億投資的功效奇低
不過這部分是鳳凰機場的股權,而收入只計鳳凰機場的派息,因此營業額增加的部分並不是來自投資項目,而是本身固定資產的功效提升,由於鳳凰機場也不是省油的燈,果11億如果能有美蘭2010年8成的效率,營業額等應為4.8億,2.3億,3.8億,孫猴子看起來像巴利,但每一條毛也能變成一個巴利的話,實際上老孫是一堆巴利抱在一起的肉團,賣比皇馬可以再貴好多,外表是看不出的,而要達成入帳的會計要求,美蘭最少要再收購多1倍的股權,要錢又唔借銀行,因此A股上市是必要條件,反過來說,A股一上市,美蘭之後的"盈利數字"會多50%以上,如以盈利2.3計算,PE10都要23億,比當初的要價11億升價不少,以10蚊發行2.3億A股,會攤薄30%(以今日5.4億股計),現價發行就40%,因此H股股東點都有著數,不過由於是會計上的轉變,因此派息不會同步增加

最近發行6600萬股新股比母公司,代價3.8億,用意估計是抵抗將來的攤薄,以保持一定的投票權,發行價同淨值相近,表面上是公平,但價值上依然有所攤薄
左手收左老母3.8億,右手又交返出去,3.8億收購水魚價收購母公司資產,即時損害了盈利,實際上發新股先係呢個交易的主要目的
12.7億再向老母收購其他資產,暫時賒注數,交易完成的話,美蘭現金水平會再低近9億,並產生每年數千萬的利息支出,而回報暫時卻未有
3.8億收購的"武漢臨空",股本3億,收購溢價也不算非常嚴重,但那是地產公司,而且有虧損中,作為同美蘭沒交集的業務,估計母公司將來也會找籍口要回去,到時又發新股,由於A股上市的價格未定,因此這部分可能是用來應付低價上市時攤薄過多,就要美蘭再做多次水魚而留下的一手
12.7億的"海島商業",股本2.5億,收購溢價極高,只有點微利,海島商業有49%免稅店發展權,收購可以令現在開左的免稅店少個香爐,亦令將來再開的免稅店分少隻鬼,由於將來免稅店面積還會增加1倍以上,而且完全起好之後會慢慢有租加,因此呢個收購長遠又衰唔曬,係現家好唔掂啫,假設有10000平方米賺1億,每平方1萬,即月租800幾,有點超現實,20000平方米賺1億就有D可能,由現在5000平方擴展4倍並招滿租,也許需要2年以上

加埋上年投資19億的"站前綜合體",那個比利息比窮,有排未起好果個商場,同今次的免稅店有聯動的效果,戰略上來說,海南島地方就有了,但人口不多,遊客量同消費力也不比不上澳門,因此應該沒有甚麼大到氹一聲的綜合商場,我想吉之島規模的超市也不會很多,因此,美蘭的做法是造"景點",等於威記之於澳門,既然已聚集了免稅店的各式土豪名牌,那麼對面街的商場聚一些山寨名牌同食店也想必也不是難事,機場有吸引力就可以吸走一些鳳凰機場的客,不過有三個重大問題,1.美蘭機場位於鳥不生蛋的郊外,這樣的地方如何吸引人在旅程中特登坐食人的士黎買野?去到郊外,員工返工都麻煩,唔通開埋宿舍咩?2.由於機場是必定到的地方,但僅限於到達同離去時,正常冇人會特登去機場而又唔係搭飛機的,而無論到達同離去,遊客一定是大包細包的,味皇不認為帶住成身東西仲適合去購物,而去左酒店放低行李後(除非機場酒店),就唔會特登在回程以外再去多次,所以要成功就必須讓旅客可以穿上拖鞋,3.三亞也有人搞緊呢套,規模更大而且沒有上面果兩個問題,美蘭9成鬥佢唔過
政治正確的做法,戰略上亦冇錯,又得到中央支持,但最終效果成疑,你知大陸修橋舖路唔係超慢就係快過頭架啦

下一期業績,將反映美蘭最困難的時刻,比今期仲慘--周身債,利息比足但冇收入,而且硬食近12%攤薄
但由於本身業績也有些增長,可以抵銷一部分,但總不會冒出20%增長吧,盈利下降的其餘部分就要用生命值硬接了

廈門港同中遠太平洋業績

廈門港盈利持續向好,如果折讓順利逆轉,也許會出現換馬的需要,換到招商局當然最好,但現時估值來看,中遠太平洋同天津港的機會會現實一點

中遠固定資產同合營公司增加3億,現金少3億,負債同上年相近,負債比率比較低,利息保障比率也有幾倍,貸款利息1.8%(半年,下同),本業盈利1億同42億固定資產對比,回報率2.3%,同原理,合營公司回報率5.9%,聯營公司回報率3.6%
純利1.6億保留6成盈利為1億,可增加200-600萬的盈利,因此不計自然成長同借貸,佢每年可增長的空間甚低,9億現金如果可動用作投資的部分是4億,可一次過增加1000-2400萬的盈利,公司淨值44億,如借貸比率去到招商局的水平,可借4-5億,扣除利息可增加200-1800萬盈利,因此通過投資增長的極限是8-25%
本業營業額上升,但毛利少左,盈利冇跌的原因是利息支出少左
碼頭分部增長19%,貨櫃分部持平但賺少左,按營業額計,今年分部佔15:10,而上年是12:10,因為碼頭分部增長中,而佢佔的比例增加令公司整體前景貌似好轉
由2012年開始,公司比人以股代息,而公司算當時非常缺水可以理解,而現在已好返好多,繼續以股代息可以認為是大股東暗中增持的手段,等於新創建咁
核心盈利1.6億,多上年少少,每股盈5美仙,由於出售了部分業務,全年的盈利未必及得上以往,如果得1毫的話PE將達14,派4成的話3厘息都冇,每股淨值12,比現價11有些少折讓,但唔算好平,總體而言,公司的盈利能力對唔住其資產量,效率低下,有很大的改善空間,實際中遠情況是,子公司中集佔有大量資產,折舊量高,但盈利卻非常低迷
用PE12計,當賺0.9股價10.8,PB1.2,淨值12.1股價14.4,兩者差好遠,代表盈利能力低於資產的比例,要去到資產有效運用的水平,盈利要提升到1.2先得

廈門港盈利增4成,主因是大量子公司投入運作,多年來閒置的現金終於發揮了功效
現金少左4億幾,欠債多左5億,前後差唔多10億,當年的淨現金現在成為負現金,因為閒置大量資產而效率低下的賣點已經消失無蹤,廈門港估值低呢點都冇埋的話,就同其他同業毫無差別了
廈門港相信再沒有可調動的現金,因此呢一波的增長會直達廈門港的潛力上限,可能仲有可觀的自然增長,但收購增長就冇了,而3億保留6成的話是1.8億,用於投資可可增加千幾萬盈利,相對比例己很少
固定資產60億,合營公司11億,回報率分別是5.6%同-1%,如果合營公司能盈利並達到5%貢獻的話可賺5500萬,本業的效率已足夠高,提升稍難,合聯公司提高容易,如達到目標效率,總盈利大概可達到2.6億,欠債24億,利息支出6000萬為2.5厘
核心盈利2.6億的話是9仙,X2是18仙,即港幣23仙,,派4成為5.6厘,PE12是2.8,要達到這效果需一兩年時間比子公司成熟,看來轉換成其他公司短期內不太可能
炒泥沙分部營業額增加7成,盈利反而下跌,存貨只增3成,由於自已採掘的數量少左,因此總算是清理了一些舊貨,不過此業務做的太大可能會影響現金流
碼頭同上落貨成長唔錯,主要是多了新的子公司,陸續仲有一些子公司開業,錢是之前比的,呢批完左之後就冇
用PE12計,23仙股價2.76,PB1.2,淨值2.13股價2.56,兩者差不多,代表盈利能力乎合資產的比例,平均數2.66

如果兩者都是正常狀態,廈門港同中遠的兌換比率大致為5兌1,先不論前景甚麼的加成,現在5股廈門港=8.2而1股中遠=11.02,因此完全沒有轉換余地

順便的天津港,PB1.2,淨值1.866股價2.24,用PE12折換得0.19,而佢盈利0.15都未有,因此天津港效率也是相當低水準的
順便的招商局,PB1.2,淨值19.23股價23.1,用PE12折換得1.92,賺1.67招商局同樣未達標,也是中集拖後腿
順便的大連港 ,PB1.2,淨值3.89股價4.67,用PE12折換得0.39,賺0.2都冇同樣未達標
順便的秦皇島港 ,PB1.2,淨值3.03股價3.63,用PE12折換得0.3,而佢盈利多過0.5,超向左左向右走曬標,咁新上市嘅佢,盈利數字就相當有可疑了

燕啤VS青啤VS天津露酒

秦皇島港(3369)VS青島港(6198)V天津港(3382)
味皇不想把BUG一樣的廈門佬祭出黎,於是今次用歷史悠久,豬膽樽型好易認嘅天津露兩手,究竟最近石頭爆出黎果嘅妖孽同老二相比有冇優勢?

以地理來說,青島是不凍港,鐵路系列發達,和礦場的距離和兩者相比不算太遠,秦皇島和天津位於勃海,而勃海是淡水海,因此冰點高易結冰,這兩港和青島相比,盈利穩定性會低得多,天津和礦場的距離最短,但天津海域的鹹度最低,結冰時間更長厚度亦更厚,因此有時需要其他港口分流,而秦皇島的存在相信是作為天津的分流點,但如果出現極寒天氣,分流就會益左附近的青島旅順大連,因此本質上青島最好,但關鍵的依然是估值,秦皇島最近上市,佢必然會選天氣較好的一年上市,這點需要留意
(遲下我地可以買A股,其中的部分味皇或者有興趣,以後或會研究,但A股的稅率極重,實際上味皇付不起這成本,買A股的可能性較低,此為後話)

                 秦皇島          青島            天津
市值          205              150              80
淨值          150              120             115 
就咁睇,天津用青島規模相近,但天津只有半價,似乎抵好多
而秦皇島同青島估值差唔多
PB代表很多野,但不代表一切,現在看其實心程度

                 秦皇島          青島            天津
固定資產  200               95              220     (全按8折折成人仔)
投資            17               45                43
----------------------------------------------------
合計          217             150             263
債              108                0?            108
--------------------------------------------------
合/債          200%            ?              245%
合-債         109            150              155
現金            59               33                50

相信青島用了一些會計技巧把一部固定資產和負債對沖掉,否則數字不會如此差異,目的和最近的事唔知有冇關係,但味皇估佢只是單純想造高生產效率之類的數字而已,如果學人地108億,固定資產和債分別是203同108
秦皇島的淨值較大一部分是現金,雖然現金代表將來收回的上限,但現金本身是不會產生高PB的,加上秦港槓桿原理也不高,估值高得冇道理
青島估值和秦皇島相近,但現金少,不可以從收購途徑提供慨念,表面上欠債少,似乎可以借到錢,但隱藏的負債有幾多就冇人知,如果又108億呢?事實上因為最近的事,青島近期不可能從銀行手上借到一分錢
天津有D現金,但槓桿亦高,應該都是維持規模為主,估值事實上是平
實心程度上說,因為現金的差距,天津的安全性可能高過腹黑的青島,生財工具上量亦最多,秦皇島手持現金但未用上,資產量少,實心程度較低,因此天津>青島>秦皇島

                 秦皇島          青島            天津
固定資產  200               95              220     (全按8折折成人仔)
營業額        70               65              170
折舊            10                 6               7.5

結論1-有理由相信,青島的真正的固定資產量相信近200,而負債亦會近100,否則青島就是陸運公司
結論2-天津有大量營業額來自和碼頭無關而純利率又極低的業務,例如炒賣原材料
結論3-秦皇島的固定資產包含較多陸運的部分,例如貨車的折舊率先會咁高


以盈利來說,秦皇島賺18億,青島賺15億,天津賺15億佔6.5億(天津少數股東權益比例大),現金流減利息分別是27億,唔知幾多億同13億,常規派息相信是6億4億和3億,派息比率1/3,1/3,1/2,天津港派息比率高只是佢大方,唔代表佢特別派得起,秦皇島同青島派得少只是相對的
按呢個斷估的派息數字,秦皇島派息0.18,青島0.11,天津0.06,即分別是4.4厘,3.4厘同4.7厘

呢3隻都係麻麻地