1480考察

稍為講返背景,1480的廠係坪山南布村,重建的發展商叫益田,已爛尾,上面4的地皮應該係恩達5000平方的地皮A,估計5同7應該係68000平方米地皮B的一部分,68000平方米即係起碼有800X800米的地皮,800米的長度大概是6去到2的直線距離

* 250X250先啱,咁下面藍色的部分肯定唔關恩達事

以味皇的判斷,紅色區域99%係恩達的地皮,橙色的有70%機會係,藍色的有30%機會係,綠色係山係公園,冇愚公的話應該唔會郁,恩達比人收地的通告係2020年,現家呢區完全未開始拆,畫左藍斜線的地方仲有精明的村民住緊,冇咁易開始拆,恩達7億中只收左1億定金,而村民也未搬,遷拆項目事實爛尾,需重新招標

U

T

S

R

大馬路向市政府,比較高級住宅,地皮係值D錢

Q

P

P

但是隔幾十米就由高級住宅變成村仔,對比極大,感覺類似中山單楝豪宅三面係田一面係魚塘行泥路入屋咁

P

O

向恩達工廠方向已清空,但益田的計劃區域未全清

N

M

左邊係恩達舊廠

D

B

丟空,但未拆,有保安

L

感該仲住緊一千幾百人

K

後面係田

J

除左村屋外似乎仲有舊宿舍或者鐘點房

A

有條強行挖出黎的工程路

A

恩達的新工廠似乎有3棟,離遠聽到好大聲啪啪聲釘雞眼的聲音,產能全開,傳音距離起碼80米,將來旁邊起樓應該有人投訴

A

I

I

恩達廠南面係濕地公園,由於唔係平地兼河岸淤積地,應該唔會係能賣比恩達的地方

E

E

E

新廠高度4層樓,正門一棟沒有噪音,應該係辦工樓,啪雞眼係後面兩棟

H

H

兩棟宿舍,上等人同下等人分開住,恩達員工7-800人,再多都夠住

G

再後面唔肯定係唔係恩達的地,有人住但風格走工商風,又唔似好舊,建設時間可能接近,不太可能成為遷拆目標

F

近街口的樓更加新,恩達的可能性更低

如果有人去股東會問,可以試下問恩達的地皮係邊塊

恩達殺左1億定金,由舊廠搬出,起左新廠,向好的諗是新廠己起唔駛再出錢,產能增加,又殺1億訂,向壞的諗是起新廠由人地出錢變成自己倒貼,發展大計縮返轉頭

由於條村仲有人住,一年半載都唔會拆得,而且重新招標走流程要時間,打官司要更多的時間,除非只搞恩達果邊清空左的部分變細項目,但商業價值會低D,距離近噪音會比人聽到

單獨黎計恩達塊奀地最易出手,一是平整地,二是旁邊就是豪宅,不過5000平方只能起單支,地積比似乎只起得廿幾層

坪山呢個位置樓價每平方應該3萬多D

1883業績

業績同派息都在味皇一年前的預期之內,而預測失敗的部份係IDD同短訊,味皇以為賭場冇左電話投注IDD就會大跌,點知疫情夾硬拉起左呢忽業績,另一樣係數據漫遊,疫情演變成封關結果漫游電話卡賣唔出,味皇估唔到漫游佔CTM盈利咁大比例

漫游對CTM的盈利來說原來非常重大,IDD同外賣短訊增加都再多都補唔返,今期能夠保盈利,全靠新開的數據中心

總體來說CTM的盈利今年叫持平,疫情一直維持的話,IDD會維持在現在這種不正常的高位,同時會漫游一直冇錢賺,但是疫情一收歛,IDD就會跌回正常水平並持續下降,而漫游卻一開始會維持在低位,之後回升得比較慢,鑑於CTM的盈利有增速快的數據中心頂住,但此味皇預測下年CTM的業績只會微量上升,而再下一年可能微量下降

佢有個非即期貸款56億,上年59億,今期還左3億,這個貸款是N年前佢仲叫中信一仆一碌時,蛇吞象借左唔就得100定80億黎收購CTM產生的,而現在剩56億,這貸款的借出條件好似是這貸款存在時必須限制派息比率,這有排還,因此味皇估計10年內CTM的派息比率唔會提到好高,唔可以學數碼通果D咁,不過這應該是比例性的,多少的債限制多少的盈利,少D債自由現金就多D,派8億,固定資產增加3億,還債3億,現金冇少到,算係咁

上年預測今年派20-22仙,再下年派27仙,今年姑且中左,但疫情關係下年應該要下修,漫游下年都未好得返,今次估24仙啦

另一邊廂,新意網固定資產增加13%,營業額增加13%,現金流增加17%,而這一邊CTM的固定資產增加11%

"這是替身攻勢!",政府背後靈越來越明顯,無形之爪越來越強大,偷渡城牆冇以前咁易,CTM作為城牆衛兵的作用會越來越高,新意網如果不跪的話,會被限制帶貨,但跪的話,貨主又可能走,而CTM就冇呢個問題

數據中心唔知佢做乜咁鬼祟提都唔提,單項列出黎有幾難?總之佢連網費的總額係11.2億,照以往慣例,數據中心營業額味皇推算是6億,比上年多8000萬倒

CTM固定資產增3億營業額多8000萬,新意網固定資產增加17億營業額多1.5億,2年前新意網固定資產63億營業額14億,3年前固定資產46億營業額11億,而現家固定資產144億營業額17億,如果不是質地改變,就是進入了一個低效率的燒錢階段,味皇估計新意網近期的錢去了搞地產而不是買主機,而CTM短期仲有樓面可以用,所以高效率還可以稍為維持一陣子,近期澳門的商業樓宇丟空左好多樓面,其中不少係政府的,如果有需要時轉租比CTM是很有可能的

短期CTM的增長還是要靠數據中心,幾年後的增長還要視乎澳門的填海狀況

CTM業績

重溫下舊文內容:

2015/2/17

服務器業務非常看好，奇貨可居，同樣的定位，ctm可以碾壓新意網－只要是大陸客的話，好似google果d唔服軟的先會用新意網，正常屈服於邪眼淫威的公司會優先採用ctm的服務器，因為ctm同時也是長城城門正式的管理人，在城門在兵大哥監視下交點過路錢就可以正常出入，而穿牆偷渡的則會被官府打壓，用ctm最多被查水表，唔用ctm水表都沒收你，況且官司之後新意網的政治成份變得唔良好，ctm閉門造車，新意網食閉門羮，當然洋腸的味道ctm是不懂的，雖然騰訊同巴巴都可以做，但ctm是官方的，冇人可以同官府作對
同樣地，雲服務的開展也是必須在邪眼的視線之內，香港做唔到的澳門反而可以做到，大陸乜都貴，就係人最唔值錢，人力上ctm可以半外判咁做，而且冇人願意把資料放心比細公司，因此ctm暫時又是唯一的選擇，簡而言之，大陸呢塊餅有毒，會爆炸，係特定嘅人先可以食

2017/3/23

總體而言除左SREVER一項,其他項目前途都麻麻地,他們的關係,圖解會比較易明

其他業務,縮到極限最多係0,而SERVER的擴張極限則是無限,現時息率也有5厘,PB又低,等疙瘩兄弟成長也等得起

2018/3/6

其他業務先唔講,直接SERVER部分,味皇舊文曾經推算過佢2016年SERVER業務的營業額5000萬內,2017年為1.9億,而今年則推算為2.9億,新意網營業額11.4億,CTM的機房同樣標準計就會值30億,但味皇認為新意網不值現在這個價錢,最多值95億,因此CTM的SERVER現時值24億

另外一塊發酵緊的大餅係企業業務,例如強國手機的後門監控係當地會直接上京,係海外的話應該會全部經CTM呢個門番搜身之後先可以出入萬里長城,其他好似雲服務,VPN,GOOGLE之類的,全都會在索倫的視線之中,比香港公司做可能會打格仔,只有紅色的CTM先可以著左衫都好似冇著衫咁,咁好駛好用的"境外"公司,只有澳門先可以做到

主要係呢兩部分將來增長最明確,而且冇上限,現時兩樣加埋營業額35億,已佔半間公司營業額

2018/8/19

粗粗地上年2.9億,半年就1.45億,因此今期SERVER收入在1.75-2.65億之間,差距有點大,平均2.2億好了,全年估計4.4億

有人成日凝住CTM借錢借得多會還唔起咁= =,咁姑且講一講,CTM的半年盈利約5億,另一方面,佢資產負責表包括左16億幾無形資產同97億商譽,這都是虛假的,CTM的資產負責表一文不值!好了,這半年佢攤銷左無形資產同商譽9700萬的減值,咁呢個開支又是否真實呢?按現金流來說,CTM可能有6億的現金流,如果年年派埋果1億豈不是派息超過盈利?梗係收返埋係公司,用真實的錢填虛假的窿,幾咁硬膠:),而利息支出是1.7億,全年是12億同3.4億,派5億6億,應該有錢剩掛,愚公話,水水魚魚,無窮匱也,而債不加增,何苦而不平?

味皇估計CTM今年會派18-19仙,下年唔增長,後年先再增加

好了,味皇認為,以前的推理站得住腳的話,是會經得起時間考驗的

上面果句,派息18-19仙,現家已確定派18仙,下年應該唔會差太遠,唔多得幾多,起飛等多一年就可以

今年營業額多左近3成,但主要係來自賣電話,賣電話是貼錢買花戴,唔好理佢,經常性的部分多12.6%咁話

CTM固定資產冇點增加,無形資產同商譽亦攤銷下降,總之總數是少左的,但係折舊卻提高,加速折舊是也,有兩個可能性:1.推5G而費棄一D中古設備,估計係上一代的路由器.2.人為地縮減盈利數字,減少派息

反正CTM自稱盈利不足10億,但派完6億幾的息,仲可以還到成5億債,就是這樣,中間的差價嘛,剛好同無形資產及商譽攤銷的金額一致

表面上CTM的派息比率係66%,而實際上是57%

還左債的關係,每年可以比少4千萬的利息,差唔多每股盈利的4%,而且佢肯定下年都繼續咁樣還,復利咁樣還債,這在學術上算不算盈利增長就不知道了

除非佢又搵野收購,唔係就唔會再借,況且本身債務看似很多了,非紅色的銀行未必肯借,不過攤銷金額,即係1.7億以內的任何收購,CTM都可以鬼祟地攨到錢出黎,而市場人士發雞盲都不會發現

包括SERVER在內分類的營業額是10.1億,而澳門的上網費有減價,而且又飽和,應該唔會有乜成長才是,本年本分類增長7600萬,應該都係SERVER,按上年推算,當時4.4億,現家就變成5.16億,於是該分類為上網費4.94億,SERVER是5.16億,如果用常識反証,18.7萬戶上網分4.94億,每人每年要交2641蚊,平均月費220蚊,同現實差唔多,所以味皇的計算應該有D說服力?

8008...現家應該叫1686,新意網營業額13.6億,咁CTM呢忽值0.4個新意網,新意網市值138億即係52億?但味皇還是不認為新意網值百幾億,90億就差唔多,因此CTM呢忽市值35億左右

然後CTM有望的事業就剩底牆了,佢企業服務實際要做乜味皇都唔係好清楚,但一定同翻牆出入大陸有關,大陸營業額由5億變6.6億,新加波4.3億變5億,CTM係該地方冇其他可能性,因此都係來自企業服務,增長很快,多得閉關鎖國唔少,呢度已經唔計香港同澳門了,如果GOOGLE都跪低,已經跪低?咁GOOGLE都會投入CTM門下

漢國160都搞SERVER,不過搶的會是新意網的生意,紅訂單邊個都搶唔到,不過市場個餅有冇咁大?可能會影響單價

最後就係搞5G要有幾多支出了,味皇話你知,唔駛錢

CTM一定係租珠海的基站,澳門先有幾大?所以中國鐵塔開大少少功率已經夠,因此CTM唔駛自己出錢係山頂整發射站,唔同香港,另一方面,你係澳門,無論你用華為定蘋果,你都係裸跑,冇分別,因為都係用大陸的基站,所以味皇的電話一早用貼紙封左前置鏡頭,反正味皇冇非士卜又唔自拍

一句話埋就係CTM係支出奇少的電訊公司

今年的盈利增加比較出奇地,來自IDD同短訊的收入反常地增加,原因估計同大陸D實名認證有關,現家係唔係都要收短訊入證証碼,用信用卡買機票都要入短訊證証碼,IDD就唔知了,順便一提,味皇買左12-25號的台灣機票,航空公司官網居然比唔到錢,因為要入證証碼,味皇收到信用卡短訊證証碼,但官網又冇跳轉輸入證証碼的頁面,要形容的話,就好似一邊嗌歡迎光臨,一邊落閘放狗咁,最後要用第三方的攜程黎買,跳過D"保安程序"

味皇覺得這是長久但不是穩定的盈利,下年可能更多,也可能冇咁多,個人會悲觀少少,不過加埋15億幾,變化影響極,對全體都是一成兩成內,相對地VPN同SERVER成30億,其增長應該足以抵銷,原本以為今年佢地繼續縮水,例如得返8億,咁基數細左變成8億比30億咁,再縮都唔駛理佢,現家反而增長左,15比30,咁反而是個不穩定因素

同上年一樣觀點了,今年總體唔會點增長,因為IDD同短訊可能拖後腿,當然打面最好,正常的開始增長會係下一年,動力來自於SERVER的基數大左同成功減債而再提高派息比率,下年可能派20-22仙,再過多年應該可以超過27仙

CTM業績

舊文予測CTMSERVER部分,營業額上一期推算為2.9億

現家呢半年,包含SERVER的互聯網收入由4.7億升到4.9億,由係唔係SERVER營業額只增長2000萬,並不是,因為CTM減左網費,所以SERVER營業額增長是在2000萬以上的,但多幾多則未知

另外長途電話都減左4成半收費,所以座機收入由1.5億減到得1.2億,應該唔會再點減掛,基數細都已經唔形成影響

新聞就咁講: 澳門電訊商務副總裁湛寶儀於記者會上回顧業務時稱，2016年10月互聯網服務減費，平均減幅27%，年收入影響約為1.29億元；同年12月國際、本地專線及互聯網接駁服務減費，平均減幅49%、37%及51%，年收入影響約為9200萬元；去年10月下調內地跨域服務資費，平均減幅46%，年收入影響約為580萬元；同年12月下調IDD服務資費，平均減幅45%，年收入影響約為1600萬元。今年業務發展計劃方面，4月1日下調國際及本地專線服務資費，平均減幅為11%及7%，年收入影響預估約為770萬

同總額相比影響好似有限啫,當1000萬好了,SERVER營業額增長3000萬咁先

另一個方向可以咁睇,CTM的營業額,賣手機,上網,打電話之類的,都係收葡幣,因為本體係澳門,能夠收港幣的業務,只有SERVER等少數業務可以以收港幣,至於同大陸做監控超誠實使用電腦就收三幣都收,估計

因此只看港幣收入的變化,也能若干的估算SERVER收入變化,佢由13.7億增至16.2億,相差2.5億,和諧企業服務一項由13.3增王14.6億,相差1.3億,同港幣收入的2.5億相比差1.2億,因此SERVER收入增長在1.2億之內

粗粗地上年2.9億,半年就1.45億,因此今期SERVER收入在1.75-2.65億之間,差距有點大,平均2.2億好了,全年固計4.4億

賣電話收入增長好高?0.6%同60%毛利率的東西分析不要混在一起,剔除佢,剔除,無視佢,無視

現時CTM的收入分布是咁的,17%手機上網,14%SERVER同網線,24%話費,42%和諧,3%座機

當中手機上網,話費同座機的業務應該悲觀咁睇,呢度佔38%,SERVER同網線就一啖砂糖一啖屎,4.9億中SERVER佔2.2億的話,分別就是6%同8%,悲觀的部分共佔52%,剩下大利好的部分佔48%,悲觀部分的主要係市場飽和,兼有政府逼佢減價的可能,話曬當年澳門上網的收費試過長期係香港同類的12倍以上,賣電話的部分嘛,正常應該要大衰退先啱,不過多數唔影響盈利

假設兩方各自向上向下10%,20%咁,10%時,下年52變47,而48變53,係20%時,下年52變42,而48%變58,總數都係100左右,因此第一年CTM的業績是持平的

但同樣10%同20%: 

                 10%                                  20%              合計

10%      47>42/53>58              42>38/58>64       100/102  

20%      47>37/53>64              42>36/58>70       101/106

即係話CTM係第二年起開始成份逆轉,前景好的比前景差的佔比大,越拉越闊

有人成日凝住CTM借錢借得多會還唔起咁= =,咁姑且講一講,CTM的半年盈利約5億,另一方面,佢資產負責表包括左16億幾無形資產同97億商譽,這都是虛假的,CTM的資產負責表一文不值!好了,這半年佢攤銷左無形資產同商譽9700萬的減值,咁呢個開支又是否真實呢?按現金流來說,CTM可能有6億的現金流,如果年年派埋果1億豈不是派息超過盈利?梗係收返埋係公司,用真實的錢填虛假的窿,幾咁硬膠:),而利息支出是1.7億,全年是12億同3.4億,派5億6億,應該有錢剩掛,愚公話,水水魚魚,無窮匱也,而債不加增,何苦而不平?

味皇估計CTM今年會派18-19仙,下年唔增長,後年先再增加

CTM業績

其他業務先唔講,直接SERVER部分,味皇舊文曾經推算過佢2016年SERVER業務的營業額5000萬內,2017年為1.9億,而今年則推算為2.9億,新意網營業額11.4億,CTM的機房同樣標準計就會值30億,但味皇認為新意網不值現在這個價錢,最多值95億,因此CTM的SERVER現時值24億

CTM上年比政府減網費,今年冇,因此會顯得有返些少增長

另外一塊發酵緊的大餅係企業業務,例如強國手機的後門監控係當地會直接上京,係海外的話應該會全部經CTM呢個門番搜身之後先可以出入萬里長城,其他好似雲服務,VPN,GOOGLE之類的,全都會在索倫的視線之中,比香港公司做可能會打格仔,只有紅色的CTM先可以著左衫都好似冇著衫咁,咁好駛好用的"境外"公司,只有澳門先可以做到

主要係呢兩部分將來增長最明確,而且冇上限,現時兩樣加埋營業額35億,已佔半間公司營業額

現金流20.7億,派5.7億,派28%,按盈利9億計派63%

全年固定資產增加1.8億,現金增加1.8億,有息債少8000萬,上年派4.6億,合計9億,同所謂的盈利差不多,大部分盈利都具穩定性,基本上CTM每年現金都在增加,維持派息加派息冇乜懸念

假設兩大餅增長20%而其他打和,純利率當15%計,下年可以多賺1億,派息可能增至6.4億或每股18仙

以4厘計算,派16仙的CTM值4蚊,18仙時值4.5,平均4.25好了,SUPER

如果用現價5.16的新意網作為對比可能會有人異議,但味皇認為1股CTM的價值起碼相當於1.15-1.28股新意網,現時的CTM只是缺乏名氣

如果說CTM潛在的問題,最多就係發新股併購公司,由於可能包括國家安排的一帶一路任務,而去併購一些一開始冇乜盈利的公司,從而攤薄盈利

CTM業績

利申,今日2.4買入50000股CTM

味皇係澳門人,所以知道減網費CTM會好大獲,固網減網費10月開始到年尾有3個月,網費減25%的話全年網費會係94%,下年75%,至少味皇由15M轉左50M光纖反而網費低左2成(另外Mtel仲未有網線到味皇住果區),相信大把人會因此放棄電話線,連同電話,實際上也是咁

全年CTM盈利上升6%,營業額當中9.2億歸類為固網兼SERVER,上年8.3億,差距9000萬,先不考慮固網增長的情況下,固網收入少6%但整體收入多9000萬,即係話增長的部分都是來自SERVER,前年CTM未搞SERVER賺7.5億,上年搞左賺8.3億,而當中固網有增長,因此上年CTM的SERVER營業額可能在5000萬以內,當7.8億為固網收入,94%是7.3億,推出今年SERVER收入是1.9億,下年固網收入跌為75%5.9億,暴利的SERVER應該足夠填補,同業的新意網營業額在10億水平,而政治上新意網不可能是CTM的對手

由於中國電信甩左CDMA深似海的原因,同CTM可以形成競爭,最終CTM其他收入都會有減少傾向

總體而言除左SREVER一項,其他項目前途都麻麻地,他們的關係,圖解會比較易明

其他業務,縮到極限最多係0,而SERVER的擴張極限則是無限,現時息率也有5厘,PB又低,等疙瘩兄弟成長也等得起

215和記,315數碼通,6823電盈

首先,味皇認為賣電話係搵老襯的,收入唔穩定,亦唔長久,又產生大堆電子垃圾,由於有電池,製造電池的材料要掘爛更多的山頭,所以比電腦垃圾仲惡質

回到股票,收息的話,只能看佢的固定收入,賣機當佢唔存在,如果某年賣機賺多而買入呢D股過年,實死冇生

 下面係2015年的數字(315係9月結)

                 215              315            6823

賣機          143.7           131               51

月費            41.1           55.6            92.2

----------------------------------------------------

EBITBA      16.4            29.3            50.3

用月費計,當和記100%,數碼通是135%,電盈是224%

用EBITBA計,當和記100%,數碼通是178%,電盈是307%

另一方面,和記有40億固網月費另計的,EBITBA12.7億,電盈209億固網月費,EBITBA75億

月費合計,和記81.1億為100%,電盈301億是371%,用EBITBA合計,和記29.1億為100%,電盈125億是430%

於是月費合計,和記197%,數碼通是135%,電盈是831%

EBITBA合計,和記177%,數碼通是178%,電盈是1330%

而市值計,當和記120.5億為100%,數碼通是105%,電盈是670%,以呢點睇,數碼通同和記估值相近,而盈科相對低估

而派息計,當和記5.7%為100%,數碼通是89%,電盈是89%

派息數量計,和記派6.8億,EBITBA的23.4%,數碼通派6.3億,EBITBA的21.5%,電盈派37.4億,EBITBA的30%,三個都差唔多

睇下往績,數碼通5年來盈利沒有點增加,每股淨值冇點增加,仲要以股代息,負債比率77%,利率3.4%,折舊6.8億,佔EBITBA的24%,佔固定資產的21%

相比下,電盈保留盈利最少,5年來盈利增加3倍,每股淨值增加些少(但供過股),負債比率97%,利率3.8%,折舊18.5億,佔EBITBA的15%,佔固定資產的11%

和記保留盈利一半左右,5年來盈利沒有點增加,每股淨值增加些少,負債比率34%,利率3.3%,折舊13.6億,佔EBITBA的47%,佔固定資產的13%

於是味皇可以作出以下評價:

電盈收息理論上唔算安全,成身債冇發展資金,隨時即會發新股同供股,如果好彩電盈股價高估,接新股的就等於接火棒,這也是電盈分拆的理由,李家果然冇死錯人,股價高時對舊股東是有利的,但僅限股價高時,小股東隨時會收到供股通知,但最好不供,收息暫時都相當安全,但加息0.25%,佢的息率亦會少0.25%

數碼通折舊比較多,固定資產不太耐用,財務係今年先改善,因此判斷數碼通持有較多劣質資產,即係電子垃圾,例如現家仲渣住幾千部IP4,IP5,三叔碌7之類的爛係手,或者2G3G的舊裝備淘汰之類的,因此,以呢個折舊率,5年內清曬D舊時代產物,佢入少D伏機的話,折舊率可能降低,今年佢財政好左提高派息比率,仲有保留盈利,算是利好,應該會還債,暫時收息應該冇問題

和記折舊佔EBITBA一半,但同固定資產相比少,代表和記的固定資產都係地產,真係用黎賺錢的部分好少,味皇認為和記冇心搞好公司,只是維持上市地位等賣樓,一般公司睇就係咁睇,考慮到電盈同和記都有玩固網,高額的折舊似係掘路,即係玩固網投資大回報低,先到先得,果D地產其實係網線,佢冇太多保留盈利,欠債比較少,但係,佢的資產是難變現的網線,競爭對手不用同佢買,唯一會埋單的是燦神,抵押借銀行錢未必得,實際上欠債比率應該算高,咁電盈直頭資不抵債了,只要有水魚出價,兩個都不排除賣盤,和記派息應該冇問題,如借錢收購只能向母公司借

估值方面,電盈係REIT,派息卻比人低,勝在資產質數比人好,有增長,穩定性高,CP比較高,合理值當4.7%息計,股價12.4,第二年派息同股價都加少少,利率另計

和記齋收息,由於賣機比例大收入唔穩定,當佢派息介於0.12-0.14,用5厘息計,股價介於2.4-2.8,平均2.6,但前景一般

數碼通有D改善,可以持續一排,只是穩定性較差,合理值當4.8%息計,股價12.5

現價電盈10.66,和記2.5,數碼通11.72,三隻都冇乜水位,又怕加息,味皇寧願買太古,如果一定要3選1的話,電盈囉

CTM業績

CTM本身營業額貌似倒退咁主要係賣手機少左,第一點是冇乜新機出,第二點是4G制式不同3G,3間電訊公司買的機都通用的情況多左而唔駛一家要係CTM同和記度買,賣電話賺錢本身就冇乜穩定性,遲下出IP7或者出D更易跌爆MON的機或者可以改善,當然如果澳門有得捉寵,咁就可以大幅增加爆MON數

核心業務暴利的固網上網加價3.1%同多人用左1.2%,而業務整體增長9%,即係SERVER提供剩低果4-5%增多,而SERVER是由上年先由0開始的,即係呢部分狂飆緊,以4.4億的營業額計,SERVER增加左2000萬營業額左右

IDD由於賭場冇左曡碼打的電話投注,賭場又炒咁D賓仔賓妹同尼泊爾,IDD營業額自然會少左,呢個扭轉唔到

政府同增加左的新賭場,都係用CTM,因此商用網絡循例增長,由於今年永利同金沙都有新場,因此增長會維持

財政改善左,雖然盈利同上年差不多,但欠債少了

用1億幾收購歐洲的電訊公司,只賣1億幾的公司肯定只是賣電話的賺不了多少錢,即係好似數碼通果種,CTM收購目的是:1.推出歐盟漫遊服務,2.賣國產手機去歐盟

8.5億收購一棟樓,其中一半3蚊發新股支付,3蚊的話即係PB1.5或4厘息,都唔會點攤薄,如果慳租蝕息的話,當蝕1厘也不過是850萬,收購的目的是為左起SERVER,位於在香港,簡單的講,就是監控中心,同8008不同,佢是100%紅色的,睇怕唔駛搵生意,而是生意自己上門,例如國產手機的用戶資料之類的

1883業績及收購相關

業績升1成,澳門的數據中心上半年起好,下半年會提供收益

7000萬的攤銷,不會影響現金流,但如果總是玩溢價收購的話,攤銷增加會影響盈利數字,CTM唔似新意網咁用現金流黎計派息,盈利"數字"減少會影響派息

CTM現金半年狂吸4億,但81億債務依然好多,有心還都要10年,何況佢冇心還,利息支出1.7億成4厘,其中35億係6.1厘定息債唔駛理,咁就剩下46億浮息,6.1厘35億半年息1.07億,咁剩6300萬係46億的息,即2.7厘,如加息0.25厘影響也不過係幾百萬

6厘債期限係2020年之後,如果CTM唔提早還,咁5年內派息比率都較低

手機業務難估唔理佢,佢有線上網度增長12%,由於有包含到數據中心建成的貢獻,所以CTM的有線上網看來增長唔是特別高,光纖推廣似乎唔算非常順利,將來的成長主要要靠數據中心了

冇左賭場D電話投注同外圍佬之後,IDD狂縮兩成幾,起碼近期都唔會改善

雲服務增長1成,增加的大陸客居多,主因係國安局唔比人紅杏出牆,代理伺服器一旗桿打死曬,所以呢個業務又相當睇好

CTM的員工年頭有人工加,但現家市況公墓員都未必有得加咁CTM之後應該都冇得加

全年或者賺到0.25,PE15為3.75

佢忽然又搞收購,買D看似垃圾的物體,睇黎又產生攤銷

收購價15.6億,買入目標公司的39%,即係唔會合并報表,事實上合并報表的話立即就會拉低盈利,冇人會同意的

估計將來還會收購多一次,等到間野扭到虧啦,就高價收購多12%以上再合黎并報表,然後再高呼皇上聖明咁

CTM債重仙都唔仙下,所以收購以賣屎忽形式進行,用3蚊發行5.2億新股比老母,現家股數為34億,即係用15%CTM股份交換,由於間野唔會有盈利提供先,所以一完成交易就即刻攤薄盈利15%,雖然發行價都叫做溢價有利淨值,最敝收購的公司亦唔見得唔係溢價,原先值3.75一股的縮為值3.2,將來間野或者會好返,但到時先算,味皇本來認為CTM=1.15股新意網,但收購後就變成1兌1了

現家CTM超跌到得返2.44,但同時新意網先得2.29,唔考慮慨念的話揸新意網會好D

電腦網業績

盈利跌15％，嚇死人咩，個心離一離呀

營業額同毛利增加，照計是很好的，應該好順利咁達成10厘股，不過問題係支出忽然大升，如果係一次性，咁現價的電腦網就係神仙股，就唔知係一次性定常規性

於是味皇試下回憶下上年電腦網同今年電腦網，個網有乜分別－－係有分別的，不過唔係pc版，而係手機版，同上年相比，電腦網多左個app，以前手機版係用百度現成的生成系統，而現家卻更似淘寶的外形，簡單講就係搵it重新寫過曬，呢d支出唔可以計入有形資產，咁唯有用黎扣減盈利囉，因此味皇憶測為一次性支出

如果唔好彩支出成為常規支出，一年大概派0.15的水平，如果只是一次性支出，以後就派到0.22，至於今年，估計派0.15-0.19

現家應該要改口叫汽車網？

汽車網的好處係每個零件同周邊背後都有間公司，唔止成架車咁賣廣告，避震，音响，潤滑油都可以賣廣告，以前電腦網都係咁，主板，顯卡，聲卡乜都可以賣廣告，幾百幾千間公司，自從時代流向手機一體機之類後再唔興散賣，幾百幾千間公司合體成幾十間公司，咁廣告商就出事了，好彩汽車好多人當玩具玩損耗又大，零件有得散賣，汽車網還算安全

電腦網冇得救，比起以前，小米華為果d座大左，少左好多山寨廠，打廣告的公司變得更少

女人網有得搞，大陸賣易容產品比之前平左，但都要有多d正貨入口，d人先有野可以比較，大陸大城市或者有莎莎咁多品種的舖頭，但細城市就冇咁多品種貨，最多都係商場有d不知名物體，上網睇左都買唔到，於是，隨物流業的發展，女人網由大城市的小眾讀者擴展到小城市的腐女只是時間問題，只要多d推介網購就可以

家居網就同樓市相關，近期應該冇乜人有心情睇

春子網就麻麻地，啪啪啪的確係多左，但叉燒數量反而少左，有菊花冇結果，好在基數細仲有成長空間，不過佢最近收購d類似小霸王學習機類似的物體進入實體經營，但電腦網的重要賣點正是佢非實體因而佔用資金少，佢一旦進入實體經營後可能產生更多的固定支出同預留營運資金，進而影响派息比率