2012年3月6日 星期二

出糧股(2)

味皇正在換樓中,但並過程不順利,現在仲未搵到人接火捧,所以財技想行使都冇機會
話說做按揭需要有穩定入息,就算你唔供樓,每日都有其他數要找,味將軍說如果每個月好似綜緩咁唔做有錢收就爽死,要自由都要日日有人代你勞動先得,財務自由不過是別人代你勞動兼勞動成果(錢)歸自己所有,綜緩勞役的是納稅人及某些納稅法人下面的奴隸,如果想有尊嚴地做奴隸主,勞役對像就要改為租戶及員工,這個社會是笑貧不笑娼的,有錢自然有尊嚴
味皇踏上邪惡的路途上,股息收入平均計早已超過每個月3000(話曬組合都曾經同時有過5隻10厘股),如果跟住嘅中銀100年紀念可以賣到6000蚊,咁每個月可以再多30蚊,唔知大西洋2014年會唔會整番張150年紀念呢?
每個月3000只是平均數,如果可能的我當然希望每個月收到,有出糧股就最好了,如是者,集齊12張黃金飯票,雅典娜的大床就會開啟...
如果將一些派米穩定的飯票整理一下,就可以做出下面類似的結果,飯票的派米日期是不同的,由於上年公布業績日期的規定有變,因此得意拖到現在確定左變動先寫,讀者自己都做下,有益無害
想做出糧股,要有穩定的派息,盈利唔可以變化太大,最好高息,一年派4次最好,原來港通都係派4次息的,另外想說,在1,2,3月派息的公司鳳毛麟角,非常珍貴
如果要收集12套,可以像下面咁,調節一下購入比例,就可以做到每個月有錢收,錢多到一定程度的人可以咁做

沒有留言:

張貼留言