15%的特殊印花稅新聞熱炒,樓價應聲下跌,經紀散落一地
政府出招必殺技,就好似老夫子個傻樣最多咪識南斗水鳥拳,但居然使出八稚女咁驚嚇,唔聲唔聲嚇人一驚
必殺技好似好勁,其實跳一下就避開左,假設流王法開左一堆公司,用公司A名持有單位A,流王法將公司A賣比食鬼謙,咁雙方都不用交15%,因為單位持有人是公司A呢點一直都冇變過
即是說買賣單位要交稅,但買賣持有屋契的公司股份就不用交稅,呢招是尊貴的人形物體精通的技巧,因此今次是針對中下流人的招式,對上流人士無甚影響
冇咁大過頭唔好戴咁大頂帽,周身冇蚊學人買乜鬼樓?現在的需求,其實是葡萄撚眼紅人地有得炒自己冇得炒,覺得唔公平就嗌嘈曬,學黃子華話齋,香港潮人見人地篤魚蛋,人地5粒自已4粒就係度嘈,老闆比多粒自己唔要,而係叫人地嘔返粒出黎,損人不利己
講返避稅,仲有仲創新方法可以用,就係必買必賣契約的交收期設定在2年後,而買家的名字留空,契約張紙可以自由買賣,即係變左做樓花,咁就過到骨
沒有留言:
張貼留言