裁員廣進

某卡片場的"4選1"減薪方案通過左,人人減人工,以為減左就唔炒人?此一事彼一事,冇人親口答應減左人工就唔炒喎,結果減薪裁員兩不誤

勞工局阿酸局長係報紙度話勞工局唔會批減薪方案,結果翌日佢就批左,仁義禮智信首先就冇左信啦.不過又唔能夠怪佢,政治的本質正是欺詐,人地都係盡職啫

想一想垃圾會的會員,有7個係卡片業出身的,其中有仲有體育會同神秘貿易出身的,正是政治環境進步的表現

在裁員廣進的年代,難度我可以獨善其身嗎?尤其係工作性質同自己的屬性相克時,實在頗為傷感,在熱情值一直為負數的情況下,我居然可以存活至今,靠的是職業道德,既然接受了人工,就要去完成任務,鋼鐵之煉丹術師都有講,叫等價交換,接受左交換後,唔公平都冇辦法,我每天認真工作,為的是感覺不太公平的人工,過程雖然痛苦,但目標明確,熱情雖然欠奉,工作認真還是必要的,這是對人工的尊重,很多同事成日訴苦,又乜又物,開工痛苦,又扮到成條死屍咁,成日亂請假,比我仲加博炒,比較矛盾的是,他們很驚冇左份工.總之我非常討厭該工作,但起碼老闆睇唔出,人地討厭工作,老闆一眼就睇得出,結果我等炒的優先度相當低

職業道德,本質咪又係欺詐