去完泰國返黎

剛去完泰國返黎,局勢冇想像中咁亂,示威區以外的街上貌冇乜影響,係游人少左,曼谷D地鐵同商場入口有軍人好求其地檢查行李,地鐵站死城咁,感覺好似玩緊射擊GAME,不過味皇似是比人射的一方,據同行的朋友說輕軌站同商場的人流比早兩年少一半,芭提雅就成個外國咁,事實佢又真係外國,主要是街上全是西人,冇曬中國人,比人的感覺就大不相同了,人流也是少一半,泰國酒店唔提供拖鞋牙刷,要自己帶,以為扮風筒的鬚刨其實真風筒,因此鬚刨都要自己帶
曼谷比我的印象是,物價同澳門一模一樣,以大創百貨為例,日本賣108円的貨品(折合約8蚊),在澳門賣15蚊,泰國賣60銖(折合約15蚊),景點除了商場只有商場,路上很多人主動搭訕說車一程幾錢幾錢的,而開價都是宰羊價,實測開價高出最終要價50-80%,食的方面品種繁多,而且特別多日系的類型,不過品種多還多,但質素就相當參差,可能博外國人唔識分,價錢方面.凍檸茶同澳門一樣係13蚊,分別只是冰佔半杯同佔近半杯,不過生果零食萬金油就真係平,話曬都產地,市容方面,有點像廣州,分別是賣臭豆腐同賣燒雞,由於D燒雞一直冇人賣就一直燒唔停,所以會有燶味,唔好食價錢亦唔平,曼谷比廣州少左的是乞兒同垃圾桶,在曼谷街上是找不到的,城市規劃兩地都是發展架空道路,曼谷更為重手,基本上曼谷的大街都是在行車天橋的陰影下的,似乎有利於避暑,只是城市比人的印象相當灰暗,曼谷任何時候都塞車,空氣差,不過城市周圍都是平原同田,沒有屏風樓,廢氣只要起風就會吹走,因此我們吸入的是新鮮的廢氣,不同於我們現在吸的二手廢氣,曼谷很多摩天爛尾樓,似乎都是住宅,起好的看來會租比外國人而不是本地人,曼谷有點似日本殖民地,經常見到日文同日本餐廳,超市賣的飲品一半係日資貨,連味之素的工廠都係度,我果間經紀A都話會係曼谷開分店,相較下中國人遊客最多,但在社會上不是很有影響力
芭提雅好曬,去之前可以係大創度買呢樣,實用度超高

芭提雅海灘好多玻璃碎,唔好著多孔拖,觀光貨車10銖一程,只是順風車,路線不定(理論上是環市繞圈),你可以隨時截車,司機亦可以隨時攆你下來,入黑去到少人兩頭唔到岸的地方就會攆你落車,一係你加錢,街上5步一雞,愛甜食的人最愛,由於少左中國人,結果就是成街洋腸點甜醬的景象,不過會唔會誤食閹雞就不得而知了

和味皇同行的人已多次來泰國,今次來泰國的目的是血拼,很明顯味皇JOIN埋一齊去是中伏了,結果而言,沒有去景點(政局不允許,同行者以前去過亦冇興趣),全程街出汗,A商場冷氣,街出汗,B商場冷氣,街出汗,C商場冷氣,街出汗,D商場冷氣,完全是購物團,而而多冷多熱,回來已是大傷風,芭提雅也是一樣,全程商場,海灘很近,亦很遠,最後得出泰國唔啱我玩的偏頗結論
本來味皇旅行的目的是休閒,最終行程方針不同,完全達不到休閒的目的,反而周身唔舒服,而且天氣太熱,亦沒有心情遊玩
被負能量包圍的味皇很快會變成原種,跟住比勇者G用士巴拿毆打,又或者變態成怪人,比著水手服的美國女戰隊拎飛行道具,總之味皇對泰國的印象不是很好

想抽青島港的新股,不過去左旅行冇抽,一般而言IPO,越正派的股越冇得升,越老千的股越炒得勁,因此青島港的IPO有冇賺頭把握不是太足
既然回來了,BLOG就恢復更新
20銖的椰青,味道有點怪,是椰子太老還是太嫩之過?有人發春了,想開炮,就唔記得大明湖畔的毒?現在RB玩針的青頭仔得返我一個嗎?仲耍係陳年的...現在的年青頭真是...