1446鴻福堂

保薦人高誠證券...誠證券...證券...券
我覺得呢個保薦人相當有嫌疑
不過保薦人呢D野難以量化,好難用數字解釋,等於用潔淨同堅韌力來評估的話,砂紙一定會優於廁紙,你黎抆呀
你要唔小心用過砂紙,見過大姨媽,咁大姨媽先會教育你做人的道理,因此我沒有理由阻止別人見姨媽,雖然一直以來味皇做了不少思想工作妨礙姨媽探親

鴻福堂味皇是有興趣的,其實只要關於食,味皇都會表示興趣,但好公司唔等同好股票,有些特性大家需要留意
舊公司可以不管,但新上市的公司,需要避免買有大量非自營店或間接銷售的公司股票
例如中國動向也算是一張砂紙,但凡有大量非自營店或間接銷售的公司,都可以在別人的貨倉屯貨,然後計入營業額同盈利,具體就是,我放一萬幾千樽飲品在加盟店的閣樓,當賣左比人(加盟店),營業額同盈利立即入帳,加盟店當然冇錢比,寫張借據就係,不過公司都以其他名義欠返加盟店咁上下錢就是,盈利增加左,上市完,如果想繼續玩,將D飲品標籤的有效期改為2047,飲品變飲料,就唔怕穿煲,如果想洗底,話批貨過左期,公司虧損,扣返D營業額同盈利出黎,註銷D借據又變返好公司
例如克莉斯汀也算是一張砂紙,但凡出大量代金劵的公司,佢可以賣一百幾十萬張卡比親朋戚友同加盟店,立即計入營業額同盈利,就係冇人兌,咁就有收入冇支出了,大家樂都可以咁做架,學我上次話齋,叫員工嗌賣一百幾十萬個外賣,就係唔送貨,賒埋數又過到骨,講返代金劵,上完市比親朋戚友同加盟店退返錢或兌左佢,咁就有支出冇收入,反正已做神仙

鴻福堂今次打孖上,因此味皇在佢出盈警之前,是不會入貨的,連報表睇的價值也沒有