佢D新業務萬一唔好搵,現價2蚊買入唔會點蝕錢,亦賺唔到錢,如果佢真係咁好搵,都要坐足1年先有足夠的水位,因此貿易通是兩年以上的投資項目
雖然達到高成長率的話話可以推上20倍以上的PE,但貿易通市值細,未必合基金的胃口,而且人頭少,成為市場焦點的可能性偏低,上次炒得起是因為支付概念同時一齊炒起的原因,如果只有貿易通單體的話,就未必咁順利
貿易通本業盈利近5000萬,予計可以維持,該項目似乎是自助報關甚麼的,又唔駛請人填表又盛,固定支出甚少
大陸佔細份的數據中心租金又分到幾百萬
電子証書業務是收年費的,除非網摺埋,唔係就好似收租咁收,呢度有1000萬
即貿易逍有合計6000萬的包底的盈利,而且由於冇支出所以可以全派,呢部分坐底保注了0.075的派息,即起碼有3厘幾先,用返PE15同4.5厘計,是1.1同1.7,平均1.4,其他業務就是贈品了
電子錢包業務的材料上次因為泰國示威而缺貨以至延期,令次政變相信會缺得仲應,未必可順利推出,今年唔駛旨意賺到呢筆,不過呢個業務如果成功,就可以訓係度收錢,第一,為銀行慳到錢,或者有水回,第二,轉賬方便左,用既人同用既密度就多,比如買股票用5蚊雞時可以用佢入錢咁,或者可以回到水,第三,港澳台通用,跨幣使用的話銀行可以賺匯水,或者有回水,第四,可以取代部分ATM功能,特別係現家ATM用WINXP的情況下,銀行慳到錢,或者有水回,第五,卡公司有年費比返,第六,遲早會有八達通功能,比車費時可以抽水,買籌碼就唔知得唔得了,第七,能取代澳門通的話,就可以用於珠海同中山的巴士上,間接有籍口滲入大陸市場,第八,機件本身的按金,當100蚊一個,可以有幾千萬按金去下收息,而且啪野果部機本身的按金相信一定唔平,第九,舊野咁細件,好易唔見,有罰金收,鬼佬旅遊買黎啪地鐵飛,之後出境唔退返白賺按金,第十,係上面印AIA,軟件又整D植入式咁,又可以賺少少廣告費,第十一,巴巴唔會買,但QQ好有可能會買夾埋財付通一齊用,電子錢包業務好處多到數唔曬,市場容量又大,不過成功左先有得講
大陸有個物流網,由上年第三季先開,按其說法,其盈利會全數保留用於發展,即係話唔止已經可以自給自足,仲有錢賺的意思,網本身唔一定有水抽,但一方面有廣告費,另一方面又有會員的入會費同按金,第時可能賣埋保險添,類似太平洋網絡咁,有收入冇支出,個網剛開始時,即使1年前,只支持上海,深圳,成都三地,而1年後嘅現家支持到邊度呢?直接上圖
有冇留意到,支持台灣?三通概念,加埋港澳台3幣的電子錢包似乎有得搞,而且亦代表了交左入會費的人已不止上海,深圳,成都三地了,市場容量極大,不過都係成功左先有得講
簡單說,現時的貿易通是一個可以滿足3個願望的出奇蛋,抽中有巨獎,抽唔中都有包紙巾
不過貿易通一直都是食息派長揸的選擇,未來也是如此,但彩蛋開左出黎,中左獎啦,就基本代表貿易通的上市生命開始倒數,冇得比你繼續揸了,一兩年內就會比性馬的傢伙拆骨分屍
沒有留言:
張貼留言