大包圍

收到龍翔的股息支票,加埋電腦網的息,又有點錢可以入貨了,於是3毫左右排左幾日隊買垃圾股,由於成交量少,先成得3000蚊,名暫時唔開得,成交量過少差價又大,開名會影響我入貨,公司名同水有關,但業務同水冇關
如無意外過幾日就可以收到賣樓的尾數,到時會大舉入貨,可能黎過大包圍,多番D世藝,現時個倉有11隻股,遲下可能會發展成廿隻甚至更多,不過主力收息股是既定的戰略
經過早兩個月的低迷後,組合回報終於過左年頭的高位,CASHMAIN死左,回報率同紀錄已不可考,我想12%左右
係賭場度仲現好多賭客用IPHONE4,今時今日仲用IPHONE4會唔會很畢?當年買IPHONE4的人很多都是貪新潮,懶有型,用高價買左返來,超有型,但冇幾年出左新就變7頭皮,主要是因為,懶型的人特別鍾意同人對比,IPHONE賣的不是電話,而是優越感,人手一部,互相攀比已成為社交生活的一部分,打電話的功能點樣已經冇人埋,正如人地買熱門股,賺左之後鬥囂張,蝕左之後鬥HIHI,炒股的過程當成生活的一部分,本來的目的已經嘥勁氣
那麼仲用緊N年前MOTO飛刀既味皇是不是要搵窿捐,非也,因為味皇用的唔入流,大家都冇話題,唔會成為比較對象,正如個個都會用C朗同美斯比較,如果我呢個時候提高路斯,就一定唔會有人釆,當成透明咁
做透明人幾好呀,可以入公廁偷曬D廁紙.可以將人地電腦的甜壁紙偷偷換成哲♂學等等,於是乎,過幾日味皇入貨的目標,主要都集中在一些冇人同的股