年末

YAHOO舊BLOG早兩日摺左,硬係話文件創建失敗BACKUP唔到,有D可惜,不過舊既唔去新既唔來,順便亦永遠埋葬了當年講太多差D搞到要封筆的黑歷史,重新做人,或許將來味皇可以浮出水面而不用搞地下活動
REAL BLOG似乎知名度不是太高?好多高登仔都唔知我仲有寫BLOG,想起來味皇都寫左成7年BLOG,算是仲未摺的投資BLOG中歷史最悠久的一批了,也許已經跟不上時代了
唔止YAHOO執,連EDITGRID都會係下年執,可謂破舊立新的一年,轉用GOOGLE試算表的過程有有排搞,味皇認為EDITGRID有無限的用途,如果識利用的話所有辦工系統都可以去死,就咁執左太可惜了

熱刺終於肯炒保亞斯,可喜可賀,接手的舒活唔知乜料,總之唔好妨礙球員踢自動波就好了,觀賞性提高比起成績更能讓一個球迷滿足

今年組合回報未夠20%,投入的資金已經不多,反而抽資抽左一大截,具體聽日先寫

反而手上D樓升到不是人住的,再咁搞法我就要寫仿遼參的題目了,今年第一次進擊大陸同日本,財務自由的標準也在今年達成,下年可能會再來個連續技

大陸個舖位早兩日開左張,仲請飯冰冰剪綵,味皇已經確定個場唔會變死場,將來發展好的效果可能類似九洲城,最近發現街外個銀行舖位以310蚊/米招租,而商場現在訂的租金為280蚊/米上下,似乎不用擔心減租的風險,結果而言,個舖位即使改為不賣,亦無損失,而味皇的舖位,咁啱線比連鎖式飲食租左,這是有實力的租客,在視覺上,舖位亦直接作經營用途,因此味皇肯定個舖可以賣到好價錢,相對於用左做通道的舖位,叫座力更佳,味皇打算挑戰加價50%
在買這舖位之前,味皇睇過南屏的寫字樓,叫天朗海峰,今個星期澳門日報都仲有賣,當時味皇睇果間叫價78萬的,現家都加到103萬了,不過因租金少作罷,結果買左北岭舖
屋企人個回遷房,之前通過動議話1開2的,但比親戚哦完又比屋企人否決左,有點超錯的成份,但說不動也沒辦法,只是可惜了一些不錯的收租樓

味皇BLOG本來是寫股票的,本金的投入也是全力投放的,但結果而言,味皇反而主要在樓上賺到錢,實在有違本意,可謂天意弄人仔,無心插花柳

去完日本旅行,味皇先發現自己已經有中級至高級的日文水平(聽),講就唔多得了,明明冇學過日文的說,果然玩咁多年機械人大戰的怨念發揮效果了,反而味皇被迫學左十幾廿年英文,睇見一堆英文會有頭暈的生理現象,搞到連代數都冇辦法計好,現家英文仲係幾乎完全唔識,亦是天意弄人仔,無心插花柳也

總之祝各位讀者新一年有個好的結果