選舉過後

金權當道,澳門的官方語言遲早變福建話,票數下跌3000,証明改邪歸正是錯的,做人要有腰骨,一開始係狂派就最終都要係狂派先得,唔派500,就買唔到別人的腰骨

不過都好,毒水不如濁水,深色勢力數量限制在四已經很好了,而且小頭目聯合起來也及不上大BOSS

圈子依然很好很強大

我投左親共產黨非保皇組

對於澳門的建制,實在非常優秀,無論係頭領戰士,酒詩商人,土地公,賭聖定係雞農,只要肯去選,總是有機會選上,証明澳門是一窩二奶三窟四腳五毒六臂七頭八蛋九奴十鱷之人樂土,由於味皇目標係進化成社會寄生蟲,長遠來說實在冇比澳門更適合居住的地方了...雖然不大適合螻蟻居住

股市升至差唔多22000點,上年呢個時候,我一出糧就即刻入貨,今年呢個時候,我可以拖到月中月尾先入貨,這是一個重要改變,雖則入貨呢點冇變過

以往美國從未試過咁低息的,即使係大蕭條之後都未試過,如果說50-80年代的黃金時代係由低息引起的話,咁未來可能出現史無前例的超合金時代(定係超合金訂價時代?),當然,未煮透的牛皮是好韌的

美元下跌,我新賣果間樓升到13x萬,由於係澳門幣計價,所以西人唔覺會得我層樓有升過,會唔會招野到西人買澳門樓呢?要買都係福建人買先

美元下跌,我人工就跟住跌,但係飯貴左,因為乜都要進口

國慶將至,普天同慶我唔慶,我要面對的是地獄般的工作量,今日我要做的是3個美國人的工作量,到時一個平方9個美國人的工作量,1份中國人價錢,1/3的氧氣,3倍的尼古丁

打工之道,修羅之道