9月11日

尋日仲頭痛緊買味丹定奧普還是集優,今日最終決定買入的是奧普,因為僅有它是逆市下跌的,買入價0.88,入左8000股,現時總共持有52000股,其中44000股舊股除左淨,將收到2200蚊人民幣股息

手持的中銀實貨存倉,手續費暫時為70蚊,未知仲有冇尾數,提實貨迴避了10%的股息稅,但提存的手續費剛好打返平....鬼叫想換馬咩

最近內銀股急升,中銀仲大幅跑贏其他,但是在7月做市況統計的時候,內銀股係冇人要的,個人認為,暫時六行之中,按最貴掛列為,招商18%>工商7%>交通3%>建設13%>中銀24%>中信,(招商貴工商18%,工商貴交通7%,如此類推)

事後看來,熊市在上年11月完結,之後日日都仲有人話世界末日,魯賓尼日日都收到採訪費,果時話牛市來了只會當成癲佬,後來隨著股市回升,漸漸話世界末日的人收聲,繼而潛水,變為gogogo代替,現家話熊市未走一樣會當成癲佬,基本上市場沒有任何人知道熊市在何時完結而大呼熊來牛去,所謂精英們轉軚始終都係慢三拍,所以話熊是在不知不覺間絕種,而牛卻會一夜間比人偷走

牛市的一大特色係會冒出大堆新股,牛三末期仲會有一大堆垃圾股以天價上市添,不過香港市場很有本土特色,唔牛三都有大堆老千股天價上市

現家股市平定貴?當中移都貴時咪貴囉,個股就有平有貴啦,唔輪住炒作,經紀食穀種乎?

舊文大陸國企名單中,金隅上左市,之後仲有其他會輪住上

賭場生意好左,最直觀的係熊貓牌既煙盒多左,失蹤多時的紅雙喜同紅塔山都相繼登場,日日比大客磨到冇得停,幾萬一買鋪唔當係錢咁,我就做到一頭煙