2009年9月25日 星期五

9月25日

匯豐話將ceo調返香港,咁香港實際上會變返匯豐總部,類似中國的首都係北京,但亦有像美國的門面首都是華盛頓而實際首都是紐約一樣

搬返香港的理由很簡單,有3個理由:

1.為左扮中國銀行

2.英國唔夠人打逃走出來

3.香港稅率低,而且很多國家同香港簽左免雙重征稅

第一點無非係想係中央攞好處,揇下膊頭扮親戚,一黎淡化外資的身份,就容易有政策支持,特別係發債同貨幣結算,二黎實際佢又係外資,容易吸引祟洋的客戶,況且佢的國際業務的確優於中行,不過由於只係扮,所以對英政府的刺激也較細

第二點係匯豐冇比英廷國有化,以存戶的角度,存錢最安全的地方係比朝廷共產左的銀行,因為有政府揹,唔怕執粒,而且政府銀行的收費肯定會比私營銀行低,全因救市政策,民不與官爭,匯豐再強大,在英國本土也不是政府銀行的對手

第三點係政府銀行在本土強大左,相對在國外衰弱左,只要由香港匯豐同恆生出國就搶到生意,而英國匯豐就齋做英國本土,即係任得英國匯豐自生自滅,全力改用香港出面賺錢

分析員話匯豐股價會升,放屁

今日的匯豐同尋日的匯豐有乜分別?戰略的改變不是即時見效的,如果說長期賺多d錢的可能性提高左就得,難道每日公布一次新戰略股價就可以飛天?

匯豐現價等於供股前的100蚊,無疑係幾平的,東尼都話匯豐值180蚊,長揸冇問題,但炒作慨念投機很易損手,市場期待太高很易出現"差於預期"的結果

仲有一單新聞係救市資金可能退市,最近股市都係因為咁而跌

再次証明市場目光如豆,救市資金退市正是經濟恢復的表現,唔通經濟衰退的時候先同你退市?就如同利息一樣,越加息股市越升,越減息股市越跌,但市場卻總是視而不見,大環境改善的振興作用遠比起救市資金退市的震動重要得多

如果救市資金真係退市,投資者更應乘機加重投資才對

沒有留言:

張貼留言