上海集優中期業績

             08上半年   09上半年         08上半年   09上半年       

(百萬)              營業額                                    稅前利潤                    

葉片            406           410         +1%            71            54            -24%    

啤呤            241           174        -28%            25              2            -92% 

刀具            270           182        -33%            32            12            -63% 

五金            763           271        -64%            39            23            -41%

業績如此低下實在在意料之外,除左葉片之外,其餘都大幅下滑,尤其係啤呤業務,說明4萬億只是空放話,實際上中間比人落格,資金並沒有流入行業之中,南車時代的業績可能都唔好,刀具係消耗品,刀具業績下降代表工業停滯,廠佬的設備唔更新,五金業績下降係因為出口受挫,但是毛利率反而升左1倍

葉片純利率由17%降至13%,理由可能在於上年鐵價較低,仲有產品構成改變,新產品飛機葉似乎毛利率低於發電葉,但是電廠同航空公司可以一年唔換新,兩年唔換新,三年一定要換新,這類設備老化快,一味拖等於靠害,拖延更新時間的同時會形成更換潮,母公司打算全力發展風力發電機,扇葉同啤呤由集優造,電機同機身由母公司造,其本上同母公司統一戰略

啤呤業務幾乎虧損,啤呤業務的盈利爆發點在營業額1.7億左右雖,不能太確定容戶幾時先復甦,但至少唔會衰過現家,盈利估計之前我太樂觀,但不代表要大幅修正,啤呤業務依然有賺4000萬一年的能力,公司原先打算投資3.7億在啤呤業務,其中2.5億改用途,由研究微型啤呤改為巨型啤呤,這是屬於"新能源狂熱"的病症,雖然冇害,但頭腦發熱不利思考,個人認為研究巨型啤呤比微型啤呤更賺錢,但微型啤呤可以長賺長有而巨型啤呤唔可以

刀具業務下降幅度可以理解,因為創科已經衰到貼地,地產市道唔好三行就冇工開

五金純利率異常地由5.1%上升至8.4%,似乎由外銷轉內銷,仲要係賣比母公司果隻,賣比街外人賺唔到咁多,歐洲玩反傾銷的原因只不過係工廠衰退,入口五金用唔著先借d倚抽重稅趕人,到經濟復甦要用時,自然會開返門,現在要集優主攻內銷的話,利潤上升有限,國內山寨廠悽慘,行業整合,但集優礙於其國企身份,唔準以本傷人,個別競爭者可能坐大

                      08上半年   09上半年

固定資產     1012              982

折舊                  50                 57

折舊上升但固定資產冇升,唯一解釋係搬緊廠,奧普都係咁,按折舊上升的比例推算,連同搬緊的固定資產合共1154

應收賬同上年差唔多,唯獨賬期長左,集優話佢比的賬期一般少於30日,賬期長左即係有人拖數(客戶流動資金不足),如果經濟唔快速好轉同銀行開水喉,未來可能出現幾千萬的撥備

應附賬同上年差唔多,集優又準時比錢,証明仲有生意,入貨金額同上年一樣,但近期鐵價上升,同金額的貨量會比上年少,假設鐵價比上年升兩成,就代表貨量少兩成,客戶需求少兩成

有3.4億新買的機器仲未到貨,要新廠建成時先搬入,工期由上次通告起計310日,3.4億為集優的總固定資產的三分一,完工後集優會有質的轉變

業績後的7月17日,集優接左中國核工的1.5億的訂單,假如賺20%,可以賺到3000萬,未知今年未知趕唔趕得切入賬