市況統計腰斬

細心的讀者可能發現了我最近疏於更新,工作轉左開通宵係重要問題,但更主要的是,我玩緊足球經理,基本上時間都消磨曬,加埋訓覺,冇乜動力寫網誌

cashmain爛鬼server,個統計又死左啦,免費係咁上下,冇錢之過,市況統計又要半途而廢

中國消防出盈警,痛心疾首,當初我選中國消防,係因為佢係工業股,盈利由固定資產決定,但現在中國消防表現出來的盈利特色卻是隻不折不扣的地產股,花大錢起個新廠房,賺的還不夠做工程敗的,照道理消防設備無論任何時候都應該要更新保養,消防車有需要就要買,現在卻因"地產市場下滑"的理由而蝕錢,如果要我買地產股我為什麼不買首創?

葛拉罕話,買隻股票比最多比佢三年耐心,三年都未達效果就當判斷錯誤,三年已到,中國消防總是令我失望,當初我花咁大心力去研究佢,到底係唔係一開始就是錯誤?最近我如此懷疑著

"中國消防的價值嚴重低估",我還是有此結論,但支持結論的論點只是UTC的收購協議,而令我堅定立場的基本因素已蕩然無存了

我買股票目的係賺錢兼慈善,唔係慈善兼賺錢,也許我要同中國消防的緣份也差不多完結