李澤楷好波!

以為佢私有化女星先叻,現家私有化電盈都pass埋,不由得讚句:"李澤楷好波!"

味皇吟曰:輕輕的錢走了,正如佢偷偷的來,免費的私有化,不留給你一點銀兩

作為上市公司的主席,李澤楷簡直是典範,上市公司做生意賺錢有兩個方法,一係賺消費者的錢,二係賺小股東的錢,李生賺消費者的錢不過不失,但賺小股東的錢就出神入化,令人感動

如果味皇係上市公司的主席,我一定會以李澤楷為榜樣...

不過李澤楷美中不足的地方就是犯左眾憎,雖然女友唔憎冇所謂,但係害左子孫冇籮柚了

正確的私有化方法是,免費將股票收回來之餘,小股東仲會感激佢,當佢恩人咁拜先為之極品,這就是李澤楷美中不足的地方

我想像左個方法,以電盈來說,只要具備一些條件,提早一兩年準備就可以做到以上效果

首先,私有化幾年之前,李澤楷的身份唔可以係電盈的管理層,可以由手下代替,自己扮成外人,之後,電盈同會計師商量,重估一d無形資產,高估無形資產價值,然後開始進行無形資產攤銷,令公司出現虧損的假象,只要連續兩年虧損,最好係虧損增加,股東就會心淡,等人打救,另一方面,公司將值錢的有形資產以證券形式包裝起來,再由公司持有,然後設定奇低的市價入賬,例如1/5的價錢入賬,扮窮,咁李生就可以出黎扮救世主,例如以半價私有化,由於公司顯示出來的有形資產只有1/5,因此半價就係市價的2.5倍,心淡的小股東一定當佢神咁拜....(咳咳,不過佢現家都係神--瘟神),到時再將包裝起來的資產分拆,就可以賺一倍,而且可以再上市

李澤楷同佢d智囊真苯