奧普477

天氣凍先諗起波士登同奧普,隻奧普08年揸到現家已差唔多0成本,趁今次咁凍返兜篇文

今次寒流有人發達

奧普08年市值7億現家廿億,派6仙到現家派成兩毫,剩係賣浴霸未必賣到咁多,相信是賣的產品種類多左

大約2009年時(好似係),浴霸種類5類,天花3種,熱水爐1個,冇暖爐冇衣架,現家種類多左,由於賣的都係耐用品,理論上全部都係一次性收入,因此增加其他種類較容易增加收入,下一個可能出抽濕機同空氣清新機?

同當時相比分別較大的係浴霸產品數由3頁增加到7頁之類的,不過呢D對收入基本不會產生影響,反正功能一樣,反而係熱水爐同暖爐可以調整唔同馬力同大細去切合唔同客人,不過熱水爐同暖爐行業競爭大,未必賺得多,勝在低技術低成本

如果假天花可以裝到出廳間就係條財路,因為可以食埋冷氣暖氣條水,睇佢可唔可以洗腦成功了,不過樓底唔高連廳間都裝埋就變到好矮了,除非天花漏水的化妝樓就有用

至於盈利隱藏的子公司果邊,產品就咁

廚櫃同爐頭有2頁,之前分別係4種同3個,焗爐果D都係近期先有,由於平時唔會有人買,奧普都係靠預售比發展商做一手樓之用,因此上年的銷售應該唔錯,但今年美國加息美元升值,借美元的內房自身難保,一定會影響到奧普D預售

結果都係要靠返肉霸的零售

當年現金流7000萬派7000萬,現家2億派1.5億,上半年佢營業額4.2億,以下半年係上半年的1.5倍計,全年營業額10.5億

奧普儲多左現金,但佢一邊儲錢又一邊借錢,原來佢用2.75借美元再3厘半存人民幣套息,所以今次會奶野,匯兌損失1500萬左右,估計最終賺1.7億,基金的派息未計入去,因為唔知係唔係成日派

手上的海興未必會係咁嘅市況上到市,反而隻半年派到千幾萬息的基金就值得期待,至於話賣子公司單野殺訂居多

賺1.7億用PE15計市值25.5億人仔,即30億港幣或每股2.86附送D基金雜物,派息0.18按6-7厘計就值2.57-3之間