電腦網業績

營業額同毛利成正比例成長,代表行業冇惡化,對外做得幾好
宣傳開支大增,估計係請人飲酒同叫雞送禮的支出多左,初步判斷係同女性網搵馬伕
請多左百幾人,行政支出反而減少,說明刻薄員工更加嚴重,估計係減長工增散工,用私家平板作文,減少紙張使用之類
總體來說,增長不太滿意
現金減少,是由於買樓用左6000幾萬,將來租金支出或會再減少,但折舊上升中和返盈利增長,總體會改善現金流
有億幾現金做左定期,說明電腦網不但不缺營業資金,而且仲閒置不少,味而且皇認為大增的宣傳開支未必會長期都有,因此派息比率應可維持
雖然應收賬的增幅非常礙眼,但電腦網的客戶都是牌子,走數機會不高
同上年持平的已付稅款,說明電腦網冇作大亦冇隱瞞
汽車網增長兩成,由於車廠數量不會突然增加減少,因此是廣告加價,當中並不會增加成本,車廠同汽車網的談判地位處於劣勢,所以汽車網仲有加價能力
電腦網略為下跌,估計係由於版面由電腦配件主導改為手機主導的原因,競爭極為激烈而需打廣告的電腦零件行業日漸式微,廠商的數量減少,而新興的平板用手機廠商數量較少,亦不能拆開逐個零件銷售,令廣告面積變大同數量下降,且廠商變少更易形成潛規則,估計電腦網會日漸衰落
女性網家居網春子網都在建設階段,搵新客的支出多數會出係呢度
遊戲網的目的係用黎洗腦叫人升級電腦的,即系為電腦網服務的子網,由於台式機行業式微,不排除過兩年就摺埋,或者改為收購電玩巴士之類的東西
之前傳過的地產網估計在市道好轉之前是不會搞的,或者直接收購58同城仲快趣
感覺上主力的幾個網似佢求人多過人地搵上門,主要是競爭的激烈程度比不上以前的電腦網,穩定性可能差左,盈利波幅增大
按現時表現,年尾派息多1仙至仙半
傳澳州有公司想收購佢,可能性不大,因為一向做門戶網站都不易成功,同外國網亦無整合作用,外國細公司如果不是近期IPO過亦不會有錢收購,如大公司身極有米,想必看不起呢類細公司,反而阿里同騰訊就有會有D機會收購,特別係阿里會有協同效應,可以超連結去淘寶,淘寶又可以超連結番去佢D評測文,雖然直接比服務費都可以做到呢個效果
如果派息2亳的話,用4-5厘計算估值在4-5蚊,水位不是太多,增長就一定有的,長揸冇問題,好似味皇自已都用按揭套佢息,萬一真係有人肯出5個幾收購的話,轉去新意網都得