雖然營業額如預料般大升,但盈利結果冇升到,10厘股今年就冇可能了
看其存貨,大增一倍,做港口邊會有存貨?一睇就知炒石材果PART炒燶左,壓左大批貨,一粒老鼠咁大的屎整臭成鍋粥,事實上佢炒燶唔止一次了,如同南粵物流一樣
由於盈利數字未顯示出足夠的損失,而只列為應收款,因此爛帳的機會不低,而且規模過億
呢類貿易業務存在,可能是因此油水充足又易撈,阿爺公司的上線下線係私人公司,你懂的,物流公司同鍊鋼公司好似呢種傾向特別嚴重
如拋開呢點,佢港口本業方面就相當完善,而且年內有多間子公司開業,由於都是港口同陸運,不易損失,又可產生穩定收益
兩者結合,廈門港可能變得規模宏大,財政建康,但表現虧損,停止派息,如果不採用一次虧損,那麼在存貨下降前會盈利停滯好幾年,個當然這只是說可能性
例如某動作演員的真實身份是完成度極高的人型自走阿姆斯特朗旋風噴射阿姆斯特朗砲,但如果我們適當地無視一些部位,腦補切除掉,只視之為愛情動作演員,或許會順眼番少少
由於是以港口股為目的而買入,估值亦足夠地平,所以個人變得可以忍受
沒有留言:
張貼留言