財務自由需要準備的東西

題外話先,我地都知黃霑非常鹹濕,同時又非常粗口,但我地從來冇聽過佢學阿大哥咁精蟲上腦,亦從來不會在公開場合聽到佢爆半粒粗口,因為佢知道幾時可做甚麼,幾時又唔可以做,自制力完爆香港9成9人包括果D議員同老師,所以即使黃霑為人好多缺點,依然值得大家敬重
投資獲利一次半次可能說明當時做了正確的事,但如要長期保持獲利,需要的更多是自我限制,保証錯事唔多以做,呢點有D類似
說回正題,財務自由需要準備的東西包括衣食住行,細分可以話好多野,但將之簡化,會發現全都是錢可以解決的事,因此財務自由需要收入,財務自由後未有咁快死,因此需要穩定,只要一日未死都要生活,因此需要舒適
準備內容首先是自住樓,可以是直接自住,亦可以是間接自住,例如直接自住就是指買沙一住沙一,間接自住就是指買出租沙一再租住德福咁,直接自主自主度較高,而間接自住自由度較高,至於住邊度,需要考慮當時的生活需要,比如財務自由後唔需要返工,交通問題可以忽略,更多是考慮生活質素,可以住天水圍,長洲,西貢,大澳,東涌,那些說要幾千萬先可以退休的人,腦中的退休生活依然同返工聯系在一齊,思考模式跳唔出市區同地鐵的框框
衣著的話,退休後唔會有西裝皮鞋,多數係休閒裝波鞋,年紀大左點扮都係皺紋,時間都係陪朋友,唔會陪陌生人,唔冇人會睇你著得光唔光鮮
食的話咪又係3餐,可以食得幾多,年紀大,變左肥佬,又要減肥減血糖,肺友唔係個個學自己咁得閒出街食,反而食定時左,模式化,如果走毒撚路線,可能變成遊戲人生,口大食四方,不過都唔會餐餐豪食,因會口淡
行的話,可能踎屋企,可能日日雲遊,視乎體力同行動力
總體來看,住佔的基本支出最多,食第二,衣最少,行可加可減
例如鴨脷洲退休60000,長洲退休30000,青洲退休15000,香洲退休7500,豐儉由人,5厘的REITS對應金額是1440萬,720萬,360萬,180萬,例如味皇可以選擇青洲或香洲退休,視乎當時的需要,沒有規定不可轉場
病的話小病冇問題,中病有政府貼,大病金山銀山都係死,有兩條路線,A路線整到自己污漕D,增強自己抵抗力,性價比最高,副作用是樣衰,B路線整到環境好乾淨.消除病源,副作用是變潺仔,至於補品全無必要
增加被動收入可以儲股,儲債,或收租,一日未退休,多儲一些總會對將來有利,退休前有些額外財技可以行使
以利息3厘為例,100萬15年每年供8.3萬,20年6.7萬,25年5.7萬,30年5萬,即打和的回報率分別是8.3%,6.7%,5.7%,5%
例如自住樓即使有錢可以FP間200萬的兆康,最好都係借銀行100萬,必須搞個按揭相連存款存口,果100萬幾買5-6厘的REITS,剛好平均供款,由於利息只有3萬,變相每年白賺兩三萬,養幾十年後清左債務又白賺左果堆唔屬於自己的REIT
由於財務自由肯定仲有其他收入,現在有3厘的活期存款存口用,慢慢滾存50萬高息的活期,老左換內臟換撚都有錢
如果儲股的話,務必保有百萬級別的公用股收租股打底,否則會折壽的