商業信託

超人將400億的碼頭分拆在新加坡上市,現家港交所班友仔一定係地下度典緊,面目無光之餘,又冇左大筆佣金

香港做得官的都是老油條,只知明哲保身,完全冇改進的動力,資本市場最有創意的人,一係好似班極品咁搞財技做老千,有謂做老千好搵過皇帝,一係學我咁留係屋企發霉,有謂一文錢逼死英雄漢,好多證券品種係香港無法可依,又或者傾向用莊家制,又或者偏袒賣方等,咪話新加坡,連大陸好多方面都比香港優勝

現在香港股市對債券,優先股,合伙公司,由公司發行的認股權証,封閉基金,信託,B股等東西的支持度不高,想買賣都唔容易,如果嫌成交少,跨交易所成交係好方法

講番今次個商業信託,信託內容可以係碼頭,公路,橋,甚至係廁所,只要收入為正數就得,其實就算是一般的商業公司,只要設定全額派息,性質亦等同於商業信託,最簡單的說明就是,商業信託就是專門派錢比老闆的子公司

我們都知道,公司的成長只有兩個途徑-改善自身效率及新增資產

而新增資產需要額外金錢,對沒有保留盈利的商業信託是無可能的(除非集資),因此只能通過改善自身效率例如加價,例如加班,呢點放諸四海皆可通行,提高盈利增長來自減少派息,增加派息成長就會減慢,對碼頭呢類商業信託來說,改善空間不大,有點類似定息產品

用返碼頭來說,現在一隻港口股的pb可能只有1.2,而pe是12,淨值100蚊的碼頭只賣120蚊,但將佢包裝成定息產品,比如100%派息派6厘應該都幾多人會買,換算為pe就是16.7,即股價為167蚊,pb達1.67

因此超人可以用167蚊賣出碼頭甲,再用120蚊買入同質量的碼頭乙,空手套回47蚊,兼第時又有機會用120蚊私有化番碼頭甲,除苯有精

魔鬼賣野,冇死錯人嘅

講開又講,呢隻野我是有興趣買的,雖然不是現家,唔可以係香港上市係好多人既損失