普星業績

業績其實比較麻麻

佢由2015年開始由電力公司變成扮電力公司,收入由賣電變成收租,味皇記憶中佢的租約好似係3年一續,2015-2017,2018-2020,今年半年報所示,佢依然收緊租,如無意外佢今年已經續左,之前6年都是每年遞增的,可能係大環境唔好,佢今年租金1個仙都冇加,因此之後兩年增加的可能性較少

收味皇的理解,佢無論發再多電,佢也不能從中賺1個仙,即使佢停工打麻雀,也不會因此蝕1分錢,扮賣電部分就無視佢,虛數而已,佢可以支配的收入只有兩種,租金同埋賣蒸氣

租金未來兩年可能不會提高,因此只能指望佢唯二的收入源蒸氣,佢營業額由1500萬增加到2400萬,由賺250萬變賺630萬,其實還算不錯,起碼佔到純利的1成,假如佢有比較大的成長,年尾也可以多賺幾%

也就幾%,如果同現金流相比微不足道,同但派息相比,也可以派多幾%

但是賣蒸氣也有個上限,賣蒸氣腫麼說也只是發電產生的下欄,發電量低時就冇貨賣,發電量高而冇需求時只是碳排放,有需求而發電量低也不可能另外特登去燒炭,普星的蒸氣才剛起步暫時冇問題,但過一兩年或者三五年就到頂,總有個到頭,不可以無限期盼

比較好的地方係佢半年還左超過5000萬,如果佢現金流7000萬,按呢個節奏,全年還到1億,剩4000萬,感覺偏少,但是佢上年的現金流超過3億,因此是先收未來錢的機會較大,如果佢今年下半年還繼續還債,咁佢增加派息的機會就會減少,總之就是看佢的意願,如果盈利不變而減派息會比較樣衰的,一般唔會咁,想佢加的話心態隨緣就好

債務係下降左,但利息反而上升,貌似5厘變7厘幾,但佢標的利率不變,因此推測佢提早?還錢付出相當高的手續費,慳左息都圍唔到本,因此佢繼續提早還,盈利就冇增長,唔還住,盈利數字就多幾百萬

當然,肯還錢肯定係好習慣,但味皇覺得佢如果用呢筆錢回購股票,慳息效果會有效過還貸款

上年半年利息2000萬,今年半年2700萬,如果佢全年都不還住,用佢標的4.9厘計,用現家還債後的水平計,利息是1700萬,即是半年盈利由現在的5800萬變6800萬,即上限每股盈利15仙,X2全年3毫(人仔),下半年繼續還,下限全年26仙,盈利有可能比上年低,只增加經營現金流

總括而言,派10港仙不是甚麼難事,派息比率只不過是30-35%,派再高都得,係佢想派幾多啫

每股淨值1.42,大約5.5億,而佢的現金流應該超過1.5億,效率很高,就算齋計派息輸出,回報率也不低,這樣高效率的資產PB正常不會低,而佢現時股價0.92

順帶一提,普星未改名時,之前公司的英文名叫amber,叫打火機真君也頗為貼切

*無疑佢今年上半年的現金流唔多好睇,可是每年1.5億現金流,是佢早兩年未收購之前,佢收購左之後,正常應該是有原來的1.5倍,即2.25億,如果下半年能正常收足的話,派息同還債也是不用擔心的