看破不說破

沉默是金,非禮勿言,之類的成語由封建時代流傳到現在,咁至少代表呢D先人智慧係封建社會是適用的,唔,就是這樣

金沙可能續唔到牌同之後會點處理呢樣野,味皇係侵當選冇耐之後就已經預測過,現家算係物是人非,連前老闆都賣左鹹鴨蛋

現家流行的用負債玩財技,就算知道係乜,都唔應該UP出黎,就好似佛地魔個名咁,其實睇住D足球員的價錢在某年開始爆升幾倍時就估到乜事,味皇好似08年開始就不再敢沾手內銀股,也是這一道理,系乜野體制下就用乜策略

另一樣野就係,大家都係成年人,自己的決定就算結果不好也只能吞下去,怪人或者怪昨日的自己無補於事,點補救先係重要

味皇能夠講風涼話,除了味皇足夠涼薄之外,主要是味皇冇入肉,如果誰能夠講野離地,就代表佢立在和其他人完全不同的地面上

味皇有不少舊同事有買公司股票,實際上名義都叫藍籌股,話所有股民都中招都可以咁講,打工賺賺埋都唔夠蝕,或者咁講,現家社會進入一個均貧的狀態,呢個時候可能保住較多的資產就可以算係相對的贏家,宏觀的睇,港澳全部人變窮而外國人冇窮咁多,咁港澳整體的競爭力就會下降,微觀的睇,人變窮而人地更窮,咁你競爭就會上升,社會整體不是個人能力可以點,所以只能在個人層面點

是咁的,最近澳門開左間唐吉坷德,唔敢用激安之殿堂個名了,入面一D都唔安,半夜4點入去行一圈,收銀人踩人咁,入面味皇的銀碼適應唔黎,起碼係日本1.5倍,好人好姐入去出返黎恐怕會全裸出黎,正常人幫襯佢實會變窮,何況這個大家變窮的時候,反過來唔幫襯佢你起碼可以多食好幾餐,呢期已經冇旅行,與其去索陣日本除,還索性精神上出埋家,咁會好捱D,上次出大陸5.9飲到15蚊的廢水,自從美團共同富裕左之後,就冇呢支歌仔唱了,最低都十幾蚊,滿足口舌之快的話半價以下買一樽樽的好過,唔消費對社會唔好,但個人同社會的立場相反的時候,算個人優先,當然這不是值得周圍講的東西

回到股票上,呢度模擬股民,例如佢手上全部股都跌,股民A換回現金,股民B唔肯放

股民A應該係怕死黨斬手黨,味皇可以講的不多,如果模擬一下佢地的精神狀態,佢地一係從此唔再入市,一係之後係隨機的時點買入同賣出,不過味皇要提一下,手上拿現金是在通縮的時候才有用,而港澳的經濟雖然向下,資產向下,人工向下,但消費物價依然是大概率上漲,即係滯漲,精神損耗相當高,如果是技術分析門派應該會呼叫D人去高賣低買,問題係幾多人可以做得到並且是出於自主

股民B的情況應該更普遍,包括買股收息的,月供的,存股的,蟹慣的,唔知點算的,等等,基本分析門派的味皇反而可以提到一D意見,股價大跌唔肯賣無非係怕蝕底,怕左一巴右一巴,但是味皇可以告訴你,無論你做乜,就算躺平,左一巴右一巴的機會也是均等的,而你能採取行動至少代表能代表心態是積極的,然後怕蝕底呢個門檻可以咁過,你手上的跌好多,但同時應該有其他股跌更多,如果你沽出A換成B,可以自慰話冇沽到,而且可以搣甩個買入價,過一段時間就會唔記得,當中的重點是比較兩隻股的相對重量,換一隻更有份量的,還可以自慰話賺左價值,例如之前匯豐同渣打一齊跌到40蚊,味皇話1股渣打=1.2股匯豐,匯豐基本人人有而渣打基本人人冇,轉換是多數人可行的,而且都是外資銀行甚至發鈔銀行,自慰冇沽貨也是揸住銀行股,精神面上紙皮婆也有可能做到,今次大跌的其中一項是本地地產股全跌,當中本地地產應該也有分長短,味皇雖然還未研究,如果不是跌最多的應該多少還有點改良機會,長揸本地地產股N年的人叫佢沽售會很困難,但叫佢換成另一隻本地地產還是有點可能,其他類型也是同樣道理,不過相對其他行業過心理門檻會較難,評估也較難

經過今次之後迷信藍籌的人應該會變少一些