2021年9月14日 星期二

1883業績

可能因為開返關,漫遊之類的電話費多左,另外電話卡實名可能都有影響,電話費總共多左一成
商用電話少左8%,可能公司執粒執得多,特別係旅行社之類
電話坐機的市場已經跌穿1億,到可以忽略不計
慣例,數據中心佢冇分開計又要靠估,數據中心連網費收入上年前半年5.5億,現家6億,上年全年11.2億即下半年5.7億,睇落每半年多5%咁,上年全年味皇舊文估佢數據中心營業額6億,咁今年味皇估佢今期上半年數據中心營業額3.7億,全年7.7億咁,佢中信大廈的數據中心應該已經起好曬,之後應該開始靠自然增長
但係上年文字冇提過佢馬拉有數據中心的,今年突然冒出一個新海外子公司,估係係最近鬼鬼祟祟收購番黎,規模不明,但中短期影響有限
同期新意網營業額17億,現金流11億,純利7億,CTM數據中心的營業額係新意網的兩成幾,而新意網市值180億
上半年的現金流13億,比新意網多,而CTM市值100億
上半年還債2億,還債後利息支出大減15%,剩返1.3億利息支出,不過按這進度還要10年先清,每期都咁還落去,咁齋慳利息都可以令盈利每年多幾%,不過還2億而利息支出卻減掉2400萬,比例不合理,應該是出於其他因素
無形資產同商譽攤銷8000幾萬,由於當年收購CTM的溢價金大,攤銷隱藏盈利還會一直下去,呢筆錢主要都係還債去左
大致係咁啦,除左數據中心外,其他的前景好壞不明

最近有一則重大新聞,影響現在還未反映在CTM的股價上
是咁的,澳門要擴張了,之後會多一塊殖民地,然後呢,殖民地可以上youtube上google,上唔上到B站就唔知了,例如華農兄弟拍好片,放上百度雲,係殖民地度下載返黎,再直接放上油管,就不用翻牆了,之類咁,先不管殖民地會冒起各種前所未有的特種行業,反正當地就需要上網,然後,這個範圍名義上叫澳門,名義上叫牆外,先不管空氣牆好了,澳門的網絡服務已經飽和,CTM在現行狀態是不可能染指大陸的網絡服務的,你說東帝汶還有可能,在大陸只有批准的3間可以做,但是如果澳門的面積大左人口多左又點呢?也許牆內的3大的根伸出牆外,照舊佢地做,當中有澳門牌照的即係電信,但係牆內的電信可唔可以管牆外的電信呢?無線仲可能,但有線電信冇牌照,另一邊,CTM有兩種牌照,名義上算牆外專家,伸手入殖民地的機會起碼由0變成50%,成功入場的話到時澳門的市場就由飽和變成有空間,再者,果邊都需要搞數據中心
現行法例下,電信爬牆入黎鋪5G中繼無線轉有線的機會50%,有得CTM同Mtel的光纖牆外互片的機會50%,不過修例的可能性還是存在的,但CTM起碼不是現在的0%
還有,果邊總會需要到澳門電話號碼,扮境外想扮得似點都唔可以+86

5 則留言: