2020年4月22日 星期三

探險家多跌死

呢兩日玩緊ps4的神秘海域4,因為佢免費所以down左落黎玩,味皇本人就當佢旅遊睇風景咁玩,啱啱爆左機
感想就係,主角好似人在野個貝爺咁,連把聲都一模一樣,係差在唔食蚯蚓同飲尿啫,主角係咁係D不斷重開刷首抽的地方跳黎跳去,擒上擒落,已經唔係發顛可以形容,現實中的貝爺有必要也敢係刷首抽的地方跳,差D要砍掉重練,還有在現實中還有一班我們稱為痴線的人係幾十百層樓的天台邊緣又跑又跳拍片扑街的人,他們怎麼了?味皇覺得他們的精神損壞了,是壞左嘅人
一般生物會本能都是想生存,會怕死,冇必要唔會冒險,勇氣係要通過妨礙本能才會發生,通過訓練黎不可逆的減輕本能的作用,作為生物是不健全的,是精神損壞,到底要幾大條筋先會視死如歸
味皇壓制生殖的本能,這一點上味皇也是壞了
回到比較似本blog的內容,價值投資甚麼的,財務自由甚麼的,好多人想模仿,殊不知賺這種錢的人,精神通常都好異常
第1呢種人必須當大多數人冇到,唔影響人亦唔比人影響,係呢個社會呢種人係歸類為唔合群反社會不受歡迎同社會脫節
第2要有足夠理性同有點本事睇到大部分人睇唔到的野
第3呢種人的性格必然會令生活品質下降,而且有反社會行為
第4例如味皇咁疑心重識計算兼縮骨,在投資市場內係好事,但在社會內會引致晚婚不婚欠缺社交,應該不是好事
第5賺錢要不是係合適的價錢買好公司,就是孤獨咁收集一些名不經傳的公司,不但唔可以同人分享,仲多數會比人笑
味皇現在過得還算滿意,但將來的人生會變成點呢?在金錢層面上應是富足,但在精神層面上或許相當貧乏
所以說追求價值投資財務自由唔係人人都合適的,好睇你的性格如何,精神失常到乜野程度
但係,怕死就人人都適用,想唔冒險,只要係抹一抹塊面,冰敷一下,飲少兩杯,打次飛機進入賢者模式之類的,唔係乜野難事,味皇花咁多心機寫老千股,睇左唔會賺錢,冇人睇,但散播恐懼卻是對所有人最通用有效的
ptt有篇收皮文,話說有人係2.5美仙買左10000桶期油末日合約,結果第日跌穿0唔比斬倉仲跌到-37美元,買區區900蚊,居然倒蝕近200萬,100歲唔死都有新聞,刷新味皇的三觀,味皇唔識期油,味皇自認無知,正是知道自己無知,所以完全沒有興趣,假如味皇有這方面的知識,隨時有興趣買一點點,到時收皮都唔得掂了,一知半解最可怕,空有勇氣而不知力量的界限,跌死冇命賠,到時唔係壞左嘅人,而係壞左嘅肉餅
有邊個會想到,走在街上,行錯一步會粉身碎骨的?銀行奶過一次公開處刑,將來bug應該會修復的,今次扑街的可能是人類社會最初同最後的例子
https://www.ptt.cc/bbs/Option/M.1587412316.A.EF3.html
華農兄弟上年尾先擴張廠房收購種鼠,忽然當野味一刀切禁養,同業都通通活埋,政府又唔賠,渣都冇,好似呢類咁,飛來橫禍,上面買900蚊期油,第日訓醒覺就要排IFC冚家富貴,人生還可以怎樣說了,雖然投資看的是未來這點有矛盾,還是說句珍惜當下啦,冇必要就唔好做接近IFC呢D事,首抽呢度已經係SSR了,比著抽中非洲中南美中近東果班已經係歐金金了
...神秘海域個女主角的性格也刷新了味皇的三觀,味皇覺得很可以,如果現實有這種人的話味皇肯上,但是,搵女始終是高風險行為,概率不過50%,味皇還是軟掉了,價值投資財務自由丫拿,呢種就係精神異常反社會的病例了

5 則留言:

  1. 味皇花咁多心機寫老千股,睇左唔會輸錢, 支持

    回覆刪除
  2. 「首抽呢度已經係SSR了,比著抽中非洲中南美中近東果班已經係歐金金了」

    完全同意...有機會去自學已經好幸福了
    出生係果d 地方.....根本連接觸 價值投資的機會都無.....枉論咩財務自由.....

    味皇呢篇文再顯得你的絕頂中立、冷靜、謙虛的心態...應該都同你投資成功有d 關係.....

    回覆刪除
  3. 而家個個都成為宅男,社唔社交唔係咁重要了,大家都係網上交流

    回覆刪除