市值2億以下的物體

味皇睇睇有乜疑似煙頭的物體,有冇邊D比較有趣味的可以玩現,但事關味皇冇咁多閒錢可以揮霍,睇下就算,由於只係求其隨機睇下,所以唔會寫好多
數據唔係年報,係永隆的簡易數據再用30秒大法睇
403星光集團
印刷廠,冇乜特點
599怡邦行
PB0.4,存貨有點多折舊有點高,很平,如果捱得過今次的話,會係個可以接受的煙頭,捱得過的話
118大同機械
會計師有問題
1123快圖美
應該捱得過今次,但唔代表以後會賺錢
1975新興印刷
不太清楚佢上市的目的,佢根本冇需要上市,PB0.54,是個可以接受的煙頭,味皇認為佢有20%機會私有化
422三陽電單車
PB0.3,台灣三陽冇可能容許佢倒,有機會要母公司注資,由於夠平,煙頭當中反彈潛力出眾,但有大幅攤薄的風險,而且收成時間不太明確,競爭也大,台灣會比狗肉同大陸會比雜牌電動車夾擊
2223卡撒天嬌
會計師有問題
1057浙江世寶
PB0.4,如冇外力支持,未必捱得過今次,但味皇覺得佢比人收購的機會相當大,銀行應該會借錢比佢嘅,其他車廠唔死的話世寶多數可以復活,煙頭之中算係究極體(投機),飛標投資的話可以掟埋佢,一注獨贏的話佢唔安全...按以往經營歷史的話,但係佢現在用的會計師有問題
387力豐
欠債太多
8146怡豐酒業
創業版,味皇不去評論創業版的保薦人有多垃圾了,以前都仲話,現家的話,創業版的公司一來冇錢請有公信力的保薦人,二來公信力的保薦人也不會保薦創業版的公司整臭自己個名
今次命題係"市值2億以下的物體",因此基本不買的創業版都寫埋
佢賣酒的,作為存貨的酒可能值錢,也可能一文不值,但佢現金看來是增加的,又冇欠債的習慣,表面證供顯示佢係好公司,而且上市一登場就盈警了,昆水的最終目的已達到,之後的盈利數字會正常化,PB0.55,現金流有三幾千萬又有交稅
只是創業版公司非常不好的地方是賺錢也不一定肯派息的風氣
8509威揚酒業
同上面相比,完全係反面教材,昆水就自然啦,佢欠債,唔發盈警修正,持軸墟僧大大吹波膠,法證先鋒也是巨毒,而PB居然有1
1533莊園牧場
會計師比較微妙,由於佢欠債多又現金多,具有一些熟悉的特徵,不值得推
359海升果汁
這個會計師...
60四洲
PB不足0.3,有相當大的私有化的動機,概率味皇給個40%好了,如果味皇係老闆就會咁做,以前佢成日都會袋一身債,平都冇私有化的動機,但現在不同,佢市值億幾,現金都億幾了,唔駛錢私有化仲有錢落袋
954常茂生化
PB0.5,作為大粒煙頭,安全性甚至比世寶更好,差別在於唔會有人收購佢
3889大成糖業
大成系十幾年前都叫有頭有面,現家霉到不忍直視
1695椰豐集團
睇公司簡介似係手作坊,財務數字上,差就未至於,但也唔見得有幾好,賺南洋幣,也許有分散用的價值,但公司自體優點缺缺,而且保薦人非常唔OK
2088西王置業
PB0.24,以前個名好大,現在只是個待售的殼公司
由於佢用緊的會計師係邊個邊個,味皇冇理由懷疑老闆同龍5進行啤牌交流被押
864永利地產
市值1億幾,揸十億舖位,仲唔私有化除非個腦比門夾了
568東墨龍,1080勝利管道,1938珠江鋼管
過到今次先啦
1292長安民生物流
味皇以前買過,所以知道佢的最大客戶係大陸的福特汽車,今次福特一定收硬皮,長安雖然平,想在近期恢復實在不太可能,而且現金會很快流失,最後不知還能剩幾多
2682潤利海事
數字上係好公司,而且是相當不錯的公司,但保薦人非常不好,入面一堆OT,想洗底就要交出長期派息表現先得,有需要觀察多幾年
77小巴
現金流同交的稅都在縮水,不是太有前途,作為不太有前途的公司,PB1.5相當高
8502遠航港口
如果排除保薦人因素,呢隻恐怕會係創版入面質量最頂尖的一隻,但係創版經常賺到都不派息比你呢樣衰,也可能將來派,也可能轉版後派,也可能永遠不派,PB0.5算很平,數字很美好,保薦人很不安
1843快餐帝國
賣雞扒賺坡紙的公司,性質上很容易發大,如果不是保薦人的話味皇甚至想立即買黎玩玩,味皇發覺佢同椰豐呢D南洋公司都是用同一個保薦人,OT的可能性不低啦,但也不能排除南洋公司黎香港上市只有呢個保薦人的線
交稅上要騙新加坡政府可不是易事,姑且還是有一點點可信概率
2108 K2
又係南洋公司,又係辣雞保薦人,上市時期又是接近,香港同南洋的資本市場一定存在甚麼地下組織暗雲躍動反清復明
但這隻欠債多,盈利多(自稱),交稅又少,同上面隻大不同,呢隻味皇就唔信了
426明報
現金有點少,成兩年冇交稅,唔摺都果頭近,雖然作為殼非常乾淨,以前仲有得賣殼,但現在殼已經冇市場
1000北大青鳥
唔掂
130慕詩,592bossini,333黛麗絲,210達芙妮
慕詩現金好少,估計今年之後就負數,但佢有自己舖位,成6億咁多,存貨又少,唔會死,PB0.18
bossini有些少現金,但都係租舖,存貨又多,死硬,PB0.28
黛麗絲錢不是太多,半死左右,PB0.28
達芙妮賣身賣到剩底褲,算係暫停運作咁上下,清貨行動接近尾聲,應該唔會死PB0.25
由於在可見未來,不少股的資產淨值會下降,你以為煙頭長,但撿起黎隨時會發現佢仲燒緊而越來越短,慕詩可以做煙頭,但其他辣手
1496亞積邦
現金年年增加,肯還債,現金流還可以,最近聲稱虧損,但有交稅,用最嚴的律師,PB0.43,煙頭一支
919現代美容
現金還算多,但減少得比較快,以前聲稱盈利多,也交了很多稅,但現金流很少,賬期很不尋常,入了賬但不是即期收錢,味皇不肯定佢今時今日能否維持到以往的經營模式,死就應該唔死得嘅,雖然是大折讓現金公司,作為一件資產佢有私有化的價值,但作為一間長期經營前景不太明朗的公司,老闆私有化的動機不大
1173威高
存貨多欠債多有問題
602佳華
呢個時候借大錢買固定資產不知是福是禍
814京客隆
PB0.24,同上,今年借大錢買固定資產,但佢之前4年經營都相當穩定,賣的東西也不是甚麼高級野,出問題的機會相對較細,味皇會認同呢隻野有利用價值